Local Body Election Result: ભાજપ બમ્પર જીત તરફ... 68 પૈકી 25 ન.પા.માં લહેરાવ્યો ભગવો, હજુ મતગણતરી યથાવત

Local Body Election Result: 68 પૈકી 25 નગરપાલિકામાં અત્યારથી જ ભાજપનો કબજો જમાવી લીધો છે

(તસવીર- એબીપી લાઇવ)

Source : એબીપી અસ્મિતા

Local Body Election Result: સ્થાનિક સ્વરાજની ચૂંટણીના પરિણામો આજે જાહેર થઈ રહ્યા છે. સવારે 9 વાગ્યાથી શરૂ થયેલી મતગણતરીમાં શરૂઆતથી જ ભાજપ આગળ ચાલી રહ્યું છે. રવિવારે 16 ફેબ્રુઆરીએ યોજાયેલી સામાન્ય ચૂંટણીમાં મતદાન બાદ હવે આજે મતગણતરી શરૂ થઇ છે. ભાજપ રાજ્યમાં 68 નગરપાલિકાઓમાંથી મોટા ભાગની નગરપાલિકાઓમાં જીત તરફ આગળ વધી રહ્યું છે. 

તાજા આંકડા પ્રમાણે, અત્યાર સુધી આવેલા પરિણામોમાં ભાજપે બાજી મારી લીધી છે. 68 પૈકી 25 નગરપાલિકામાં અત્યારથી જ ભાજપનો કબજો જમાવી લીધો છે. જૂનાગઢ મહાનગરપાલિકામાં ફરી ભાજપનો કબજો થયો છે, સોનગઢ નગરપાલિકામાં ભાજપનું સુકાન નક્કી છે, ગઢડા નગરપાલિકામાં ભાજપનું સુકાન નક્કી છે, કોડીનાર અને રાજુલા નગરપાલિકામાં ભાજપનું શાસન નક્કી છે, કાલાવડ અને વંથલી નગરપાલિકામાં ભાજપને બહુમતી મળી રહી છે. હારીજ અને ચોરવાડ નગરપાલિકામાં ભાજપનું શાસન નક્કી છે. ચલાલા અને ધરમપુર નગરપાલિકામાં પણ ભાજપની પ્રચંડ જીત સાથે આગળ છે. તો વળી, ચાણસ્મા, હળવદ અને જેતપુર નગરપાલિકામાં ભાજપે ભગવો લહેરાવી દીધો છે. 

16 ફેબ્રુઆરીએ મતદાન પૂર્ણ થયું હતું. જેમાં જૂનાગઢ મહાનગરપાલિકા, 68 નગરપાલિકા અને 3 તાલુકા પંચાયતની ચૂંટણી માટે સરેરાશ 57 ટકા મતદાન થયું હતું. જોકે સૌથી વધુ મતદાન ચોરવાડ પાલિકામાં રેકોર્ડબ્રેક 76% થયું હતું. આજે 5000 થી વધુ ઉમેદવારોનું ભાવિ નક્કી થશે.

ચાર નગરપાલિકામાં પહેલાજ ભાજપની જીત
4 નગરપાલિકામાં વિપક્ષ કોણ બનશે તે નક્કી કરવા માટે જ મતદાન કરવામાં આવ્યું હતું. કારણ કે આ 4 નગરપાલિકામાં મતદાન પહેલાં જ ભાજપને બહુમતી મળી ગઈ હતી. બિનહરીફ બેઠકો જીતી ભાજપ બહુમતી મેળવી ચૂક્યું હતું. જેમાં ભચાઉ, બાંટવા, જાફરાબાદ, હાલોલમાં ભાજપને બહુમતી મળી ગઈ હતી. જેથી આજના મતદાનથી વિપક્ષ કોણ એટલું જ નક્કી થવાનું બાકી હતું.

આ પણ વાંચો