પશુપાલકોને મોટો ઝટકો: અમૂલે પશુદાણમાં કર્યો તોતિંગ ભાવ વધારો, જાણો 50 કિલોની ગુણીના નવા ભાવ

Amul cattle feed price hike: દૂધના ખરીદ ભાવમાં થયેલા વધારાનો ફાયદો પશુદાણની મોંઘવારીએ છીનવી લીધો, આજથી જ નવા અને આકરા ભાવ લાગુ થતાં માલધારીઓમાં ભારે નારાજગી.

amul cattle feed price hike 150 per 50 kg bag farmers unhappy inflation

Source : ai

Show Quick Read

Key points generated by AI, verified by newsroom

• અમૂલે પશુદાણ (પશુ આહાર) ના ભાવમાં ₹150 નો વધારો કર્યો.
• બફેલો સ્પેશિયલ, સુપ્રીમ માસ્ટર, સુપ્રીમ ગોલ્ડ, પાવર દાણ, વાછરડા દાણ મોંઘા થયા.
• દૂધના ભાવ વધારાનો લાભ પશુદાણ મોંઘા થતાં ઓછો થયો.
• વધતા ખર્ચથી પશુપાલકોને વ્યવસાય ટકાવી રાખવો મુશ્કેલ બનશે.

Amul cattle feed price hike: ગુજરાતના પશુપાલકો માટે એક માઠા સમાચાર આવી ગયા છે. અમૂલ ડેરીએ હજુ થોડા સમય પહેલાં જ દૂધના ખરીદ ભાવમાં વધારો કરીને પશુપાલકોને જે ખુશી આપી હતી, તેના પર હવે પાણી ફરી વળ્યું છે. અમૂલે પશુદાણ (પશુ આહાર) ના ભાવમાં તોતિંગ વધારો ઝીંકી દીધો છે. 50 કિલોની પશુદાણની બોરી (ગુણી) પાછળ સીધો ₹150 નો વધારો કરવામાં આવ્યો છે. આ નવા ભાવ આજથી જ અમલમાં આવી ગયા હોવાથી નાના-મોટા તમામ પશુપાલકો પર મોટો આર્થિક બોજો આવી પડ્યો છે.

કયા પશુદાણમાં કેટલો વધારો થયો?

ચાલો જાણીએ કયા પશુદાણમાં કેટલો ભાવ વધ્યો છે. અમૂલ દ્વારા જાહેર કરાયેલા નવા ભાવ પત્રક મુજબ:

પશુપાલકોમાં સૌથી વધુ વપરાતા 'બફેલો સ્પેશિયલ' પશુદાણની 50 કિલોની ગુણીનો ભાવ પહેલા ₹1815 હતો, જે હવે ₹150 વધીને સીધો ₹1965 થઈ ગયો છે.

તેવી જ રીતે 'સુપ્રીમ માસ્ટર' ની 50 કિલોની ગુણીનો ભાવ પણ ₹150 વધીને ₹1980 પર પહોંચી ગયો છે.

આ ઉપરાંત 'સુપ્રીમ ગોલ્ડ' ની 30 કિલોની ગુણીમાં ₹105 નો વધારો (નવો ભાવ ₹939) કરવામાં આવ્યો છે.

'પાવર દાણ' ની 70 કિલોની બોરીમાં ₹140 નો વધારો (નવો ભાવ ₹2248) ઝીંકાયો છે.

'વાછરડા દાણ' ની 25 કિલોની બોરીમાં ₹91 નો વધારો થતાં નવો ભાવ ₹875 થઈ ગયો છે.

આ પણ વાંચોઃ અમૂલ દૂધના ભાવમાં પ્રતિ લિટર 2 રૂપિયાનો ઝીંકાયો વધારો, આવતીકાલાથી લાગુ થશે નવા રેટ

દૂધના વધેલા ભાવ દાણ ખાઈ ગયું!

અમૂલના આ અચાનક લેવાયેલા નિર્ણયથી પશુપાલકોમાં ભારે રોષ અને ચિંતા જોવા મળી રહી છે. માલધારીઓનું સ્પષ્ટ કહેવું છે કે, "દૂધના ભાવ વધારાથી જે થોડો ઘણો ફાયદો થવાનો હતો, તે તો આ મોંઘા દાણે જ ખાઈ લીધો!" એક તરફ લીલા અને સૂકા ઘાસચારાના ભાવ આસમાને છે, અને હવે પશુ આહાર પણ મોંઘો થતાં દૂધ ઉત્પાદન પાછળનો ખર્ચ સતત વધી રહ્યો છે.

મોટાભાગના પશુપાલકોની આવકનો મુખ્ય આધાર દૂધનું વેચાણ જ હોય છે. જો ખર્ચ આ જ રીતે વધતો રહેશે, તો દૂધનો વ્યવસાય ટકાવી રાખવો તેમના માટે ઘણો મુશ્કેલ બની જશે. હાલમાં તો પશુપાલકો એવી જ આશા રાખી રહ્યા છે કે વધતી મોંઘવારીને ધ્યાનમાં રાખીને અમૂલ ડેરી પોતાના આ ભાવ વધારાના નિર્ણય પર ફેરવિચારણા કરે અને તેમને થોડી રાહત આપે.