અરવલ્લી: ગુજરાત-રાજસ્થાન બોર્ડર પર ગમખ્વાર અકસ્માત સર્જાયો છે. મેઘરજ તાલુકાના કાલીયા કૂવા નજીક અકસ્માતની ઘટના સામે આવી છે. રાજસ્થાન સરહદની સરથુણા ચોકડી નજીક ડમ્પર અને બાઈક વચ્ચે ગમખ્વાર અકસ્માત સર્જાયો હતો. અકસ્માતમાં ત્રણ યુવકોના ઘટના સ્થળે જ મોત થયા છે. મૃતકો મેઘરજના ડચકા બેલ્યો ગામના હોવાની પ્રાથમિક વિગત સામે આવી છે. સમગ્ર મામલે મેઘરજ પોલીસ ઘટના સ્થળે પહોંચી તપાસ હાથ ધરી છે.
સુરતના ગાર્ડનમાં નમાઝ પઢવાનો વીડિયો વાયરલ
સુરત શહેરમાં સરકારી ગાર્ડનમાં નમાઝ પઢવાનો વીડિયો વાયરલ થયા બાદ હિંદુ સંગઠનોએ હનુમાન ચાલીસાના પાઠ કરીને બગીચામાં ગંગાજળનો છંટકાવ કર્યો હતો. શહેરના ડિંડોલી વિસ્તારમાં આવેલા સરકારી બગીચામાં સાંજના સમયે મુસ્લિમ સમાજના બે લોકો નમાઝ પઢતા હોય તેવો વીડિયો સોશિયલ મીડિયા પર વાયરલ થયો હતો. આ વીડિયો વાયરલ થયા બાદ હિંદુ સંગઠનોના કાર્યકરો રોષે ભરાયા હતા. બીજા દિવસની રાત્રે પોતે તે બગીચામાં પહોંચ્યા અને સામૂહિક રીતે હનુમાન ચાલીસાનો પાઠ કર્યો. જેમાં મોટી સંખ્યામાં કાર્યકરો ઉપસ્થિત રહ્યા હતા.એટલું જ નહીં, જે જગ્યાએ નમાઝ પઢવામાં આવી હતી તે જગ્યાને શુદ્ધ કરવા માટે ગંગાજળનો છંટકાવ કર્યો હતો.
હિન્દુ સંગઠનના કાર્યકરોએ જણાવ્યું હતું કે, સુરત મહાનગરપાલિકાના બગીચો છઠ સરોવર ગાર્ડન તરીકે પ્રખ્યાત છે, જ્યાં છઠ્ઠના તહેવારની મોટી પૂજા થાય છે, અહીં લોકોની ધાર્મિક લાગણી ગાર્ડન સાથે જોડાયેલી છે. આ વીડિયોમાં તમે જોઈ શકો છો કે બે મુસ્લિમ સમુદાયના લોકો સાંજના સમયે નમાઝ પઢતા જોવા મળે છે અને કેટલાક બાળકો તેમની આસપાસ રમતા જોવા મળે છે. આ વીડિયો સોશિયલ મીડિયા પર વાયરલ થયા બાદ હિન્દુ સંગઠનો મેદાને આવ્યા હતા.
સુરત મહાનગરપાલિકાનો આ બગીચો સાર્વજનિક છે અને લોકો અહીં સવાર-સાંજ ફરવા આવે છે. અહીં છઠ્ઠ પૂજાનો તહેવાર પણ ધામધૂમથી ઉજવવામાં આવે છે જેમાં લાખોની સંખ્યામાં લોકો એકઠા થાય છે. આ સંદર્ભમાં તેને છઠ સરોવર ગાર્ડન ઓળખવામાં આવે છે. વીડિયો વાયરલ થયાના બીજા દિવસે હિન્દુ સંગઠનના કાર્યકરો મોટી સંખ્યામાં અહીં એકઠા થયા હતા. જે જગ્યાએ નમાઝ અદા કરવાનો વીડિયો વાયરલ થયો હતો, તે જ જગ્યાને મંત્રોચ્ચાર કરી ગંગાજળથી પવિત્ર કરવામા આવી હતી. અને બગીચાના આંગણામાં સામૂહિક રીતે હનુમાન ચાલીસાનો પાઠ કરવામાં આવ્યો હતો.
બજરંગ સેનાના લિંબાયત જિલ્લા મંત્રી પ્રેમ પ્રકાશ ત્રિપાઠીએ જણાવ્યું કે, 16મીએ શુક્રવારે અરાજક તત્વોએ અહીં નમાઝ અદા કરી હતી. જ્યાં અમે ઊભા છીએ. તે પછી અમારી બજરંગ સેનાની આખી ટીમ અહીં આવી અને 108 લોકોની ટીમ બનાવીને અમે પાંચ વખત હનુમાન ચાલીસાનો પાઠ કર્યો અને મંત્રો સાથે અહીં ગંગાજળનો છંટકાવ કર્યો હતો. પરંતુ અહીં વાત માત્ર નમાઝની નથી, કેટલાક અરાજક તત્વો જેઓ અધાર્મિક છે જેઓ અહીં શાળાએ જતી અમારી બહેનો અને દીકરીઓ સાથે બેસે છે. હું માતાપિતાને વિનંતી કરવા માંગુ છું કે તમારું બાળક ક્યાં જઈ રહ્યું છે તેના પર નજર રાખો. શાળાએ જવું અથવા બીજે ક્યાંક જાય છે.
નોંધનીય છે કે તાજેતરમાં જ છઠ સરોવર ગાર્ડનના પરિસરમાંથી બજરંગ સેના દ્વારા હિન્દુ સગીર યુવતી સાથે ઝડપાયેલા ચાર મુસ્લિમોને પોલીસને હવાલે કરાયા હતા.પોલીસે તેમની સામે પોક્સો કેસ નોંધ્યો છે. સુરત સિટી પોલીસના એસીપી જેટી સુનારાએ જણાવ્યું હતું કે જ્યારે એક હિન્દુ છોકરી બગીચામાં બેઠી હતી ત્યારે ચાર મુસ્લિમ છોકરાઓ તેની પાસે આવ્યા હતા, જેમાંથી બે સગીર છે. તેણે યુવતીની છેડતી કરી હતી. છોકરાઓ સામે કાર્યવાહી કરીને પોલીસે ચારેયની ધરપકડ કરી હતી.