Gujarat News: ગુજરાત ATS અને કોસ્ટગાર્ડના ઓપરેશનમાં પોરબંદરના દરિયામાંથી 200 કિલોથી વધુનો ડ્રગ્સનો જથ્થો ઝડપાયો
ગુજરાતના દરિયાકાંઠેથી ફરી કરોડોનું ડ્રગ્સ ઝડપાયું છે. પોરબંદરના દરિયામાંથી ગુજરાત એટીએસ અને કોસ્ટગાર્ડના સંયુક્ત ઓપરેશનમાં 200 કિલોથી વધુનો ડ્રગ્સનો જથ્થો ઝડપાયો છે.
પોરબંદર: ગુજરાતના દરિયાકાંઠેથી ફરી કરોડોનું ડ્રગ્સ ઝડપાયું છે. પોરબંદરના દરિયામાંથી ગુજરાત એટીએસ અને કોસ્ટગાર્ડના સંયુક્ત ઓપરેશનમાં 200 કિલોથી વધુનો ડ્રગ્સનો જથ્થો ઝડપાયો છે. દરિયાઈ માર્ગે ગુજરાતમાં ડ્રગ્સ ઘૂસાડવાનો ડ્રગ્સ માફિયાઓનો મનસુબો ગુજરાત એટીએસ અને કોસ્ટગાર્ડને ટીમે નિષ્ફળ બનાવ્યો.
200 કિલો ડ્રગ્સના જથ્થા સાથે બે ઈરાની પેડલરની પણ ધરપકડ
ઈરાનથી બે શખ્સો ડ્રગ્સનો જથ્થો લાવી રહ્યા હતા. હાલમાં 200 કિલો ડ્રગ્સના જથ્થા સાથે બે ઈરાની પેડલરની પણ ધરપકડ કરવામાં આવી છે. આ સાથે જ ડ્રગ્સનો જથ્થો પોરબંદર જેટી ખાતે લાવવામાં આવશે. આ ડ્રગ્સની ડિલિવરી ક્યાં કરવાની હતી તેને લઈને પણ તપાસનો ધમધમાટ શરૂ કરાયો છે. વર્ષ 2024 દરમિયાન કુલ 588 કેસ કરીને 1 હજાર 479 કરોડનું ડ્રગ્સ પકડ્યા પછી વર્ષ 2025માં 980 કેસ કરીને 2 હજાર 240 કરોડ રૂપિયાનું ડ્રગ્સ પકડવામાં આવ્યું છે.
રાજ્યમાંથી પકડાયેલા ડ્રગ્સમાં મોર્ફિન, કોડેઈન, હેરોઈન, મેથએમ્ફેટામાઇન જેવા ડ્રગ્સનો સમાવેશ થાય છે.વર્ષ 2025 દરમિયાન જ ગુજરાતમાંથી 2240 કરોડ રૂપિયાનું સિન્થેટીક ડ્રગ્સ પકડવામાં આવ્યું છે.
પોરબંદરથી ઝડપાયેલા ડ્રગ્સને લઈ ATS દ્વારા અપાઈ જાણકારી
પોરબંદર દરીયા કિનારે ATS દ્વારા ડ્રગ્સનો જથ્થો ઝડપવામાં આવ્યો છે. ઇરાનમાં હાજી ફાયદા નામનો વ્યક્તિ ડ્રગ્સ લાવ્યો હતો. 15 અને 16 સુધીમાં પંજાબમાં ડિલિવરી કરવાનો હતો. ATS એ બાતમીના આધારે રેડ કરી હતી. કોસ્ટ ગાર્ડ અને ATS દ્વારા સતત વોચ રાખવામાં આવી હતી. વોચ દરમિયાન સ્પીડ બોટ મળી આવી હતી. આ
બોટમાંથી 2 વ્યક્તિ મળી આવ્યા છે આ બંને ઇરાનના રહેવાસી હતા.
બોટની તપાસ દરમિયાન 203 પેકેટ મળી આવ્યા હતા. 203 કેમિકલ પેકેટ મળી આવ્યા છે. આરોપી પાસેથી મોબાઈલ મળ્યા છે. મોબાઈલ ડેટા તપાસ કરવામાં આવી રહ્યા છે. પંજાબના શંકાસ્પદ લોકોની તપાસ ચાલુ છે. ATS દ્વારા 10 કલાક ઓપરેશન ચાલ્યું હતું. ઈરાનથી સીધા પોરબંદર આવ્યા હતા. બોટમાં શંકાસ્પદ કેમિકલ સાથે અન્ય કોઈ વસ્તુ મળી આવી નથી.
ડ્રગ્સ માફિયાઓએ ડ્રગ્સનો કાળો કારોબાર કરવા માટે ગુજરાતના દરિયાકાંઠાનો ઉપયોગ કર્યો છે. ગુજરાત ATS અને ભારતીય કોસ્ટ ગાર્ડને ઓપરેશનમાં સફળતા મળી છે. ગુજરાત એટીએસ અને ભારતીય કોસ્ટ ગાર્ડે 200 કિલોથી વધારેનું ડ્રગ્સ ઝડપી લીધું છે.
વર્ષ 2024 દરમિયાન કુલ 588 કેસ કરીને 1 હજાર 479 કરોડનું ડ્રગ્સ પકડ્યા પછી વર્ષ 2025માં 980 કેસ કરીને 2 હજાર 240 કરોડ રૂપિયાનું ડ્રગ્સ પકડવામાં આવ્યું છે.
ટોપ સ્ટોરી
ટ્રેન્ડિંગ સમાચાર
