લાંબા સમય બાદ ગુજરાતને કાયમી પોલીસવડા મળ્યા હતા. વિકાસ સહાય બાદ ડૉ. કે.એલએન રાવ ઈન્ચાર્જ પોલીસવડા હતા. હવે અમદાવાદના પોલીસ કમિશનર જી.એસ.મલિકને DGP બનાવાયા હતા. જી.એસ. મલિક આજે જ રાજ્ય પોલીસવડાનો ચાર્જ સંભાળે તેવી શક્યતા છે. જી.એસ.મલિક 1993ની બેચના IPS અધિકારી છે. તેઓ મૂળ હરિયાણાના જિંદના વતની છે. મલિક અમદાવાદ, વડોદરા, ગાંધીનગરમાં ફરજ બજાવી ચૂક્યા છે. જી.એસ. મલિકે કચ્છમાં ASP તરીકે કારકિર્દીની શરૂઆત કરી હતી.
તેઓ ગુજરાત BSFના આઈજી તરીકે ફરજ બજાવી ચૂક્યા છે. CISFના એડી. ડીજી તરીકે પણ જી.એસ.મલિકે ફરજ બજાવી છે. અમદાવાદમાં નવા પોલીસ કમિશનરની ટૂંક સમયમાં નિયુક્તિ થશે.ગુજરાતના રાજ્યપાલના આદેશથી આ મહત્ત્વનો નિર્ણય લેવામાં આવ્યો છે. તેમને પહેલા એલ.એન.રાવ જવાબદારી સંભાળી રહ્યા હતા. જી.એસ.મલિક બીએસએફમાં પણ ફરજ બજાવી ચૂક્યા છે. હવે તે ગુજરાતના કાયમી ડીજીપી બની ગયા છે. જ્ઞાનેન્દ્ર સિંહ મલિક ગુજરાત પોલીસના અનુભવી અધિકારીઓમાંના એક ગણાય છે. તેમની કારકિર્દી દરમિયાન તેમણે રાજ્યમાં અનેક મહત્વપૂર્ણ જવાબદારીઓ નિભાવી છે. ગુજરાત પોલીસમાં વિવિધ હોદ્દાઓ પર સેવા આપ્યા બાદ તેમણે કેન્દ્ર સરકાર હેઠળ બોર્ડર સિક્યુરિટી ફોર્સ (BSF) અને સેન્ટ્રલ ઇન્ડસ્ટ્રિયલ સિક્યુરિટી ફોર્સ (CISF)માં પણ મહત્વપૂર્ણ કામગીરી કરી હતી.
1993ની બેચના IPS જી.એસ.મલિક BSF અને CISFના ADG પણ રહી ચૂક્યા છે. 1993 બેચના વરિષ્ઠ આઈપીએસ (IPS) અધિકારી જી. એસ. મલિકને ગુજરાત રાજ્યના નવા ડાયરેક્ટર જનરલ અને ઇન્સ્પેક્ટર જનરલ ઓફ પોલીસ (DGP અને IGP) તરીકે નિયુક્ત કરવામાં આવ્યા છે. ગૃહ વિભાગે 6 જૂન, 2026ના રોજ આ અંગેનું સત્તાવાર જાહેરનામું બહાર પાડ્યું હતું. આ જાહેરનામા અનુસાર, અમદાવાદ શહેરના પોલીસ કમિશનર જ્ઞાનેન્દ્ર સિંહ મલિક, IPSને તાત્કાલિક અસરથી ગુજરાત રાજ્યના ડાયરેક્ટર જનરલ અને ઇન્સ્પેક્ટર જનરલ ઓફ પોલીસના કેડર પદ પર નિયુક્ત કરવામાં આવે છે.
જી.એસ. મલિકની DGP તરીકેની નિમણૂક બાદ હવે અમદાવાદ પોલીસ કમિશનરની રેસમાં 3 નામ ચર્ચામાં ચાલી રહ્યા છે. જેમાં અનુપમસિંહ ગેહલોત(સુરત CP), મનોજ શશીધરન(CBI), પિયુષ પટેલ(ACB ડાયરેક્ટર)નું નામ ચાલી રહ્યું છે.