લોકગાયિકા કાજલ મહેરિયાના પતિ પર લગ્ન પ્રસંગ દરમિયાન હુમલો, સેલ્ફીના કારણે થયો વિવાદ

Attack On Gujarati Singer Kajal Maheriya's Husband : કાજલ મહેરિયાના પતિ પર હુમલાની ઘટના બની છે. સેલ્ફીના કારણે સમગ્ર મામલે બબાલ થઇ હોવાની માહિતી મળી છે.

કાજલ મહેરિયાના પતિ પર હુમલો

Source : abp asmita

Show Quick Read

Key points generated by AI, verified by newsroom

• કાજલ મહેરિયાના પતિ અલ્પેશ ઠાકોર પર લગ્ન પ્રસંગે હુમલો થયો.
• સેલ્ફી બાબતે થયેલી બોલાચાલી બાદ થયો હુમલો.
• કાર્યક્રમ સ્થળે અને કાર પર પણ હુમલો કરાયો.
• પોલીસ ફરિયાદ નોંધાઈ નથી, સમાધાન થયું.

Attack On Gujarati Singer Kajal Maheriya's Husband : ગુજરાતની લોકપ્રિય લોકગાયિકા કાજલ મહેરિયાના પતિ અલ્પેશ ઠાકોર પર અમદાવાદ જિલ્લાના માંડલ નજીક વિઠલાપુર પાસે આવેલા ડઢાણા ગામમાં હુમલો થવાની ઘટના સામે આવી છે. આ ઘટના બે દિવસ પહેલા એક લગ્ન પ્રસંગ દરમિયાન યોજાયેલા રાસ-ગરબા કાર્યક્રમ દરમિયાન બની હોવાનું સામે આવ્યું છે.

મળતી માહિતી મુજબ, કાર્યક્રમ દરમિયાન કેટલાક યુવાનો કાજલ મહેરિયા સાથે સેલ્ફી લેવા માટે આગળ આવ્યા હતા. આ દરમિયાન કોઈ બાબતે બોલાચાલી શરૂ થઈ હતી, જે પછી મામલો વધુ ઉગ્ર બન્યો હતો. વાત વધતા પરિસ્થિતિ બગડી ગઈ અને કેટલાક શખ્સોએ અલ્પેશ ઠાકોર પર લાકડી અને ધોકાથી હુમલો કર્યો હોવાનું જાણવા મળ્યું છે.

હુમલાની ઘટનાથી કાર્યક્રમ સ્થળે અફરાતફરીનો માહોલ સર્જાયો હતો. સ્ટેજ કાર્યક્રમ દરમિયાન થયેલી આ ઘટનાના વીડિયો પણ સોશિયલ મીડિયા પર વાયરલ થયા છે, જેના કારણે સમગ્ર મામલો બહાર આવ્યો છે. સ્થાનિક લોકોએ વચ્ચે પડીને સ્થિતિને શાંત કરી હતી.

આ પણ વાંચો:Gujarat Weather Forecast: 10 મે બાદ આ જિલ્લામાં હિટવેવની ચેતવણી, હવામાન વિભાગે કરી આગાહી

માહિતી મુજબ, હુમલા બાદ સ્ટેજ કાર્યક્રમ સહિત કાજલ મહેરિયાની કાર પર પણ હુમલો કરવામાં આવ્યો હોવાનું સામે આવ્યું છે. જોકે, આ સમગ્ર ઘટનાને લઈને અત્યાર સુધી કોઈ પોલીસ ફરિયાદ નોંધાઈ નથી. બીજી તરફ, ચર્ચા મુજબ બંને પક્ષો વચ્ચે બાદમાં સમાધાન થઈ ગયું હોવાની પણ માહિતી મળી રહી છે.

ઉલ્લેખનીય છે કે, કાજલ મહેરિયા અગાઉ પણ પોતાના પ્રેમ લગ્નને લઈને વિવાદમાં રહી ચૂકી છે. તેમણે પરિવારની મરજી વિરુદ્ધ અલ્પેશ ઠાકોર સાથે લગ્ન કર્યા હતા. ત્યારથી તેમને ધમકીઓ મળતી હોવાના આક્ષેપો પણ તેમણે અગાઉ જાહેર રીતે કર્યા હતા.હાલ આ સમગ્ર ઘટનામાં સેલ્ફી વિવાદ કારણભૂત હતો.