Ambalal patel: અંબાલાલ પટેલની ગુજરાતમાં માવઠાને લઈ આગાહી, જાણો કયા જિલ્લામાં વરસશે વરસાદ?
હવામાન નિષ્ણાંત અંબાલાલ પટેલે પણ માવઠાને લઈ આગાહી કરી છે. વેસ્ટર્ન ડિસ્ટર્બન્સના કારણે વરસાદ વરસી રહ્યો છે.
અમદાવાદ: રાજ્યમાં છેલ્લા બે દિવસથી અચાનક હવામાનમાં પલટો આવ્યો છે. રાજ્યના ઘણા જિલ્લાઓમાં કમોસમી વરસાદ વરસ્યો છે. હવામાન નિષ્ણાંત અંબાલાલ પટેલે પણ માવઠાને લઈ આગાહી કરી છે. વેસ્ટર્ન ડિસ્ટર્બન્સના કારણે વરસાદ વરસી રહ્યો છે. અંબાલાલ પટલેની આગાહી અનુસાર આગામી દિવસોમાં હાલના વેસ્ટર્ન ડિસ્ટર્બન્સની અસર ઘટી જશે. અરબ સાગરમાં ભેજનું પ્રમાણ વધતા તેની અસર ઓછી થઈ જશે. બંગાળના ઉપસાગરમાં ભેજના કારણે કેટલાક વિસ્તારોમાં વાદળછાયું વાતાવરણ યથાવત રહેશે.
આ જિલ્લામાં પડી શકે છે વરસાદ
અંબાલાલ પટેલી આગાહી અનુસાર આજે પણ અનેક જિલ્લાઓમાં વાદળછાયું વાતાવરણ રહેશે. કેટલીક જગ્યાએ છૂટોછવાયો વરસાદ વરસી શકે છે. તેમની આગાહી અનુસાર, ઉત્તર અને મધ્ય ગુજરાતના વિસ્તારોમાં માવઠાની અસર જોવા મળશે. સાબરકાંઠા અને અરવલ્લી જિલ્લામાં હવામાનમાં પલટો આવી શકે છે. પંચમહાલ અને કચ્છના કેટલાક ભાગોમાં પણ વાતાવરણમાં પલટો આવશે. અમદાવાદ અને ગાંધીનગરમાં પણ સામાન્ય વરસાદી છાંટા પડી શકે છે.
ખેતી પાકને ભારે નુકસાન થવાની ભીતિ
ઉત્તર ભારતમાં સક્રિય થનારા પશ્ચિમી વિક્ષેપ (Western Disturbance) ના કારણે ગુજરાતમાં કમોસમી વરસાદ અને માવઠાનું જોખમ છે. આ પલટાની અસર સૌરાષ્ટ્ર, કચ્છ, ઉત્તર ગુજરાત અને દક્ષિણ ગુજરાતમાં જોવા મળી છે. વલસાડ અને નવસારી જેવા દરિયાકાંઠાના વિસ્તારોમાં વાદળછાયું વાતાવરણ છે. અનેક જિલ્લાઓમાં છૂટાછવાયા વરસાદી ઝાપટાં પડી શકે છે. રાજ્યમાં વાતાવરણમાં પલટો આવવાને કારણે ખેતીના પાકો, ખાસ કરીને જીરું, ઘઉં અને કેરીના પાકને ભારે નુકસાન થવાની ભીતિ સેવાઈ રહી છે.
હવામાન વિભાગની કમોસમી વરસાદને લઈ આગાહી
હવામાન વિભાગે અનેક જિલ્લાઓ માટે યલ્લો એલર્ટ જાહેર કર્યું છે. સોમવારે અમદાવાદ, અમરેલી સહિતના જિલ્લાઓમાં કમોસમી વરસાદ વરસ્યો હતો. રાજ્યમાં હજુ માવઠાનું સંકટ ટળ્યું નથી. આજે પણ રાજ્યના અનેક વિસ્તારોમાં કમોસમી વરસાદ ખાબકવાની આગાહી કરાઈ છે. હવામાન વિભાગે ગુજરાતમાં હળવા વરસાદની શક્યતા વ્યક્ત કરી છે. અરવલ્લી, મહીસાગર, છોટા ઉદેપુર, સાબરકાંઠા, પંચમહાલ અને દાહોદ જિલ્લામાં યલ્લો એલર્ટ જાહેર કર્યું છે.
આજે આ જિલ્લાઓમાં વરસાદની આગાહી
ઉત્તર ગુજરાત, મધ્ય ગુજરાત અને દક્ષિણ ગુજરાતમાં હજુ પણ માવઠું ખેડૂતોની દશા બગાડી શકે છે. આજે બનાસકાંઠા, સાબરકાંઠા, અરવલ્લીમાં કમોસમી વરસાદનું અનુમાન છે. જ્યારે દક્ષિ-મધ્ય ગુજરાતના ભરૂચ, સુરત, તાપી, નર્મદા, છોટાઉદેપુરમાં પવન સાથે હળવા ઝાપટા પડી શકે છે. આ ઉપરાંત સૌરાષ્ટ્ર-કચ્છ, જામનગર, મોરબી પંથકમાં પણ વાતાવરણ પલટાવાની શક્યતા છે.
ટોપ સ્ટોરી
ટ્રેન્ડિંગ સમાચાર
