પૂર્વ ધારાસભ્ય ભૂપત ભાયાણી હવે જિલ્લા પંચાયતની ચૂંટણી લડશે, જાણો ભાજપે ક્યાંથી આપી ટીકીટ?

AAP માંથી રાજીનામું આપી ભાજપમાં જોડાયેલા ભૂપત ભાયાણીને વિધાનસભાની પેટાચૂંટણીમાં ટિકિટ નહોતી મળી, હવે તેઓ જૂનાગઢ જિલ્લા પંચાયતની ચૂંટણી લડશે.

former mla bhupat bhayani bjp candidate gujarat district panchayat election

Show Quick Read

Key points generated by AI, verified by newsroom

• ભૂપત ભાયાણી જૂનાગઢ જિલ્લા પંચાયતની ભેસાણ બેઠક પરથી ચૂંટણી લડશે.
• આમ આદમી પાર્ટી છોડી ભાજપમાં જોડાયા બાદ હવે સ્થાનિક સ્વરાજ્ય ચૂંટણીમાં ઝંપલાવ્યું.
• પેટાચૂંટણીમાં ટિકિટ ન મળ્યા બાદ હવે જિલ્લા પંચાયતમાં ઉમેદવારી નોંધાવી.
• ભૂતપૂર્વ સરપંચ ભાયાણી '108' તરીકે સ્થાનિકોમાં લોકપ્રિય છે.

• AAP છોડીને ભાજપમાં આવેલા પૂર્વ ધારાસભ્ય ભૂપત ભાયાણી હવે જૂનાગઢ જિલ્લા પંચાયતની ભેસાણ બેઠક પરથી ચૂંટણી લડશે.
• વિધાનસભાની પેટાચૂંટણીમાં ટિકિટ ન મળ્યા બાદ, ભાજપે હવે તેમને સ્થાનિક સ્વરાજ્યની ચૂંટણીમાં ઉતારીને મેદાન પૂરું પાડ્યું છે.
• લોકોમાં '108' ની છબી ધરાવતા ભાયાણી અગાઉ ભેસાણના સરપંચ રહી ચૂક્યા છે અને 2022 માં વિસાવદર બેઠક પરથી ધારાસભ્ય તરીકે વિજેતા થયા હતા.

Bhupat Bhayani BJP Ticket: જૂનાગઢના રાજકારણમાં એક મોટો અને રસપ્રદ વળાંક જોવા મળ્યો છે. આમ આદમી પાર્ટી (AAP) ના ધારાસભ્ય પદેથી રાજીનામું આપીને ભારતીય જનતા પાર્ટી (BJP) માં જોડાયેલા પૂર્વ ધારાસભ્ય ભૂપત ભાયાણી હવે ફરી એકવાર ચૂંટણીના મેદાનમાં છે, પરંતુ આ વખતે તેઓ સ્થાનિક સ્વરાજ્યની ચૂંટણી લડવા જઈ રહ્યા છે. પ્રદેશ ભાજપે તેમને જૂનાગઢ જિલ્લા પંચાયતની ભેસાણ બેઠક પરથી પોતાના ઉમેદવાર જાહેર કર્યા છે. ભૂપત ભાયાણીએ પોતાના સમર્થકો અને ટેકેદારોની વિશાળ હાજરી વચ્ચે ઉમેદવારી નોંધાવી દીધી છે અને ભવ્ય જીતનો આત્મવિશ્વાસ પણ વ્યક્ત કર્યો છે.

પેટાચૂંટણીમાં કપાયું હતું પત્તું, હવે મળ્યું નવું મેદાન

ભૂપત ભાયાણીની આ રાજકીય સફરમાં ઘણા ઉતાર-ચઢાવ આવ્યા છે. નવાઈની વાત એ છે કે, તેઓ હવે હાલના AAP ધારાસભ્ય ગોપાલ ઈટાલિયાના જ મતવિસ્તારમાં સ્થાનિક ચૂંટણી લડવા ઉતર્યા છે. અગાઉ, જ્યારે તેમણે વિસાવદર સીટ પરથી AAP ના ધારાસભ્ય તરીકે રાજીનામું આપીને કેસરિયો ખેસ ધારણ કર્યો હતો, ત્યારે એવી પૂરી શક્યતા હતી કે ભાજપ તેમને વિસાવદર વિધાનસભાની પેટાચૂંટણીમાં ટિકિટ આપશે. જોકે, તે સમયે પ્રદેશ ભાજપે તેમને નજરઅંદાજ કર્યા હતા. પરંતુ હવે પક્ષે તેમની નારાજગી દૂર કરીને તેમને જિલ્લા પંચાયતની ભેસાણ બેઠકથી મેદાનમાં ઉતાર્યા છે.

2022 માં સર્જ્યો હતો મોટો ઉલટફેર, સ્થાનિકોમાં '108' ની છે છબી

જો ભૂપત ભાયાણીના રાજકીય ઈતિહાસની વાત કરીએ તો, તેઓ અગાઉ ભેસાણના સરપંચ રહી ચૂક્યા છે અને સ્થાનિક લોકોમાં તેમની છબી હંમેશા મદદ માટે તૈયાર રહેનાર વ્યક્તિ એટલે કે '108' જેવી છે. 2022 ની વિધાનસભા ચૂંટણીમાં તેમણે સૌથી મોટો ઉલટફેર કરીને પહેલીવાર ધારાસભ્ય પદ મેળવ્યું હતું.

તે સમયે AAP ના ઉમેદવાર તરીકે તેમણે કોંગ્રેસમાંથી ભાજપમાં આવેલા પીઢ નેતા હર્ષદ રિબડિયાને 7,063 મતોથી હરાવીને હારનો સ્વાદ ચખાડ્યો હતો. એ ચૂંટણીમાં કોંગ્રેસના કરસન વડોદરિયાને પણ કારમી હાર મળી હતી અને ભાયાણીને 45.18% જેટલા જંગી મતો મળ્યા હતા. જોકે, ધારાસભ્ય બન્યા બાદ તેમણે આ પદ પરથી રાજીનામું આપી દીધું હતું અને હવે તેઓ પોતાની જૂની લોકપ્રિયતાના આધારે જિલ્લા પંચાયતના જંગમાં નસીબ અજમાવી રહ્યા છે.

આ પણ વાંચો

મતદાન પહેલા જ ગુજરાતમાં ભાજપનો ડંકો: નવસારી, ખેડા, કચ્છ, તાપી અને પાટણમાં અનેક બેઠકો પર બિનહરીફ જીત!