Gujarat Rain Forecast: 19 ઓગસ્ટથી ગુજરાતના આ જિલ્લામાં ભારેથી અતિભારે વરસાદની આગાહી
હવામાન વિભાગની આગાહી મુજબ 19થી 21 ઓગસ્ટ સુધી ગુજરાતમાં સાર્વત્રિક સારા વરસાદનું અનુમાન છે.આ ત્રણ દિવસોમાં ગુજરાતના કેટલાક વિસ્તારમાં ભારે તો કેટલાક જિલ્લામાં અતિ ભારે વરસાદનું અનુમાન પણ છે.
Gujarat Rain Forecast: બંગાળની ખાડીમાં સર્જાયેલી ખાડીના કારણે ગુજરાતમાં ફરી મેઘરાજાનું આગમન થયું છે. ગુજરાતના મોટાભાગના વિસ્તારો હાલ ગાઢ વાદળોથી ઘેરાયેલા છે. અમદાવાદમાં ગત રાતથી વરસાદી માહોલ જામ્યો છે. આજે સવારથી અમદાવાદમાં મેઘરાજાએ ધુવાધાર બેટિંગ કરી હતી. મધ્ય, ઉત્તર અને દક્ષિણ ગુજરાતમાં આજે સારો વરસાદ વરસી રહ્યો છે. સિસ્ટમ આગળની તરફ ઉત્તર પશ્ચિમ તરફ આગળ વધતા હજુ પણ ગુજરાતમાં આગળના દિવસોમાં વરસાદ વરસશે. ખાસ કરીને દક્ષિણ ગુજરાત, ઉત્તર ગુજરાત અને મધ્ય ગુજરાતના વિસ્તારમાં સારો વરસાદ વરસશે. કચ્છ અને સૌરાષ્ટ્રના વિસ્તારમાં પણ વરસાદનું જોર ધીમે ધીમે વધશે.
હવામાન વિભાગની આગાહી મુજબ 19થી 21 ઓગસ્ટ સુધી ગુજરાતમાં સાર્વત્રિક સારા વરસાદનું અનુમાન છે. આ ત્રણ દિવસોમાં ગુજરાતના કેટલાક વિસ્તારમાં ભારે તો કેટલાક જિલ્લામાં અતિ ભારે વરસાદનું અનુમાન પણ છે. ત્યારબાદ 23થી 25 ઓગસ્ટ સુધી ગુજરાતમાં ભારે વરસાદની શકયતા છે. હવામાનના કેટલાક મોડલ આગામી દિવસોમાં ભારે વરસાદની શક્યતા પણ બતાવી રહ્યાં છે. આ સિસ્ટમ બાદ એક બીજી સિસ્ટમ પણ જનરેટ થઇ રહી છે. જેથી ગુજરાતમાં ઓગસ્ટના અંત સુધી લગભગ સારો વરસાદ રહેશે.
આ વિસ્તારમાં પડશે ભારે વરસાદ
સુરત,તાપી, વલસાડ, ડાંગ, નવસારી, ભરૂચ, નર્મદા, છોટાઉદેપુર,દાહોદ, મહિસાગર, અરવલ્લી, સાબરકાંઠા, ગાંધીનગર, ખેડા, પંચમહાલ, વડોદરામાં પણ આ 19થી 26 ઓગસ્ટ વચ્ચે ભારે વરસાદની શકયતા છે
સૌરાષ્ટ્રમાં ક્યાં પડશે ભારે વરસાદ
16 ઓગસ્ટ બાદ સૌરાષ્ટ્રના દરિયાકાંઠાના વિસ્તારામાં અને દક્ષિણ ગુજરાતમાં અતિભારે વરસાદનું અનુમાન છે. ભાવનગર, બોટાદ, અમરેલી, રાજકોટ, જામનગર, પોરબંદર, દેવભૂમિ દ્વારકામાં સારો વરસાદ વરસી શકે છે.
અંબાલાલ પટેલની આગાહી
અંબાલાલ પટેલના જણાવ્યા મુજબ, આગામી 48 કલાકમાં ગુજરાતના મોટાભાગના વિસ્તારોમાં વરસાદ શરૂ થશે. ખાસ કરીને, 17 થી 22 ઓગસ્ટ દરમિયાન વરસાદનું જોર વધશે. આ સમયગાળામાં ઉત્તર ગુજરાત, પૂર્વ ગુજરાત અને સૌરાષ્ટ્રના કેટલાક ભાગોમાં ભારેથી અતિભારે વરસાદ થવાની સંભાવના છે. ભારે વરસાદના કારણે નર્મદા સરદાર સરોવર ડેમની સપાટીમાં વધારો થશે અને નર્મદા નદી બે કાંઠે વહે તેવી શક્યતા છે. આ ઉપરાંત, તાપી અને સાબરમતી નદીઓમાં પણ પાણીની આવકમાં વધારો થઈ શકે છે. સાબરકાંઠાના ભાગોમાં પણ ભારે વરસાદ થવાની શક્યતા છે. બંગાળની ખાડીમાંથી આવતી વરસાદી સિસ્ટમને કારણે કચ્છમાં પણ જળબંબાકાર જેવી પરિસ્થિતિ સર્જાઈ શકે છે. આ વરસાદ કૃષિ માટે અત્યંત ફાયદાકારક રહેશે તેવું પણ તેમનું કહેવું છે. અંબાલાલ પટેલ દ્વારા રાજ્યમાં ભારે વરસાદને લઈ આ આગાહી કરવામાં આવી છે.
ટોપ સ્ટોરી
ટ્રેન્ડિંગ સમાચાર
