બનાસકાંઠાની ડીસા એડિશનલ સેશન્સ કોર્ટે હત્યારા પતિને આજીવન કેદ અને 5 હજારનો દંડ ફટકાર્યો હતો. મળતી જાણકારી અનુસાર, બનાસકાંઠામાં પત્નીના હત્યારા પતિને કોર્ટે આજીવન કેદની સજા સંભળાવી હતી. પતિએ પાંચ વર્ષ પહેલા પત્નીની હત્યા કરી હતી.
ડીસાની પાંચમી એડિશનલ સેશન્સ કોર્ટે ચુકાદો આપ્યો હતો. પાંચ વર્ષ પહેલા અનૈતિક સંબંધ મુદ્દે પત્નીએ ઠપકો આપતા પતિએ કુહાડીના ઘા મારી હત્યા કરી હતી. જે કેસમાં હત્યારા આરોપી પતિ મણીગર ગોસ્વામીને કોર્ટે આજીવન કેદની સજા અને 5 હજારનો દંડ ફટકાર્યો હતો.
Crime News: જૂનાગઢના કેશોદમાં એક તરફી પ્રેમમાં પાગલ પ્રેમીએ યુવતી પર કર્યો હુમલો
જૂનાગઢના કેશોદમાં એક તરફી પ્રેમમાં પાગલ પ્રેમીએ તીક્ષ્ણ હથિયારના ઘા મારી યુવતી પર હુમલો કર્યો હતો. મળતી જાણકારી અનુસાર, જૂનાગઢના કેશોદમાં એક તરફી પ્રેમમાં પાગલ પ્રેમીએ યુવતી પર હુમલો કર્યો હતો. ઘાયલ યુવતી હાલમાં રાજકોટ સિવિલ હોસ્પિટલમાં સારવાર હેઠળ છે. આરોપી યુવક સાસણનો રહેવાસી છે. આરોપી સાસણથી કેશોદ આવી યુવતીના ઘરે પહોંચ્યો હતો અને લગ્ન માટે બોલાચાલી કરી હતી અને બાદમાં યુવતીને 18 જેટલા તિક્ષ્ણ હથિયારના ઘા ઝીંક્યા હતા. જેથી યુવતી ગંભીર રીતે ઘાયલ થઈ હતી. બાદમાં તેને સારવાર માટે હૉસ્પિટલમાં ખસેડવામાં આવી છે.
Mahisagar: ફરવાના બહાને યુવતીને જંગલમાં લઇ ગયો યુવક, ગુજાર્યો બળાત્કાર
મહીસાગરમાં બાલાસિનોર શહેરમાં ફરવાના બહાને યુવતીને જંગલમાં લઈ જઈ દુષ્કર્મ આચરનાર યુવક વિરુદ્ધ ફરિયાદ નોંધાવી હતી. મળતી જાણકારી અનુસાર, મહીસાગરના બાલાસિનોરમાં યુવક હાઈસ્કૂલમાં અભ્યાસ કરતી યુવતીને ફરવાના બહાને જંગલ વિસ્તારમાં લઈ ગયો હતો. જ્યાં યુવકે યુવતી પર બળાત્કાર ગુજાર્યો હતો. જેને લઇને યુવતીએ પોલીસ ફરિયાદ કરતા આરોપી અજય વાઘેલા નામના યુવકની અટકાયત કરવામાં આવી હતી.
IndiGo Flight: દુબઈથી લાવ્યા Duty Free શરાબ, ફ્લાટમાં જ બનાવ્યો પેગ, અડધી બોટલ ગટગટાવીને બોલવા લાગ્યો ગાળો અને પછી.....
IndiGo Dubai-Mumbai Flight: નશામાં ધુત મુસાફરો દ્વારા દુર્વ્યવહારના કિસ્સાઓ સતત સામે આવી રહ્યા છે. આવો જ એક કિસ્સો બુધવારે (22 માર્ચ) મુંબઈમાં બન્યો હતો. જ્યાં દુબઈથી મુંબઈ આવી રહેલી ઈન્ડિગો એરલાઈન્સની ફ્લાઈટમાં બે નશામાં ધૂત મુસાફરોએ કથિત રીતે હંગામો મચાવ્યો હતો. આ સાથે બંનેએ ક્રૂ અને સહ-યાત્રીઓ સાથે પણ દુર્વ્યવહાર કર્યો હતો. જે બાદ તેની ધરપકડ કરવામાં આવી હતી.