Bilkis Bano Case in SC: બિલકિસ બાનો કેસમાં 11 દોષિતોની મુક્તિ વિરુદ્ધની અરજી પર સુપ્રીમ કોર્ટમાં સુનાવણી 18 એપ્રિલ સુધી ટાળી દેવામાં આવી છે. સુપ્રીમ કોર્ટે આજે આ મામલે સુનાવણી હાથ ધરતા પીડિતાની અરજી પર ગુજરાત સરકાર અને દોષિતો પાસેથી જવાબ માંગ્યો હતો. જેનો દોષિતોના વકીલે સુભાષિની અલી અને મહુઆ મોઇત્રાની અરજીનો વિરોધ કર્યો હતો. તેમણે કહ્યું હતું કે, બહારના લોકોને હસ્તક્ષેપ કરવાની મંજૂરી ન આપવામાં આવવી જોઈએ.
સુપ્રીમ કોર્ટે ગુજરાત સરકારને 18મી એપ્રિલે દોષિતોની સજા માફી અંગેની ફાઇલ સાથે તૈયાર રહેવાનો આદેશ આપ્યો છે. ઉલ્લેખનીય છે કે, વર્ષ 2002માં ગુજરાતના ગોધરામાં સાબરમતી એક્સપ્રેસના ડબ્બાને આગ ચાંપવાની ઘટના બાદ ફાટી નીકળેલા રમખાણો દરમિયાન બિલ્કીસ પર સામૂહિક બળાત્કાર થયો હતો. તેમજ તેના પરિવારના 7 સભ્યોની હત્યા કરવામાં આવી હતી.
આ કેસમાં 21 જાન્યુઆરી 2008ના રોજ કોર્ટે 11 દોષિતોને આજીવન કેદની સજા સંભળાવી હતી. ત્યારથી તમામ 11 દોષિતો ગોધરા જેલમાં બંધ હતા અને તે તમામને ગયા વર્ષે 15 ઓગસ્ટના રોજ છોડી મુકવામાં આવ્યા હતા.
કોર્ટની મહત્વપૂર્ણ ટિપ્પણી
જસ્ટિસ કે. એમ. જોસેફ અને જસ્ટિસ બી. આ મામલાની સુનાવણી 18 એપ્રિલે મુકરર કરતાં વી. નગરત્નની બેન્ચે કહ્યું હતું કે, તેમાં ઘણા મુદ્દા સામેલ છે અને આ મામલાની વિગતવાર સુનાવણી કરવાની જરૂર છે. કોર્ટે સુનાવણી દરમિયાન એ પણ ટાંક્યુ હતું કે, આ મામલામાં ભાવનાઓ સાથે સુનાવણી કરવાને બદલે તે કાયદાના વિવિધ પાસાઓ પર વિચાર કરવાની જરૂર છે.
જાહેર છે કે, 4 જાન્યુઆરીએ આ મામલો જસ્ટિસ અજય રસ્તોગી અને જસ્ટિસ બેલા એમ ત્રિવેદીની બેંચ સમક્ષ આવ્યો હતો, પરંતુ જસ્ટિસ ત્રિવેદીએ કોઈ કારણ આપ્યા વિના આ કેસની સુનાવણીથી પોતાને દૂર કરી દીધા હતા. બિલ્કિસ બાનોએ તેમની પેન્ડિંગ રિટ પિટિશનમાં કહ્યું હતું કે, રાજ્ય સરકારે સુપ્રીમ કોર્ટ દ્વારા નિર્ધારિત કાયદાને સંપૂર્ણપણે અવગણીને આદેશ પસાર કર્યો છે.
Bilkis Bano Case: સુપ્રીમ કોર્ટના જસ્ટિસ બેલા ત્રિવેદીએ ખુદને બિલકિસ બાનો કેસની સુનાવણીમાંથી કર્યા અલગ
સુપ્રીમ કોર્ટ મંગળવારે ગુજરાત રમખાણો પીડિતા બિલકિસ બાનોની અરજી પર સુનાવણી કરી શકી ન હતી. 2 જજની બેન્ચના સભ્ય જસ્ટિસ બેલા ત્રિવેદીએ સુનાવણીમાંથી પોતાને અલગ કરી લીધા છે. હવે આ મામલાની સુનાવણી અલગ બેંચમાં થશે.
બિલકિસે તેની સાથે ગેંગરેપના 11 દોષિતોને છોડાવવા અને તેના પરિવારના સભ્યોની હત્યાનો વિરોધ કર્યો હતો. આ મામલામાં સામાજિક કાર્યકર સુભાષિની અલી સહિત 4 લોકોની અરજી સુપ્રીમ કોર્ટમાં પેન્ડિંગ છે. તેના પર ગુજરાત સરકારે પણ જવાબ દાખલ કર્યો છે.