શોધખોળ કરો

Weather Update: રાજ્યના આ જિલ્લામાં 22થી 25 સુધી ભારેથી અતિભારે વરસાદની આગાહી, આપ્યું એલર્ટ

Weather Update: હવામાન વિભાગની આગાહી મુજબ સૌરાષ્ટ્ર, ઉત્તર ગુજરાતમાં 24 જુલાઇ સુધી ભારે વરસાદનું અનુમાન છે. હવામાન વિભાગે કેટલાક જિલ્લામાં અતિભારે વરસાદનું એલર્ટ આપ્યું છે.

By : એબીપી અસ્મિતા વેબ ટીમ | Updated at : 22 Jun 2025 08:57 AM (IST)

According to the weather departments forecast, this district of Gujarat will receive rain till June 24 Weather Update: રાજ્યના આ જિલ્લામાં 22થી 25 સુધી ભારેથી અતિભારે વરસાદની આગાહી, આપ્યું એલર્ટ

રાજ્રયમાં વરસાદની આગાહી

Weather Update: ગુજરાતમાં છેલ્લા કેટલાક દિવસથી સારો વરસાદ વરસી રહ્યો છે. હવામાન વિભાગે 25 જૂન સુધી ગુજરાતના કેટલાક જિલ્લામાં ભારે વરસાદી આગાહી કરી છે. આ સિવાય ગુજરાતમાં 30 જૂન સુધી સાર્વત્રિક મધ્યમ વરસાદનું પણ અનુમાન છે. જાણીએ ક્યાં જિલ્લામાં ભારે વરસાદની શક્યતા છે.

ગુજરાતમાં હાલ મોનસૂન સતત સક્રિય છે. ગુજરાતમાં વરસાદ લાવતી એક સાથે 4 સિસ્ટમ સક્રિય હોવાથી સતત વરસાદ વરસી રહ્યો છે. આ સિસ્ટના કારણે આગામી દિવસોમાં હવે ઉત્તર ગુજરાતમાં ભારે વરસાદનું અનુમાન છે. લો પ્રેશર એરિયા, સાયક્લોનિક સર્ક્યુલેશન, ટફ રેખા ઓફ શૉરેખા સક્રિય છે.

હવામાન વિભાદની આગાહી મુજબ 22થી 27 તારીખ સુધી ઉત્તર ગુજરાત, મધ્ય ગુજરાત, પૂર્વ ગુજરાતના વિસ્તારોમાં ભારે વરસાદનુ અનુમાન છે. તો 22થી 24 તારીખ સુધી સૌરાષ્ટ્ર અને કચ્છમાં ભારે વરસાદનું એલર્ટ છે. 24 બાદ સૌરાષ્ટ્રમાં વરસાદનું જોર ઘટશે, 27 બાદ ફરી સૌરાષ્ટ્રમાં ભારે વરસાદનો રાઉન્ડ આવે તેવી શક્યતા છે.

ક્યા જિલ્લામાં પડશે વરસાદ

હવામાન વિભાગની આગાહી મુજબ આ જિલ્લામાં મધ્યમથી ભારે વરસાદનું અનુમાન છે. બનાસકાંઠા, પાટણ, સાબરકાંઠા, ગાંધીનગર, અરવલ્લી,મહિસાગર,મહેસાણા, પંચમહાલ,દાહોદ, ખેડા આણંદ, વડોદરા, ભરૂચ, છોટા ઉદેપુર, વલસાડ, નવસારી, તાપી, સુરત, ડાંગ, દીવ, દમણ દાદરા નગર હવેલીમાં વરસાદ વરસી શકે છે. અમદાવાદમાં પણ મધ્યમથી ભારે વરસાદનું અનુમાન છે. ઉપરાંત ક્ચ્છમાં 22થી 24 વચ્ચે ગાંધીધામની આસપાસ ભારે વરસાદનું અનુમાન છે.

સૌરાષ્ટ્રની વાત કરીએ તો આગામી 24 જૂન સુધી ભાવનગર, અમેરેલી , ગીર સોમનાથ,બોટાદ સુરેન્દ્રનગલ, દેવભૂમી દ્રારકા જૂનાગઢ, રાજકોટમાં મધ્યમથી ભારે વરસાદનું અનુમાન છે,. સૌરાષ્ટ્રમાં 24 જૂન બાદ વરસાદનું જોર ઘટશે જો કે મધ્યમ વરસાદ વરસતો રહેશે. 27 બાદ ફરીએ એકવાર મેઘરાજા સૌરાષ્ટ્રને ઘમરોળે તેવો અનુમાન છે. હવામાન વિભાગની આગામી મુજબ ગુજરાતમાં 30 જૂન સુધી વરસાદ વરસતો રહેશે. હવામાન વિભાગની વરસાદની આગાહી વચ્ચે ક્યાં કેટલો વરસ્યો વરસાદ એક નજર આંકડા પર કરીએ

24 કલાકમાં રાજ્યમાં 159 તાલુકામાં વરસાદ