Gujarat Rain Forecast: બંગાળની ખાડીમાં સર્જાઇ નવી સિસ્ટમ,રાજ્યમાં ફરી આ તારીખથી શરૂ થશે વરસાદ
Gujarat Rain Forecast: બંગાળની ખાડીમાં સર્જાયેલા સિસ્ટમ પાકિસ્તાન તરફ જતાં ફંટાઇ જતાં ગુજરાતમાં હાલ વરસાદ મોટાભાગના વિસ્તારમાં બંધ થઇ ગયો છે. જાણો વધુ અપડેટ્
Gujarat Rain Forecast: બંગાળની ખાડીમાં એક સાયક્લોનિક સર્ક્યુલેશન રચાઇ રહ્યું છે. જો આ સિસ્ટમ મજબૂત બનશે તો ગુજરાતમાં ફરી વધુ એક વરસાદનો રાઉન્ડ આવે તેવી શક્યતા જોવાઇ રહી છે. આ સિસ્ટમ ધીરે ધીરે આગળ વધશે અને મહારાષ્ટ્ર તરફથી ગતિ કરે તેવી શક્યતા જોવાઇ રહી છે. આ સિસ્ટમ મહારાષ્ટ્ર તરફ ફંટાતા મહારાષ્ટ્રમાં ભારે વરસાદ વરસી શકે છે. આગામી 14 સપ્ટેમ્બરની આસપાસ આ સિસ્ટમની અસર ગુજરાતમાં પણ વર્તાશે. જેના પગલે 13 કે 14 સપ્ટેમ્બરની આસપાસ ફરી ગુજરાતમાં વરસાદનો એક નવો રાઉન્ડ શરૂ થઇ શકે છે. આ સિસ્ટમ કેટલી મજબૂત બનશે તેના પર વરસાદની તીવ્રતાનો આધાર રહેશે.
ક્યાં વરસશે ભારે વરસાદ
હવામાન વિભાગના મોડલ મુજબ બંગાળની ખાડીમાં સર્જાયેલી સિસ્ટમના કારણે 14 સપ્ટેમ્બરથી ગુજરાતમાં ફરી વરસાદની શરૂઆત થઇ શકે છે. જો કે આ રાઉન્ડમાં સૌથી વધુ વરસાદ દક્ષિણ ગુજરાત અને સૌરાષ્ટ્રમાં વરસે તેવી શક્યતા જોવાઇ રહી છે. વલસાડ, તાપી, નવસારી, સુરત સહિત સૌરાષ્ટ્રના વિસ્તાર પોરબંદર, દેવભૂમિ દ્વારકા, ગીર સોમનાથમાં પણ આ રાઉન્ડમાં ભારે વરસાદ વરસી શકે છે.
ઉલ્લેખનિય છે કે, ગુજરાતમાં 14 સપ્ટેમ્બર સુધી વરસાદની કોઇ શક્યતા નથી. આગામી 14 સપ્ટેમ્બર બાદ સૌરાષ્ટ્ર અને દક્ષિણ ગુજરાતમાં ભારે વરસાદનો રાઉન્ડ આવી શકે છે જ્યારે આ વિસ્તાર ઉપરાંત ઉત્તર ગુજરાત, મધ્ય ગુજરાત, પૂર્વ ગુજરાતમાં હળવાથી મધ્યમ વરસાદ વરસી શકે છે.
આ ચોમાસાની ઋતુ આખા દેશ માટે ખૂબ સારી રહી છે. છેલ્લા બે મહિનાથી ચોમાસાની અસર સમગ્ર દેશમાં જોવા મળી રહી છે, જેના કારણે સારો વરસાદ જોવા મળી રહ્યો છે. ઘણા રાજ્યોમાં ભારે વરસાદને કારણે નદીઓ, તળાવો અને ડેમ સંપૂર્ણપણે ભરાઈ ગયા છે. ઘણા રાજ્યોમાં ચોમાસુ હજુ પણ તેની અસર બતાવી રહ્યું છે, ભારતીય હવામાન વિભાગ (IMD) અનુસાર, ચોમાસામાં ફેરફારને કારણે, દેશના ઘણા રાજ્યોમાં 10, 11, 12, 13, 14, 15 અને 16 સપ્ટેમ્બરના રોજ ભારે વરસાદની ચેતવણી આપવામાં આવી છે.
ઉત્તર-પશ્ચિમ ભારતમાં ચોમાસાએ વળાંક લીધો છે. આવી સ્થિતિમાં, હવામાન વિભાગે ચેતવણી જાહેર કરી છે કે 10, 11, 12, 13, 14, 15 અને 16 સપ્ટેમ્બરના રોજ રાજસ્થાન અને દિલ્હીમાં ઘણી જગ્યાએ હળવો વરસાદ પડી શકે છે., ઉત્તર પ્રદેશ, ઉત્તરાખંડ, હિમાચલ પ્રદેશ, જમ્મુ અને કાશ્મીર, પંજાબ અને હરિયાણામાં ઘણી જગ્યાએ ઝરમર વરસાદની ચેતવણી આપવામાં આવી છે. આ સમય દરમિયાન 30-40 કિલોમીટર પ્રતિ કલાકની ઝડપે પવન પણ ફૂંકાઈ શકે છે.
ટોપ સ્ટોરી
ટ્રેન્ડિંગ સમાચાર
