ABP-CVoter Exit Poll: ગુજરાત વિધાનસભાની ચૂંટણીમાં કોની જીત થશે તેને લઈને સૌના મનમાં સવાલો ઉભા થઈ રહ્યા છે. એબીપી સી વોટર એક્ઝિટ પોલમાં ચોંકાવનારા આંકડા સામે આવ્યા છે. જો કે, પહેલા તબક્કાની જેમ બીજા તબક્કામાં પણ ઓછું મતદાન થયું હતું. આ વખતે દક્ષિણ ગુજરાતમાં આમ આદમી પાર્ટીએ એડીચોટીનું જોર લગાવ્યું હતું.
એબીપી સી વોટર એક્ઝિટ પોલમાં સામે આવેલા આંકડા અનુસાર ùદક્ષિણ ગુજરાતની 35 પૈકી ભાજપને 26 બેઠક મળવાનું અનુમાન. જ્યારે કોંગ્રેસને 35માંથી 6 સીટો મળે તેવા એંધાણ છે. તો બીજી તરફ આમ આદમી પાર્ટીને બે સીટો અને અન્યના ફાળે 1 સીટ જશે.
ગુજરાતમાં બીજા તબક્કાનું મતદાન પૂર્ણ થયું
ગુજરાતમાં બીજા તબક્કાનું મતદાન પૂર્ણ થઈ ગયું છે. ગુજરાત વિધાસનભાની ચૂંટણીના બીજા તબક્કાના મતદાનનો સમય પૂર્ણ થઈ ગયો છે, સરારેશ 60 ટકા મતદાન થયો હોવાનો અંદાજ છે. મતદાન મથકોની અંદર રહેલા મતદારોને મતદાન કરવા દેવામાં આવશે.
ગુજરાત ચૂંટણીમાં બીજા અને અંતિમ તબક્કાનું મતદાન સોમવારે (5 ડિસેમ્બર) પૂર્ણ થયું છે. રાજ્યમાં પ્રથમ તબક્કા માટે 1 ડિસેમ્બરે મતદાન થયું હતું. હિમાચલમાં પણ 12મી નવેમ્બરે મતદાન થયું છે. abp સમાચાર આજે આ બંને રાજ્યોના એક્ઝિટ પોલ બતાવવા જઈ રહ્યા છે. એબીપી ન્યૂઝ એક જવાબદાર ચેનલ છે, તેથી અમે ચૂંટણી પંચની માર્ગદર્શિકાને અનુસરીને, સાંજે 6.30 વાગ્યા પછી જ પ્રથમ એક્ઝિટ પોલ ડેટા બતાવીશું.
ગુજરાત વિધાનસભા ચૂંટણી માટે પ્રથમ તબક્કામાં કુલ 63 ટકા મતદાન થયું હતું. બીજા તબક્કામાં 5 વાગ્યા સુધી સરેરાશ 62 ટકા મતદાન થયું છે. હિમાચલ પ્રદેશમાં માત્ર એક જ તબક્કામાં મતદાન થયું હતું. હિમાચલ પ્રદેશમાં 12 નવેમ્બરે મતદાન દરમિયાન 75 ટકાથી વધુ મતદાન થયું હતું. બંને રાજ્યોના ચૂંટણી પરિણામો 8 ડિસેમ્બરે જાહેર થશે.
ગુજરાતની વાત કરીએ તો રાજ્યમાં છેલ્લા 27 વર્ષથી ભાજપની સરકાર છે. 2017ની છેલ્લી વિધાનસભા ચૂંટણીમાં ભાજપે 182માંથી 99 બેઠકો જીતીને સરકાર બનાવી હતી. કોંગ્રેસે 77 બેઠકો જીતી હતી. ગુજરાતમાં અવારનવાર ભાજપ અને કોંગ્રેસ વચ્ચે હરીફાઈ જોવા મળી છે, પરંતુ આ વખતે ગુજરાતમાં આમ આદમી પાર્ટીએ પણ પ્રયાસ કર્યો છે. AAPના રાષ્ટ્રીય સંયોજક અને દિલ્હીના સીએમ અરવિંદ કેજરીવાલે ગુજરાતમાં ઘણી રેલીઓ યોજી હતી અને લોકોને મફત વીજળી, મફત શિક્ષણ જેવા ઘણા વચનો આપ્યા હતા.
હિમાચલ પ્રદેશની વાત કરીએ તો ત્યાં પણ હાલમાં ભાજપની સરકાર છે. રાજ્યમાં દર પાંચ વર્ષે સરકાર બદલવાનો રિવાજ રહ્યો છે. હિમાચલ વિધાનસભાની છેલ્લી ચૂંટણીમાં ભાજપે 68માંથી 44 બેઠકો જીતીને બહુમતી સાથે સરકાર બનાવી હતી. કોંગ્રેસને 21 બેઠકો મળી હતી. ગુજરાતની જેમ હિમાચલમાં પણ ભાજપ, કોંગ્રેસ અને આમ આદમી પાર્ટી વચ્ચે ત્રિકોણીય મુકાબલો છે.