Gujarat Rain: ગુજરાતમાં આજે અહીં વરસશે વરસાદ, ચોમાસાની વિદાય વચ્ચે હવામાન વિભાગની વરસાદની આગાહી

Dhavalsinh Zala: ધવલસિંહ ઝાલાએ વન વિભાગના અધિકારીઓને ખખડાવ્યા

gujarati.abplive.com — Tue, 6 Oct 2026 20:57:22 +0530

Dhavalsinh Zala: ધવલસિંહ ઝાલાએ વન વિભાગના અધિકારીઓને ખખડાવ્યા

Shankersinh Vaghela: GPSC અધ્યક્ષ હસમુખ પટેલ પરના આરોપો મુદ્દે શંકરસિંહ વાઘેલાનું નિવેદન

gujarati.abplive.com — Tue, 6 Oct 2026 20:56:48 +0530

Shankersinh Vaghela: GPSC અધ્યક્ષ હસમુખ પટેલ પરના આરોપો મુદ્દે શંકરસિંહ વાઘેલાનું નિવેદન

Shankersinh Vaghela: 'મેં જે કીધું ડંકાની ચોટ પર કીધું': મેલું ઉપાડવાના વિવાદ પર શંકરસિંહ વાઘેલા અડગ

gujarati.abplive.com — Tue, 6 Oct 2026 20:56:13 +0530

Shankersinh Vaghela: 'મેં જે કીધું ડંકાની ચોટ પર કીધું': મેલું ઉપાડવાના વિવાદ પર શંકરસિંહ વાઘેલા અડગ

Dwarka News : દ્વારકામાં પ્રચાર દરમિયાન ભાજપ ધારાસભ્ય બન્યા ખેડૂતોના આક્રોશનો શિકાર

gujarati.abplive.com — Tue, 6 Oct 2026 20:55:36 +0530

Dwarka News : દ્વારકામાં પ્રચાર દરમિયાન ભાજપ ધારાસભ્ય બન્યા ખેડૂતોના આક્રોશનો શિકાર

ભાડા વિધેયક વિવાદ: ગુજરાતમાં 6 દિવસથી ચાલતી વકીલોની હડતાલ સમેટાઈ, સરકારે આપી મોટી ખાતરી

gujarati.abplive.com — Tue, 6 Oct 2026 20:26:11 +0530

Gujarat lawyers strike ends: રાજ્યમાં નવા ભાડા વિધેયકના કાયદાકીય માળખા અને જોગવાઈઓના વિરોધમાં વકીલો દ્વારા છેલ્લા 6 દિવસથી ચલાવવામાં આવી રહેલી સળંગ હડતાલનો આખરે સુખદ અંત આવ્યો છે. બાર કાઉન્સિલ ઓફ ગુજરાતના હોદ્દેદારો અને રાજ્ય સરકાર વચ્ચે યોજાયેલી મહત્વપૂર્ણ બેઠકમાં સકારાત્મક નિર્ણય લેવાતા સમગ્ર વકીલ આલમમાં અને પક્ષકારોમાં ભારે રાહત જોવા મળી છે. સરકાર દ્વારા સ્પષ્ટ ખાતરી આપવામાં આવી છે કે ભાડૂઆત અને મિલકત સંબંધિત કોઈપણ વિવાદની સત્તા અગાઉની પ્રણાલી મુજબ જ ન્યાયિક સત્તામંડળ (જ્યુડિશિયરી) પાસે અકબંધ રહેશે. સરકારના આ સત્તાવાર આશ્વાસન અને બાંહેધરી બાદ વકીલોએ પોતાનો ઉગ્ર વિરોધ સમેટી લીધો છે અને આવતીકાલથી જ રાજ્યની તમામ અદાલતોમાં કાનૂની કામગીરી રાબેતા મુજબ પુનઃ શરૂ થઈ જશે.

નવા કાયદાની સમીક્ષા માટે 5 સભ્યોની કમિટી રચાશે

બાર કાઉન્સિલ ઓફ ગુજરાતના ચેરમેન પી.ડી. પટેલના સત્તાવાર નિવેદન અનુસાર, આ નવા ભાડા વિધેયકને લઈને રાજ્યભરના વકીલોમાં ભારે નારાજગી અને અસંતોષ પ્રવર્તી રહ્યો હતો. જેના કારણે તેઓ સંપૂર્ણપણે કોર્ટના કામકાજથી અળગા રહ્યા હતા અને ન્યાયિક પ્રક્રિયા થંભી ગઈ હતી. આ અત્યંત ગંભીર અને સંવેદનશીલ મુદ્દે રાજ્યના નાયબ મુખ્યમંત્રી અને બાર કાઉન્સિલના સિનિયર સભ્યો વચ્ચે વિસ્તૃત અને ફળદાયી ચર્ચા થઈ હતી. આ મેરેથોન બેઠકમાં સરકારે એવો હકારાત્મક નિર્ણય લીધો છે કે નવા કાયદાની યોગ્ય સમીક્ષા કરવા અને તેમાં જરૂરી કાનૂની સુધારા સૂચવવા માટે 5 સભ્યોની એક ઉચ્ચસ્તરીય વિશેષ કમિટી બનાવવામાં આવશે. આ કમિટી દ્વારા ઊંડાણપૂર્વક અભ્યાસ કરી જે કાનૂની સુધારા સૂચવવામાં આવશે, તેના આધારે જ અંતિમ નિર્ણય લેવાશે.

વકીલો શા માટે આટલો ઉગ્ર વિરોધ કરી રહ્યા હતા?

અત્યાર સુધીના પ્રવર્તમાન જૂના કાયદા મુજબ, મકાન માલિક અને ભાડૂઆત વચ્ચેના વિવાદો, દાવાઓ અને તકરાર સ્મોલ કોઝીઝ કોર્ટમાં દાખલ થતા હતા. આ કાનૂની પ્રક્રિયા માટે કાયદાના નિષ્ણાત અને તાલીમબદ્ધ ન્યાયાધીશોની વિશેષ નિમણૂક થયેલી હોય છે, જેઓ પુરાવા અને કાયદાને આધારે યોગ્ય ન્યાય આપે છે. પરંતુ, રાજ્ય સરકાર દ્વારા તાજેતરમાં તૈયાર કરાયેલા નવા ભાડા વિધેયકના ડ્રાફ્ટમાં આ તમામ સત્તાઓ સ્મોલ કોઝીઝ કોર્ટ પાસેથી આંચકી લઈને નાયબ કલેક્ટર અથવા મદદનીશ મ્યુનિસિપલ કમિશનર કક્ષાના વહીવટી અધિકારીઓને ભાડા સત્તા અધિકારી તરીકે સોંપી દેવાની જોગવાઈ કરવામાં આવી હતી.

વકીલોની સૌથી મોટી અને તાર્કિક દલીલ એ હતી કે આ કલેક્ટર કે મ્યુનિસિપલ કમિશનર જેવા વહીવટી અધિકારીઓ પાસે કાયદાકીય જોગવાઈઓ, બંધારણીય હકો અને ન્યાયિક પ્રક્રિયાની પૂરતી તાલીમ કે જ્ઞાન હોતું નથી. તેથી કાનૂની વિવાદો ઉકેલવા માટે તેમને જજ તરીકે ક્યારેય બેસાડી શકાય નહીં. આ ઉપરાંત, આ ડ્રાફ્ટ તૈયાર કરતા પહેલાં કોઈ કાનૂની નિષ્ણાતો કે બાર કાઉન્સિલ પાસેથી જરૂરી સૂચનો પણ મંગાવવામાં આવ્યા ન હતા. ન્યાયિક સત્તાઓ સીધી વહીવટીતંત્રના હાથમાં જવાથી ગરીબ અને મધ્યમવર્ગીય ભાડૂઆતોના હિતો મોટા જોખમમાં મુકાવાની સ્પષ્ટ ભીતિ હતી. વકીલોને એવી પણ પ્રબળ આશંકા હતી કે કદાચ સરકાર અને મોટા બિલ્ડરો એકસાથે મળીને પોતાના આર્થિક સ્વાર્થ ખાતર ભાડૂઆતોના હિત વિરુદ્ધ મનસ્વી રીતે કામ કરી શકે છે. વળી, વકીલો માટે સળંગ કોર્ટ કેમ્પસ છોડીને અલગ-અલગ ઝોનની કલેક્ટર કચેરીઓ કે કોર્પોરેશન ઓફિસોમાં જઈને કેસ લડવાનું અત્યંત મુશ્કેલ, સમયનો વ્યય કરનારું અને પક્ષકારો માટે આર્થિક રીતે ખર્ચાળ બની રહે તેમ હતું.

રાજ્યપાલ સમક્ષ પેન્ડિંગ બિલ અને ન્યાયિક પ્રણાલીનું ભવિષ્ય

હાલમાં આ વિવાદાસ્પદ ભાડા વિધેયક બિલ રાજ્યપાલની સહી અને અંતિમ મંજૂરી માટે પેન્ડિંગ છે. વકીલ મંડળની એકદમ સ્પષ્ટ માંગ છે કે આ પ્રજા વિરોધી બિલને તાત્કાલિક અસરથી રદ્દ કરીને જૂની ન્યાયિક સિસ્ટમ અને કાયદો જ વ્યવહારમાં ચાલુ રાખવો જોઈએ. જોકે, સરકાર દ્વારા 5 સભ્યોની સમિતિ રચવાની અને ન્યાયિક સત્તાઓ અદાલતો પાસે જ રાખવાની લેખિત બાંહેધરી મળતાં હાલ પૂરતો આ વ્યાપક વિવાદ શાંત પડ્યો છે.

Dwarka Video: દ્વારકામાં પ્રચાર દરમિયાન ભાજપ ધારાસભ્ય બન્યા ખેડૂતોના આક્રોશનો શિકાર

abp asmita — Tue, 6 Oct 2026 20:14:12 +0530

દ્વારકાના ભીંડા ગામમાં ભાજપના પ્રચાર દરમિયાન ખેડૂતોમાં ભારે આક્રોશ જોવા મળ્યો હતો. ભાડથર બેઠકની પેટાચૂંટણીને લઈને પ્રચાર કરવા પહોંચેલા ભાજપના ધારાસભ્ય મુળુભાઈ બેરાનો ખેડૂતોએ ઉગ્ર વિરોધ કર્યો હતો. અનિયમિત વીજળીના પ્રશ્નને લઈને ખેડૂતોએ ધારાસભ્ય સામે રોષ વ્યક્ત કર્યો હતો. આ ઉપરાંત વીજળી, ઘાસચારો અને પીવાના પાણી જેવી મૂળભૂત સમસ્યાઓ અંગે પણ ખેડૂતોએ સવાલોનો મારો ચલાવ્યો હતો. પ્રચાર દરમિયાન ખેડૂતો આક્રમક અંદાજમાં પોતાની સમસ્યાઓ અને બળાપો રજૂ કરતા જોવા મળ્યા હતા. ખેડૂતોનું કહેવું હતું કે લાંબા સમયથી તેઓ વિવિધ સમસ્યાઓનો સામનો કરી રહ્યા છે, પરંતુ તેનો યોગ્ય ઉકેલ મળ્યો નથી. સમગ્ર ઘટનાનો વીડિયો હાલ સોશિયલ મીડિયા પર વાયરલ થઈ રહ્યો છે અને ચર્ચાનો વિષય બન્યો છે.

Shankersinh Vaghela: 'મેં જે કીધું ડંકાની ચોટ પર કીધું': મેલું ઉપાડવાના વિવાદ પર શંકરસિંહ બાપુ અડગ

abp asmita — Tue, 6 Oct 2026 20:02:36 +0530

ગાંધીનગર સામાજિક ક્રાંતિ અભિયાન કાર્યક્રમમાં પહોંચ્યા પૂર્વ મુખ્યમંત્રી શંકરસિંહ વાઘેલા..અને મેલુ ઉપાડવાના નિવેદનથી થયેલા વિવાદ મુદ્દે ફરી આપ્યું નિવેદન. કહ્યું સરકારને આપડે મા-બાપ કહીએ છીએ..ઘરના નાના બાળકોનું ધ્યાન મા-બાપ રાખતા હોય છે..અનુસૂચિત જાતિના લોકોની હાલત આજે પણ સારી નથી. અનુસૂચિત જાતિના લોકો મુછો રાખે તો પણ વિરોધ થાય છે અને વરઘોડો કાઢે તો પણ વિરોધ થાય છે.

ગુજરાતના રાજકારણમાં હંમેશાં પોતાના સીધા અને સચોટ નિવેદનોથી ચર્ચામાં રહેતા પૂર્વ મુખ્યમંત્રી શંકરસિંહ વાઘેલાએ સવર્ણ સમાજ અને મેલું ઉપાડવા અંગે કરેલી ટિપ્પણીઓ બાદ રાજકીય માહોલ ભારે ગરમાયો છે. સામાજિક ક્રાંતિ અભિયાનના એક કાર્યક્રમમાં ત્રણ મુખ્ય સવર્ણ સમાજોને લઈને આપેલા વિવાદિત નિવેદન બાદ ચારેતરફથી તેમની ટીકાઓ થઈ રહી છે. પરંતુ, શંકરસિંહ વાઘેલાએ આ મુદ્દે સ્પષ્ટતા કરતા પીછેહઠ કરવાનો સાફ ઇનકાર કરી દીધો છે. તેમણે પોતાના નિવેદન પર અડગ રહેતા આક્રમક અંદાજમાં કહ્યું છે કે પોતે કોઈ પણ સમાજના વિરોધી નથી, પરંતુ જિંદગીમાં ક્યારેય આ મુદ્દે માફી માંગવાનો તો કોઈ સવાલ જ ઊભો થતો નથી. મીડિયા સમક્ષ બાઈટ આપતા તેમણે સ્પષ્ટ શબ્દોમાં જણાવ્યું હતું કે, "મેં જે કીધું છે તે ડંકાની ચોટ ઉપર કીધું છે અને હું તેના પર કાયમ છું."

કપરાડાના નિલોશી ગામમાં ઓનલાઈન કામગીરીના ભારણથી કંટાળી પ્રાથમિક શાળાના આચાર્યનો આપઘાત

gujarati.abplive.com — Tue, 6 Oct 2026 20:01:54 +0530

Kaprada school principal suicide: વલસાડ જિલ્લાના કપરાડા તાલુકામાં એક અત્યંત હચમચાવી મૂકે તેવી દુઃખદ ઘટના સામે આવી છે. તાલુકાના નિલોશી ગામની પ્રાથમિક શાળામાં મુખ્ય શિક્ષક (આચાર્ય) તરીકે ફરજ બજાવતા શંકરભાઈ જાદવે ઓનલાઈન કામગીરીના અતિશય ભારણ અને તણાવને કારણે ગળે ફાંસો ખાઈને પોતાનું જીવન ટૂંકાવ્યું છે. એક વિદ્યાગુરુના આ અત્યંત આઘાતજનક પગલાને કારણે સમગ્ર પંથકમાં અને ખાસ કરીને શિક્ષણજગતમાં ભારે ચકચાર મચી જવા પામી છે.

પ્રાપ્ત માહિતી અનુસાર, મૂળ કપરાડા તાલુકાના વરવઠ ગામના વતની શંકરભાઈ જાદવે સવારના સમયે પોતાના ઘરની નજીક આવેલા ખેતરમાં જઈને ગળે ફાંસો ખાઈ લીધો હતો. આ ઘટનાની જાણ પરિવારજનો અને આસપાસના લોકોને થતાં જ તેઓ તુરંત ઘટનાસ્થળે દોડી ગયા હતા. બનાવની ગંભીરતાને ધ્યાનમાં રાખીને કપરાડા પોલીસ, સ્થાનિક આગેવાનો અને આસપાસના ગામના અન્ય શિક્ષકો પણ તાત્કાલિક ત્યાં પહોંચી ગયા હતા.

પોલીસની પ્રાથમિક તપાસ દરમિયાન શંકરભાઈ પાસેથી 1 સ્યુસાઇડ નોટ પણ મળી આવી છે. આ ચિઠ્ઠીમાં તેમણે સ્પષ્ટપણે ઉલ્લેખ કર્યો છે કે, શાળામાં શૈક્ષણિક કાર્યની સાથે સાથે ઓનલાઈન કામગીરીનું ભારણ એટલું બધું વધી ગયું હતું કે તેઓ સતત માનસિક તાણ અનુભવી રહ્યા હતા. આ અસહ્ય માનસિક દબાણના કારણે જ તેમણે આત્યંતિક પગલું ભરવા મજબૂર થવું પડ્યું છે. આ ખુલાસાથી તંત્રની કાર્યપ્રણાલી સામે અનેક ગંભીર સવાલો ઊભા થયા છે.

આ ગંભીર મામલો સામે આવતાં જ શિક્ષણ વિભાગ દ્વારા તાત્કાલિક ધોરણે તપાસના આદેશો આપી દેવામાં આવ્યા છે. જોકે, પોલીસને મળેલી સ્યુસાઇડ નોટમાં આપઘાતનું કારણ સ્પષ્ટ હોવા છતાં, શિક્ષણ વિભાગના કેટલાક અધિકારીઓ સમગ્ર ઘટનાની ઝીણવટભરી વિગતોથી અજાણ હોવાનું જણાય છે અને માત્ર તપાસની ઔપચારિકતા પૂરી કરી રહ્યા હોવાની સ્થાનિકોમાં ચર્ચા છે. બીજી તરફ, તાલુકા વિકાસ અધિકારી (TDO) એ પોતાના સત્તાવાર નિવેદનમાં જણાવ્યું છે કે, હાલ મૃતદેહનું પોસ્ટ મોર્ટમ (PM) કરવામાં આવ્યું છે. પીએમ રિપોર્ટ અને પોલીસની સઘન તપાસનો રિપોર્ટ આવ્યા બાદ જ આગળની કાયદેસરની કાર્યવાહી હાથ ધરવામાં આવશે.

શંકરભાઈ જાદવના આ દુઃખદ અવસાનથી કપરાડા તાલુકા પ્રાથમિક શિક્ષક સંઘ અને સ્થાનિક શિક્ષકોમાં ભારે રોષ ભભૂકી ઊઠ્યો છે. શિક્ષકોનો આક્ષેપ છે કે શૈક્ષણિક કાર્યને બદલે બિનશૈક્ષણિક અને ઓનલાઈન કામગીરીના અતિરેકથી શિક્ષકોનું માનસિક શોષણ થઈ રહ્યું છે. નિલોશી અને વરવઠ ગામના લોકો તેમજ શિક્ષક આલમે એકસૂરે માંગ કરી છે કે આ સમગ્ર પ્રકરણની પારદર્શક અને તટસ્થ તપાસ થવી જોઈએ. સ્યુસાઇડ નોટમાં જણાવેલા કારણોને ગંભીરતાથી લઈને કડક પગલાં લેવામાં આવે તેવી પ્રબળ માંગ ઊઠી છે.

'મેં જે કીધું ડંકાની ચોટ પર કીધું': મેલું ઉપાડવાના વિવાદ પર શંકરસિંહ વાઘેલા અડગ

gujarati.abplive.com — Tue, 6 Oct 2026 18:02:47 +0530

Shankersinh Vaghela statement: ગુજરાતના રાજકારણમાં હંમેશાં પોતાના સીધા અને સચોટ નિવેદનોથી ચર્ચામાં રહેતા પૂર્વ મુખ્યમંત્રી શંકરસિંહ વાઘેલાએ સવર્ણ સમાજ અને મેલું ઉપાડવા અંગે કરેલી ટિપ્પણીઓ બાદ રાજકીય માહોલ ભારે ગરમાયો છે. સામાજિક ક્રાંતિ અભિયાનના એક કાર્યક્રમમાં ત્રણ મુખ્ય સવર્ણ સમાજોને લઈને આપેલા વિવાદિત નિવેદન બાદ ચારેતરફથી તેમની ટીકાઓ થઈ રહી છે. પરંતુ, શંકરસિંહ વાઘેલાએ આ મુદ્દે સ્પષ્ટતા કરતા પીછેહઠ કરવાનો સાફ ઇનકાર કરી દીધો છે. તેમણે પોતાના નિવેદન પર અડગ રહેતા આક્રમક અંદાજમાં કહ્યું છે કે પોતે કોઈ પણ સમાજના વિરોધી નથી, પરંતુ જિંદગીમાં ક્યારેય આ મુદ્દે માફી માંગવાનો તો કોઈ સવાલ જ ઊભો થતો નથી. મીડિયા સમક્ષ બાઈટ આપતા તેમણે સ્પષ્ટ શબ્દોમાં જણાવ્યું હતું કે, "મેં જે કીધું છે તે ડંકાની ચોટ ઉપર કીધું છે અને હું તેના પર કાયમ છું."

અનામત વિરોધી સરકાર સામે આક્રોશ

પોતાના નિવેદનનો બચાવ કરતા શંકરસિંહ વાઘેલાએ સત્તાધારી ભાજપ સરકાર પર આકરા પ્રહારો કર્યા હતા. તેમણે જણાવ્યું હતું કે તેમની ગઈકાલની વાતનું વિના કારણ મોટું બવંડર ઊભું કરવામાં આવ્યું છે. ભાજપના નેતાઓ સાચો અર્થ સમજ્યા વગર જ તેમની પાછળ મંડી પડ્યા છે તેવો આક્ષેપ તેમણે કર્યો હતો. વાઘેલાએ ભારપૂર્વક ઉમેર્યું હતું કે તેમનું નિવેદન વાસ્તવમાં અનામત વિરોધી સરકારના સંદર્ભમાં હતું. હાલની ભાજપ સરકારને અનામતવાળા લોકો બિલકુલ ગમતા નથી. વર્ષો પહેલાં જે સમાજે મેલું ઉપાડવાનું અતિ કપરું અને કઠિન કામ કર્યું છે, તેમને આજે મળતું અનામત એ ખરા અર્થમાં તેમનું વળતર છે.

દલિત અને આદિવાસી સમાજની વાસ્તવિકતા

શંકરસિંહ વાઘેલાએ અનુસૂચિત જાતિ (દલિત) અને આદિવાસી સમાજની દયનીય સ્થિતિ અને તેમને સદીઓથી થયેલા સામાજિક અન્યાયનો વિશેષ ઉલ્લેખ કર્યો હતો. તેમણે સરકારની જવાબદારીઓ અંગે નીચે મુજબના મહત્વના મુદ્દાઓ રજૂ કર્યા હતા:

સરકારની મા-બાપ તરીકેની ભૂમિકા: સરકારને આપણે મા-બાપ કહીએ છીએ. જેમ ઘરના નાના બાળકોનું ધ્યાન મા-બાપ રાખતા હોય છે, તેમ સરકારે સમાજના નબળા અને પછાત વર્ગનું વિશેષ ધ્યાન રાખવું જોઈએ.

અનુસૂચિત જાતિની દયનીય હાલત: અનુસૂચિત જાતિના મોટાભાગના લોકોની આર્થિક અને સામાજિક હાલત આજે પણ સારી નથી. જો આ સમાજના યુવાનો મૂછો રાખે કે લગ્નમાં વરઘોડો કાઢે, તો આજે પણ કેટલાક વિસ્તારોમાં તેનો સખત વિરોધ થાય છે.

આદિવાસીઓના હક અને અધિકાર: આદિવાસી સમુદાયનો વિષય બિલકુલ જુદો અને અલગ છે. જે લોકોએ પેઢીઓથી જંગલ સાચવ્યું છે, તેમને આજે પોતાના હકના અધિકાર મળતા જ નથી. જંગલની જમીન યા તો સરકાર લઈ ગઈ છે યા તો ફોરેસ્ટ વિભાગે લઈ લીધી છે.

શું હતો સમગ્ર વિવાદ?

નોંધનીય છે કે, કોંગ્રેસ નેતા અમિત ચાવડાની ઉપસ્થિતિમાં યોજાયેલા 'સામાજિક ક્રાંતિ અભિયાન' કાર્યક્રમમાં શંકરસિંહ વાઘેલાએ એક ખુલ્લો પડકાર ફેંકતા કહ્યું હતું કે, "જો પટેલ, વાણિયા કે બ્રાહ્મણ સમાજના લોકો મેલું ઉપાડે તો હું તેમને 50,000 રૂપિયા રોકડા આપીશ." આ વિધાન બાદ સોશિયલ મીડિયા અને રાજકીય વર્તુળોમાં ભારે વિવાદ સર્જાયો હતો. પરંતુ વાઘેલાએ સ્પષ્ટ કર્યું છે કે તેમનો હેતુ કોઈનું અપમાન કરવાનો નહીં, પરંતુ સદીઓથી શોષિત વર્ગ દ્વારા કરવામાં આવેલા અતિ કઠિન કામ પ્રત્યે સમાજનું ધ્યાન દોરવાનો અને અનામત વ્યવસ્થાને સંપૂર્ણપણે વ્યાજબી ઠેરવવાનો હતો.

Gujarat Rain: ગુજરાતમાં આજે અહીં વરસશે વરસાદ, ચોમાસાની વિદાય વચ્ચે હવામાન વિભાગની વરસાદની આગાહી

એબીપી અસ્મિતા વેબ ટીમ — Tue, 6 Oct 2026 13:54:38 +0530

Gujarat Weather News: ગુજરાતમાં ચોમાસું વિદાઇ લઇ રહ્યું છે, ત્યારે આ બધાની વચ્ચે હવામાન વિભાગે ગુજરાતમાં અમૂક વિસ્તારમાં વરસાદની આગાહી કરી છે. હવામાન વિભાગની લેટેસ્ટ માહિતી અનુસાર દક્ષિણ ગુજરાતમાં હળવો વરસાદ પડી શકે છે આ સાથે અન્ય જગ્યાએ ગરમી વધવાની શક્યતા પણ વ્યક્ત કરવામાં આવી છે.

ગુજરાત રાજ્યમાંથી ચોમાસાની સત્તાવાર વિદાય સાથે જ હવામાનમાં મોટો પલટો આવ્યો છે. વેસ્ટર્ન ડિસ્ટર્બન્સ સક્રિય થવાને કારણે આજે દક્ષિણ ગુજરાતના વિવિધ વિસ્તારોમાં સામાન્યથી મધ્યમ વરસાદી ઝાપટાં પડવાની તાજી આગાહી કરવામાં આવી છે.

હવામાન નિષ્ણાતોના જણાવ્યા અનુસાર, પશ્ચિમી વિક્ષોભ (વેસ્ટર્ન ડિસ્ટર્બન્સ) ની અસરોના ભાગરૂપે દક્ષિણ ગુજરાતના કેટલાક જિલ્લાઓમાં વાદળછાયા વાતાવરણ વચ્ચે હળવા વરસાદી ઝાપટાં પડી શકે છે. બીજી તરફ, ચોમાસાની વિદાય થતાની સાથે જ રાજ્યના મોટાભાગના શહેરોમાં તાપમાનનો પારો ઊંચે જવાની ક્ષમતા છે. આગામી દિવસોમાં ગુજરાતમાં મહત્તમ તાપમાન ૩૭ થી ૩૮ ડિગ્રી સેલ્સિયસ આસપાસ નોંધાઈ શકે છે. રાજ્યના મુખ્ય આર્થિક અને શહેરી કેન્દ્ર અમદાવાદમાં પણ મહત્તમ તાપમાન ૩૭ ડિગ્રી સેલ્સિયસ આસપાસ રહેવાનું અનુમાન છે. આ કારણે રાજ્યના નાગરિકોને ભેજ અને બફારા વચ્ચે ઓક્ટોબર હીટનો સામનો કરવો પડી શકે છે. ચોમાસું વિધિવત રીતે પૂરું થતાં જ રાજ્યભરમાં હવે ઉનાળા જેવી આકરી ગરમીનો પ્રારંભિક અહેસાસ થવાનું શરૂ થઈ ગયું છે.

ચોમાસાની વિદાય બાદ બદલાતા આ વાતાવરણથી ખેતીના ચોમાસુ પાક લણણીના તબક્કે પહોંચ્યા હોય ત્યાં ખાસ સાવચેતી રાખવી જરૂરી બનશે. તાપમાનમાં અચાનક થનારા આ વધારાથી સામાન્ય જનજીવન અને નાગરિકોના સ્વાસ્થ્ય પર મિશ્ર અસર જોવા મળી શકે છે.