Raghavji Patel: રાજ્ય સરકારની જાહેરાતને પૂર્વ કૃષિમંત્રી રાઘવજી પટેલે આવકારી

Gujarat Government: રાજ્યના ખેડૂતો માટે સરકારનો મહત્વનો નિર્ણય

abp asmita — Tue, 27 Oct 2026 17:56:23 +0530

ગ્રામ્ય કક્ષાએથી સસ્તા અને સરળ વ્યાજદરે ટૂંકાગાળાનું કૃષિ ધિરાણ મળી રહે તે માટે રાજ્ય સરકારે ખેડૂતોના હિતમાં વધુ એક મહત્વપૂર્ણ નિર્ણય કર્યો.. સહકારી કૃષિ ધિરાણ માળખાથી ખેડૂતોને પોતાના સ્વ-ભંડોળમાંથી કરવામાં આવેલા ધિરાણ પર બે ટકા વ્યાજ સહાય પેટે 174.07 કરોડની રકમ મંજૂર કરવામાં આવી.. એક એપ્રિલ 2025થી 30 સપ્ટેમ્બર 2025 સુધીના સમયગાળા દરમિયાન રાજ્યની સહકારી બેંકોએ પોતાના સ્વભંડોળમાંથી ખેડૂતોને આપેલા ધિરાણ પર બે ટકા વ્યાજ રાહત મંજૂર કરાઈ.. અગાઉ મોટાભાગની સહકારી બેંકો ખેડૂતોને 10થી 13 ટકાના ઊંચા વ્યાજદરે ધિરાણ આપતી હતી.. ખેડૂતો પર વ્યાજનો બોજો ન પડે અને સહકારી ધિરાણ માળખુ ટકાઉ બને તે હેતુથી રાજ્ય સરકારે વર્ષ 2009થી 2010થી બે ટકા વ્યાજ રાહત યોજના અમલમાં મુકી છે.. રાજ્યમાં એક રાજ્ય સહકારી બેંક, 18 જિલ્લા મધ્યસ્થ સહકારી બેંકો અને 10 હજાર 900થી વધુ પ્રાથમિક કૃષિ ધિરાણ મંડળીઓનું ત્રિ-સ્તરીય માળખુ કાર્યરત છે.. આ સહકારી માળખાથી રાજ્યના 10 લાખથી વધુ ખેડૂતો ટૂંકી મુદતનું કૃષિ પાક ધિરાણ મેળવી રહ્યા છે.. રાજ્યના લગભગ 33 ટકા નાના અને સીમાંત ખેડૂતો આ સહકારી ધિરાણ વ્યવસ્થા સાથે જોડાયેલા છે.. જેમના માટે સરકારનો આ નિર્ણય આશીર્વાદરૂપ સાબિત થશે..

Big News: PM મોદીની પ્રેરણા અને અમિતભાઈ શાહના માર્ગદર્શનથી ઉકેલાયો મોટો વિવાદ

abp asmita — Tue, 27 Oct 2026 17:54:52 +0530

ડબલ એન્જિનની સરકારનો એટલે કે કેન્દ્ર અને રાજ્યમાં એક જ પક્ષની સરકાર હોય અને મજબૂત અને અડગ નેતૃ્ત્વ હોય તો તેનો કેવો ફાયદો મળે તેનું ઉદાહરણ વધુ એકવાર આજે જોવા મળ્યું... પ્રધાનમંત્રી મોદીની પ્રેરણા અને ગૃહ અને સહકાર મંત્રી અમિતભાઈ શાહના માર્ગદર્શન સાથે દિલ્લીમાં મળેલી નર્મદા નિયંત્રણ પ્રાધિકરણ સમીક્ષા સમિતિની ઐતિહાસિક બેઠક સકારાત્મક નિર્ણય સાથે પૂર્ણ થઇ... કેન્દ્રીય જળશક્તિ મંત્રી સી.આર પાટીલની અધ્યક્ષતામાં મળેલી આ બેઠકમાં આપણા ગુજરાતના મુખ્યમંત્રી ભૂપેન્દ્ર પટેલ, મહારાષ્ટ્રના મુખ્યમંત્રી દેવેન્દ્ર ફડણવીશ, રાજસ્થાનના મુખ્યમંત્રી ભજનલાલ શર્મા અને મધ્ય પ્રદેશના મુખ્યમંત્રી ડૉક્ટર મોહનલાલ યાદવની ઉપસ્થિતિમાં સરદાર સરોવર યોજના સાથે જોડાયેલા દશકો જૂના વિવાદનો અંત આવ્યો છે... યોજનામાં જુના બાકી લેણાના નિકાલના મુદ્દાને આખરી ઓપ અપાયો... સાથે જ બાકી ચૂકવણાનો સમયબદ્ધ નિકાલ થાય અને સમજૂતિનો અસરકારક ઉકેલ આવે તે માટે પણ વિશેષ ચર્ચા થઇ છે... આજની આ બેઠકની ફળશ્રુતિ માત્ર નાણા ચુકવણા ઉકેલ માટે નહીં પરંતુ ચાર રાજ્ય વચ્ચેના દશકો જૂના મતભેદો પાછળ છોડી પરસ્પર વિશ્વાસ, સહકાર અને સહિયારા વિકાસના નવા યુગના શરુઆત સમાન ગણાય છે... બેઠક બાદ જળશક્તિમંત્રી સી.આર પાટીલે સોશલ મીડિયાના માધ્યમથી પોસ્ટ કરી પ્રધાનમંત્રીના નેતૃત્વમાં વિકસીત ભારત 2047ના સંકલ્પને સાકાર કરવાની દિશાનો નિર્ણય ગણાવ્યો છે... સાથે જ એ પણ કહ્યું છે... ઈચ્છાશક્તિ, સંવાદ અને સહકારી સંવાદની ભાવનાથી દાયકાઓ જુના જટીલ વિવાદોનો કાયમી નિરાકરણ લાવી શકાશે... સાથે જ મા નર્મદાનું જળ વિવાદો માટે નહીં પરંતુ ચારેય રાજ્યની સમૃદ્ધી અને ખેડૂતોના કલ્યાણ સાથે દેશના વિકાસનો માધ્યમ બનવાનો સંકલ્પ પણ વ્યક્ત કરાયો છે..

Gujarat Rain: ગુજરાતમાં માવઠાની આગાહી, 29-30 ઑક્ટોબરે આ જિલ્લાઓમાં તૂટી પડશે વરસાદ!

gujarati.abplive.com — Tue, 27 Oct 2026 16:21:05 +0530

Gujarat weather forecast: દિવાળીના તહેવારો ટાણે જ રાજ્યના ધરતીપુત્રો માટે ચિંતાજનક સમાચાર સામે આવ્યા છે. હવામાન વિભાગ દ્વારા આગામી 29 અને 30 ઑક્ટોબર દરમિયાન રાજ્યના વિવિધ વિસ્તારોમાં સામાન્ય વરસાદ એટલે કે કમોસમી માવઠાની આગાહી કરવામાં આવી છે. પાકની લણણી અને ખરીફ ઉપજ સાચવવાના સમયે જ વરસાદી વાતાવરણ સર્જાવાની શક્યતાથી ખેડૂતોની ઊંઘ હરામ થઈ ગઈ છે.

હવામાન વિભાગના જણાવ્યા અનુસાર, હાલ વાતાવરણમાં અપર એર સાયક્લોનિક સર્ક્યુલેશન (Upper Air Cyclonic Circulation) અને વેસ્ટર્ન ડિસ્ટર્બન્સ (Western Disturbance) સક્રિય થયા છે. આ બંને સિસ્ટમની સંયુક્ત અસર હેઠળ રાજ્યના દક્ષિણ ગુજરાત અને સૌરાષ્ટ્રના વિસ્તારોમાં વાતાવરણમાં પલટો જોવા મળશે.

કયા વિસ્તારોમાં ક્યારે પડશે વરસાદ?

29 ઑક્ટોબર: દક્ષિણ ગુજરાતના નવસારી, વલસાડ તેમજ કેન્દ્રશાસિત પ્રદેશ દમણ અને દાદરા તથા નગર હવેલીમાં સામાન્ય વરસાદ પડી શકે છે.

30 ઑક્ટોબર: વરસાદનો વ્યાપ વધીને સૌરાષ્ટ્ર સુધી પહોંચવાની સંભાવના છે. જેમાં સૌરાષ્ટ્રના અમરેલી અને ભાવનગર ઉપરાંત દક્ષિણ ગુજરાતના નવસારી, વલસાડ તથા દમણ અને દાદરા તથા નગર હવેલીમાં હળવાથી સામાન્ય વરસાદનું અનુમાન વ્યક્ત કરવામાં આવ્યું છે.

ખેતરોમાં હાલ પાક તૈયાર હોવાથી કમોસમી વરસાદના કારણે પાકને નુકસાન થવાની ભીતિ સેવાઈ રહી છે, જેને પગલે હવામાન વિભાગ અને કૃષિ નિષ્ણાતો દ્વારા ખેડૂતોને તૈયાર પાક સુરક્ષિત સ્થળે ખસેડવા સલાહ આપવામાં આવી છે.

19 રાજ્યોમાં મુશળધાર વરસાદની આગાહી

દેશભરમાં હવામાનનો મિજાજ ફરી એકવાર ગંભીર વળાંક લઈ રહ્યો છે. ભારતીય હવામાન વિભાગ (IMD) દ્વારા જારી કરાયેલા તાજા અપડેટ મુજબ, આગામી 15 કલાકમાં ઉત્તર, પૂર્વ અને દક્ષિણ ભારતના 19 જેટલા રાજ્યોમાં મુશળધાર વરસાદ અને તોફાની પવનની સંભાવના વ્યક્ત કરવામાં આવી છે. એક તરફ બંગાળની ખાડીમાં સક્રિય થયેલું ગંભીર ચક્રવાતી તોફાન 'અર્ણબ' અને બીજી તરફ ઉત્તર-પશ્ચિમ ભારતમાં સક્રિય નવું વેસ્ટર્ન ડિસ્ટર્બન્સ—આ બંને સિસ્ટમની સંયુક્ત અસરથી દેશના મોટાભાગના વિસ્તારોમાં આગામી 31 ઑક્ટોબર સુધી વ્યાપક અસર જોવા મળશે.

વાવાઝોડાના પગલે દરિયાકાંઠાના વિસ્તારોમાં 90 થી લઈને 150 કિમી/કલાકની પ્રચંડ ઝડપે પવન ફૂંકાઈ શકે છે. હવામાન વિભાગે માછીમારોને તાકીદે દરિયો ન ખેડવા અને કિનારે પાછા ફરવાની કડક સૂચના આપી છે, જ્યારે નીચાણવાળા અને સંવેદનશીલ વિસ્તારોમાંથી વહીવટીતંત્ર દ્વારા સ્થળાંતરની કામગીરી હાથ ધરાઈ છે.

ચક્રવાત 'અર્નબ' લેન્ડફોલ અપડેટ

હવામાન વિભાગના જણાવ્યા અનુસાર, ચક્રવાતી તોફાન ‘અર્ણબ’ 28 ઑક્ટોબરના રોજ બપોર પહેલાં આંધ્રપ્રદેશના બાપટલા અને વિશાખાપટ્ટનમ વચ્ચેથી પસાર થઈને યાનમ અને આંધ્રના તટીય વિસ્તારોને પાર કરે તેવી પ્રબળ શક્યતા છે. આ લેન્ડફોલ દરમિયાન તટીય આંધ્રપ્રદેશ, તેલંગાણા અને કર્ણાટકના ભાગોમાં ભારેથી અતિભારે વરસાદ પડશે.

CM Bhupendra Patel: દિલ્હીમાં CM ભૂપેન્દ્ર પટેલે નામ લીધા વિના વિપક્ષ પર કર્યા પ્રહાર

gujarati.abplive.com — Tue, 27 Oct 2026 14:41:56 +0530

CM Bhupendra Patel Speech: દિલ્હીના તાલકટોરા સ્ટેડિયમ ખાતે ગુર્જર મહાસભા દ્વારા એક મહત્વના કાર્યક્રમનું આયોજન કરવામાં આવ્યું હતું, જેમાં ગુજરાતના મુખ્યમંત્રી ભૂપેન્દ્ર પટેલ મુખ્ય અતિથિ તરીકે ઉપસ્થિત રહ્યા હતા. કાર્યક્રમમાં મુખ્યમંત્રીનું ભવ્ય સ્વાગત કરવામાં આવ્યું હતું. આ મહાસભામાં કેન્દ્રીય મંત્રીઓ, વિવિધ રાજ્ય સરકારોના મંત્રીઓ તેમજ દેશભરમાંથી પાટીદાર, કુર્મી અને ગુર્જર સમાજના અનેક દિગ્ગજ નેતાઓ અને અગ્રણીઓ મોટી સંખ્યામાં હાજર રહ્યા હતા.

સંમેલનને સંબોધતા મુખ્યમંત્રી ભૂપેન્દ્ર પટેલે જણાવ્યું હતું કે, આ સંમેલન દેશની એકતા, રાષ્ટ્રસેવા અને સરદાર વલ્લભભાઈ પટેલને સાચી શ્રદ્ધાંજલિ આપવાનું સંમેલન છે. તેમણે સરદાર સાહેબના ભારત નિર્માણના સમર્પણને યાદ કરતા કહ્યું કે, સરદાર સાહેબે ખેડૂતોની પીડા સમજીને કિસાનોની શક્તિને એક કરી હતી. વડાપ્રધાન નરેન્દ્ર મોદીએ 'એક ભારત, શ્રેષ્ઠ ભારત'ના સંકલ્પને આગળ વધાર્યો છે અને સરદાર સાહેબના વિરાટ વ્યક્તિત્વની વિશ્વભરમાં ઓળખ આપવા સ્ટેચ્યુ ઓફ યુનિટી (SOU)નું નિર્માણ કર્યું છે.

આ પણ વાંચો....ચૈતર વસાવાને સુપ્રીમ કોર્ટમાંથી મળી મોટી રાહત, 3 દિવસના હંગામી જામીન મંજૂર

તેમણે ઉમેર્યું હતું કે, ખેતી અને પશુપાલન સહિતના ક્ષેત્રોમાં ગુર્જર સમાજની મહત્વની ભૂમિકા રહી છે અને આ સમાજ આધુનિક ભારતની ખેતી પદ્ધતિને આગળ વધારી રહ્યો છે. 2047ના 'વિકસિત ભારત'ના સંકલ્પને સિદ્ધ કરવામાં ગુર્જર, પાટીદાર અને કુર્મી સમાજની ભૂમિકા અત્યંત મહત્વપૂર્ણ રહેશે.

આ દરમિયાન મુખ્યમંત્રીએ નામ લીધા વગર વિપક્ષ અને કોંગ્રેસ અધ્યક્ષ મલ્લિકાર્જુન ખડગે પર આકરા પ્રહાર કર્યા હતા. વડાપ્રધાન નરેન્દ્ર મોદી વિરુદ્ધ કરવામાં આવેલા નિવેદનોનો ઉલ્લેખ કરતા તેમણે ભાષાનો વિવેક ચૂકનારા નેતાઓની આકરી ટીકા કરી હતી.

ખડગેની ટિપ્પણી બાદ નોંધાઈ ફરિયાદ

તમને જણાવી દઈએ કે ,કોંગ્રેસ અધ્યક્ષ મલ્લિકાર્જુન ખડગેએ કથિત રીતે વડાપ્રધાન નરેન્દ્ર મોદીના પિતાને લઈને આપત્તિજનક ટિપ્પણી કરી હતી, જેને લઈને રાજકીય બબાલ મચી ગઈ. આ મામલે ખડગે વિરુદ્ધ પટનામાં ફરિયાદ પણ નોંધાઈ ગઈ છે. કેન્દ્રીય ગૃહમંત્રી અમિત શાહે પણ કોંગ્રેસને ઘેરી છે. તેમણે કહ્યું કે કોંગ્રેસ અધ્યક્ષે તમામ મર્યાદાઓ નેવે મૂકી દીધી છે. ભારતીય જનતા પાર્ટીએ દેશભરમાં ખડગે વિરુદ્ધ વિરોધ પ્રદર્શન કરવાની જાહેરાત કરી હતી.

વાસ્તવમાં, કોંગ્રેસના કાર્યક્રમમાં વડાપ્રધાન નરેન્દ્ર મોદીની ટીકા કરતા ખડગે ભાષણ આપી રહ્યા હતા. આ દરમિયાન શ્રોતાઓમાં હાજર એક વ્યક્તિએ કથિત રીતે વચ્ચે હસ્તક્ષેપ કરતા કહ્યું કે વડાપ્રધાન મોદી ક્યાંય નથી જવાના. આના પર ખડગેએ વિવાદાસ્પદ નિવેદન આપી દીધું. આ ટિપ્પણી બાદ રાજકીય વિવાદ ઊભો થયો.

ચૈતર વસાવાને સુપ્રીમ કોર્ટમાંથી મળી મોટી રાહત, 3 દિવસના હંગામી જામીન મંજૂર

gujarati.abplive.com — Tue, 27 Oct 2026 14:23:30 +0530

ડેડિયાપાડાના આમ આદમી પાર્ટી (AAP)ના ધારાસભ્ય ચૈતર વસાવાને સુપ્રીમ કોર્ટમાંથી મોટી રાહત મળી છે. સુપ્રીમ કોર્ટે તેમના બીમાર ભાઈને મળવા માટે ત્રણ દિવસના હંગામી જામીન મંજૂર કર્યા છે. ચૈતર વસાવાના ભાઈ સુરત સિવિલ હોસ્પિટલમાં સારવાર હેઠળ હોવાથી તેમને મળવા માટે આ રાહત આપવામાં આવી છે. અગાઉ ગુજરાત હાઈકોર્ટે ચૈતર વસાવાને 12 કલાકના હંગામી જામીન આપ્યા હતા, પરંતુ તેમણે આ રાહતને પૂરતી ન માનતાં સુપ્રીમ કોર્ટમાં અરજી કરી હતી.

ભાઈને મળવા માટે હંગામી જામીન

ડેડિયાપાડાના ધારાસભ્ય ચૈતર વસાવાના ભાઈ સુરત સિવિલ હોસ્પિટલમાં સારવાર લઈ રહ્યા છે. તેમને મળવા માટે ચૈતર વસાવાએ હંગામી જામીનની માગણી કરી હતી. આ મામલે સુપ્રીમ કોર્ટે તેમને ત્રણ દિવસના હંગામી જામીન મંજૂર કરીને રાહત આપી છે.

ગુજરાત હાઈકોર્ટે અગાઉ 12 કલાકના જામીન આપ્યા હતા

આ મામલે અગાઉ ગુજરાત હાઈકોર્ટે ચૈતર વસાવાને તેમના ભાઈને મળવા માટે 12 કલાકના હંગામી જામીન મંજૂર કર્યા હતા. જોકે, આટલા ઓછા સમયની રાહતથી સંતુષ્ટ ન થતાં ચૈતર વસાવાએ સુપ્રીમ કોર્ટનો દરવાજો ખખડાવ્યો હતો.

કપિલ સિબ્બલે સુપ્રીમ કોર્ટમાં રજૂ કર્યો પક્ષ

ચૈતર વસાવા તરફથી સુપ્રીમ કોર્ટમાં સિનિયર એડવોકેટ કપિલ સિબ્બલે તેમનો પક્ષ રજૂ કર્યો હતો. સુપ્રીમ કોર્ટે રજૂઆતને ધ્યાનમાં લઈને ચૈતર વસાવાને ત્રણ દિવસના હંગામી જામીન મંજૂર કર્યા છે. આ નિર્ણયથી ચૈતર વસાવાને તેમના ભાઈને મળવાની તક મળશે.

શું હતો સમગ્ર મામલો?

ઓક્ટોબર 2023માં નર્મદા જિલ્લાના બોગાજ ગામ નજીક વન વિભાગની સરકારી જમીન પર કેટલાક સ્થાનિક લોકો દ્વારા ગેરકાયદેસર રીતે પાક વાવવામાં આવ્યો હતો. વન વિભાગના અધિકારીઓએ આ અતિક્રમણ હટાવીને ગેરકાયદેસર પાકનો નાશ કર્યો હતો, જેના કારણે વિવાદ સર્જાયો હતો ત્યારે જમીન વિવાદ અંગે ચર્ચા કરવા માટે ધારાસભ્ય ચૈતર વસાવાએ વન વિભાગના કર્મચારીઓને ડેડિયાપાડા ખાતે પોતાના ઘરે બોલાવ્યા હતા. વન વિભાગની ફરિયાદ અનુસાર, વાતચીત દરમિયાન ઉગ્ર બોલાચાલી થઈ હતી. ચૈતર વસાવા અને તેમના સમર્થકોએ વનકર્મીઓ સાથે મારપીટ કરી, ખંડણી માંગી અને સરકારી કર્મચારીઓને ડરાવવા માટે હવામાં એક રાઉન્ડ ફાયરિંગ પણ કર્યું હતું. વન વિભાગની ફરિયાદના આધારે ડેડિયાપાડા પોલીસ સ્ટેશનમાં ચૈતર વસાવા અને અન્ય લોકો સામે ગુનો નોંધાયો હતો.

Ahmedabad: અમદાવાદની જાણીતી સ્કૂલોને મળી બોમ્બથી ઉડાવી દેવાની ધમકી, વાલીઓ પહોંચ્યા શાળાએ

gujarati.abplive.com — Tue, 27 Oct 2026 11:20:35 +0530

Ahmedabad School Bomb Threat: અમદાવાદની જાણીતી શાળાઓ અને સ્ટેડિયમને ફરી એકવાર બોમ્બથી ઉડાવી દેવાની ધમકી મળતા ભારે ચકચાર મચી ગઈ છે. સેટેલાઈટ સ્થિત નારાયણ સ્કૂલ, ચાંદખેડાની પોદાર ઈન્ટરનેશનલ સ્કૂલ, વિદ્યા ભારતી સ્કૂલ તેમજ સી.એન. વિદ્યાલયને બોમ્બથી ઉડાવી દેવાની ધમકીભર્યા મેઈલ મળ્યા છે. આ સિવાય વિશ્વના સૌથી મોટા નરેન્દ્ર મોદી સ્ટેડિયમને પણ બોમ્બથી ઉડાવી દેવાની ધમકી આપવામાં આવી છે. આ ધમકીના સમાચાર મળતાં જ ચિંતાતુર બનેલા વાલીઓ તાબડતોબ પોતાના બાળકોને લેવા માટે સ્કૂલે પહોંચી ગયા હતા. ઘટનાની જાણ થતાં જ પોલીસની ટીમો અને બોમ્બ સ્કવોડ સ્થળ પર પહોંચીને સઘન તપાસ શરૂ કરી દીધી છે.

આ જ મહિને 10 શાળાને મળી હતી ધમકી

તમને જણાવી દઈએ કે, 7 ઓક્ટોબરના રોજ અમદાવાદની 10 સ્કૂલોને બોમ્બથી ઉડાવી દેવાની ધમકી મળી હતી. બોમ્બ બ્લાસ્ટની ધમકી મળતાં જ સ્કૂલ દ્વારા વાલીઓને જાણ કરીને તેમના બાળકોને વહેલા છોડી દેવામાં આવ્યા હતા. આ પહેલા પણ અનેક સ્કૂલો અને ગુજરાત હાઈકોર્ટને બોમ્બથી ઉડાવી દેવાની ધમકીઓ મળી છે. ધમકી મળતા જ ફાયર વિભાગ, BDDS,સ્થાનિક પોલીસની ટીમ ઘટનાસ્થળે પહોંચી તપાસ શરુ કરી હતી. DEO તરફથી જણાવવામાં આવ્યું કે સ્કૂલોને સ્થાનિક પોલીસ સ્ટેશનમાં જાણ કરવા અને સ્કૂલમાં પેનિક ન ફેલાય તે રીતે વિદ્યાર્થીઓને ઘરે રવાના કરવા નિર્દેશ આપવામાં આવ્યા.

આ પણ વાંચો....ઓપરેશન ગંગાજળની ઝપેટમાં વધુ બે ઉચ્ચ અધિકારીઓ, સરકારે સમય પહેલા જ કરી દીધા નિવૃત

શાળા સંચાલકોએ સ્થાનિક પોલીસને જાણ કરી

એશિયા સ્કૂલ, બોડકદેવ સ્કૂલ ફોર ચિલ્ડ્રન, SGVP સ્કૂલ, ઝાયડસ સ્કૂલ વેજલપુર અને સંત કબીર સ્કૂલને ધમકીભર્યો મેઇલ મળ્યો હોવાની માહિતી મળી હતી. ઈમેલ મળતા જ શાળા સંચાલકોએ સ્થાનિક પોલીસને જાણ કરી હતી. સમગ્ર મામલે પોલીસ દ્વારા તપાસ હાથ ધરવામાં આવી હતી.

બોમ્બની ધમકી બાદ પોલીસની ટીમો ઘટના સ્થળે પહોંચી હતી. બોમ્બ ડિસ્પોઝલ એન્ડ ડિટેક્શન સ્ક્વોડ (BDDS)ની ટીમ દ્વારા પણ શાળાઓમાં તપાસ હાથ ધરવામાં આવી હતી. શાળા પરિસરમાં કોઈ શંકાસ્પદ વસ્તુ કે વિસ્ફોટક સામગ્રી છે કે નહીં તે અંગે તપાસ કરવામાં આવી હતી. નોંધનીય છે કે આ પહેલાં પણ અમદાવાદ સહિત ગુજરાતની કેટલીક શાળાઓ અને મહત્વના સ્થળોને બોમ્બથી ઉડાવી દેવાની ધમકીઓ મળી ચૂકી હતી. ધમકીની જાણ થતાં વાલીઓને પણ એલર્ટ કરવામાં આવ્યા હતા. કેટલીક શાળાઓમાં વાલીઓને બાળકોને શાળામાંથી ઘરે લઈ જવા માટે સૂચના આપવામાં આવી હતી.પોલીસ અને સુરક્ષા એજન્સીઓ દ્વારા તપાસ હાથ ધરવામાં આવી હતી પરંતુ કોઈ શંકાસ્પદ વસ્તુઓ મળી ન હતી .

ઓપરેશન ગંગાજળની ઝપેટમાં વધુ બે ઉચ્ચ અધિકારીઓ, સરકારે સમય પહેલા જ કરી દીધા નિવૃત

gujarati.abplive.com — Tue, 27 Oct 2026 11:10:13 +0530

Gandhinagar: રાજ્ય સરકાર દ્વારા ભ્રષ્ટાચાર અને ગેરરીતિ સામે શરૂ કરવામાં આવેલા 'ઓપરેશન ગંગાજળ' હેઠળ વધુ બે ઉચ્ચ અધિકારીઓ સામે કડક કાર્યવાહી કરવામાં આવી છે. વર્ગ-1 ના આ બે અધિકારીઓ સામેની તપાસ પૂર્ણ થયા બાદ તેમના કાર્યકાળનો રિવ્યૂ કરીને સામાન્ય વહીવટ વિભાગ (GAD) દ્વારા સમય કરતાં પહેલાં જ નિવૃત્ત કરી દેવાયા છે. આ કાર્યવાહી અંતર્ગત એડિશનલ કલેક્ટર ડી.આઈ. ભગલાણી અને ગુજરાત સફાઈકામદાર નિગમના એમડી જે.એમ. તુવારને નિવૃત્ત કરવામાં આવ્યા છે. ઉલ્લેખનીય છે કે ઓપરેશન ગંગાજળ હેઠળ ગેરરીતિ કે ભ્રષ્ટાચારના આરોપો ધરાવતા અધિકારીઓ સામે સતત તપાસ કરીને કડક પગલાં લેવામાં આવી રહ્યા છે.

આ પહેલા એક જ દિવસમાં 2 IAS અધિકારીઓને કરવામાં આવ્યા હતા ફરજિયાત નિવૃત

તમને જણાવી દઈએ કે, ગુજરાત સરકારે 1 ઓક્ટોબરના રોજ 'ઓપરેશન ગંગાજળ' અંતર્ગત એક જ દિવસમાં બે IAS અધિકારીઓને ફરજિયાત નિવૃત કરી દેતા ભ્રષ્ટ અધિકારીઓમાં ફફડાટ ફેલાયો હતો. સુરેન્દ્રનગરના પૂર્વ કલેકટર કે. રાજેશ અને અધિક વિકાસ કમિશનર ગૌરવ દહીયાને રાજ્ય સરકારે વય નિવૃત થાય તે પહેલા જ નિવૃત કરી દીધા હતા.

આ પણ વાંચો... PM સૂર્ય ઘર યોજના: માત્ર ₹5400માં ઘરની છત પર લાગશે સોલાર સિસ્ટમ? જાણો કોને મળશે લાભ

નોંધનિય છે કે, કે. રાજેશ ગુજરાત કેડરના 2011 બેચના IAS અધિકારી હતા અને મૂળ આંધ્રપ્રદેશના છે. તેમણે પોંડિચેરી સેન્ટ્રલ યુનિવર્સિટીમાંથી ઇલેક્ટ્રિકલ એન્ડ ઇલેક્ટ્રોનિક્સમાં B.Tech કર્યું હતું અને UPSC સિવિલ સર્વિસ પરીક્ષામાં 2010માં 103મો રેન્ક મેળવ્યો હતો. જૂનાગઢમાં આસિસ્ટન્ટ કલેક્ટર તરીકે કારકિર્દીની શરૂઆત બાદ સુરતમાં આસિસ્ટન્ટ કલેક્ટર અને જિલ્લા વિકાસ અધિકારી તરીકે પણ ફરજ બજાવી હતી. ત્યારબાદ તેઓ સુરેન્દ્રનગરના કલેક્ટર બન્યા હતા. કે. રાજેશને જુલાઈ 2022માં CBIએ ધરપકડ કર્યા બાદ રાજ્ય સરકારે સસ્પેન્ડ કર્યા હતા.

CBIની ચાર્જશીટ મુજબ તેમના પર સુરેન્દ્રનગર કલેક્ટર તરીકેના કાર્યકાળ દરમિયાન અયોગ્ય લોકોને હથિયાર લાઇસન્સ અપાવવા, સરકારી જમીનની ફાળવણી અને સરકારી જમીન પરના અતિક્રમણને નિયમિત કરવા બદલ કથિત લાંચ લેવાના આરોપો મૂકાયા હતા. CBIની તપાસમાં રૂ.98 હજારની કથિત લાંચ અને ભેટો અંગે પુરાવા મળ્યાનો દાવો કરવામાં આવ્યો હતો. CBI કેસ બાદ EDએ પણ કે. રાજેશ સામે મની લોન્ડરિંગની તપાસ શરૂ કરી હતી. ઓગસ્ટ 2022માં EDએ તેમને કસ્ટડીમાં લીધા હતા. EDએ તેમની અને પરિવારના સભ્યોની સંપત્તિ તથા નાણાકીય વ્યવહારોની તપાસ કરવાની જરૂરિયાત દર્શાવી હતી. ઓક્ટોબર 2022માં EDએ કે. રાજેશ અને સહઆરોપી રફીક મેમણ સામે PMLA કોર્ટમાં પ્રોસિક્યુશન ફરિયાદ પણ દાખલ કરી હતી.

Kutch Farmer: સરકારના નિર્ણયથી કચ્છના માલધારી-ખેડૂતોએ વ્યક્ત કરી ખુશી

gujarati.abplive.com — Mon, 26 Oct 2026 21:53:55 +0530

Kutch Farmer: સરકારના નિર્ણયથી કચ્છના માલધારી-ખેડૂતોએ વ્યક્ત કરી ખુશી

Porbandar Farmer: પોરબંદર જિલ્લાના ખેડૂતોએ વ્યક્ત કર્યો અસંતોષ

gujarati.abplive.com — Mon, 26 Oct 2026 21:52:55 +0530

Porbandar Farmer: પોરબંદર જિલ્લાના ખેડૂતોએ વ્યક્ત કર્યો અસંતોષ

Raghavji Patel: રાજ્ય સરકારની જાહેરાતને પૂર્વ કૃષિમંત્રી રાઘવજી પટેલે આવકારી

gujarati.abplive.com — Mon, 26 Oct 2026 21:51:21 +0530

Raghavji Patel: રાજ્ય સરકારની જાહેરાતને પૂર્વ કૃષિમંત્રી રાઘવજી પટેલે આવકારી