ગુજરાત બજેટ 2026: કનુભાઈ દેસાઈ અને AAP ધારાસભ્યોની વાયરલ તસ્વીરનું શું છે અસલી રહસ્ય?

ગુજરાત વિધાનસભામાં બજેટ સત્ર દરમિયાન નાણા મંત્રી કનુભાઈ દેસાઈ અને આપના ધારાસભ્યોની તસ્વીરે ચર્ચા જગાવી. જાણો શું છે આ ફોટો પાછળનું અસલી રહસ્ય.

Kanubhai Desai Gopal Italia viral photo

Source : abp asmita

Show Quick Read

Key points generated by AI, verified by newsroom

Gujarat Budget 2026: ગુજરાત વિધાનસભામાં નાણા મંત્રી કનુભાઈ દેસાઈ દ્વારા રજૂ કરવામાં આવેલા 4 લાખ કરોડથી વધુના ઐતિહાસિક બજેટની ચર્ચા વચ્ચે એક તસ્વીરે સોશિયલ મીડિયા અને રાજકીય ગલીયારાઓમાં ભારે હલચલ મચાવી દીધી છે. બુધવારે (18 February, 2026) બજેટ રજૂ થયા બાદ ગૃહની અંદર નાણા મંત્રી સાથે આમ આદમી પાર્ટી (AAP) ના ધારાસભ્યો ગોપાલ ઈટાલિયા અને હેમંત ખવા હસતા મુખે જોવા મળ્યા હતા. આ તસ્વીર વાયરલ થતા જ વિપક્ષ અને શાસક પક્ષ વચ્ચે 'ડબલ સ્ટાન્ડર્ડ' રાજનીતિની ચર્ચાઓએ જોર પકડ્યું છે.

તસ્વીર પાછળની હકીકત: શુભેચ્છા કે ફરિયાદ?

આ વાયરલ ફોટોમાં કનુભાઈ દેસાઈની આજુબાજુ ગોપાલ ઈટાલિયા અને હેમંત ખવા ઉભેલા દેખાય છે. પ્રશ્ન એ ઉભો થયો કે જે બજેટની બહાર ટીકા થઈ રહી છે, તેની અંદર શુભેચ્છા કેમ અપાઈ રહી છે? આ અંગે સ્પષ્ટતા કરતા ગોપાલ ઈટાલિયાએ જણાવ્યું કે, "અમે પાકિસ્તાનના નાણા મંત્રી સાથે ફોટો નથી પડાવ્યો, આપણા ગુજરાતના મંત્રી છે. અમે તેમને રૂબરૂ મળીને એ કહેવા ગયા હતા કે બજેટમાં જનતાને કોઈ ખાસ ફાયદો નથી." બીજી તરફ હેમંત ખવાએ તેને લોકશાહીની એક તંદુરસ્ત પરંપરા ગણાવી હતી.

ટ્રેક્ટરની એન્ટ્રી અને વિરોધનું નવું સ્વરૂપ

ગૃહની અંદર જ્યારે સ્મિત સાથે તસ્વીરો પડાવવામાં આવી રહી હતી, ત્યારે બીજી તરફ હેમંત ખવા વિધાનસભા પરિસરમાં ટ્રેક્ટર લઈને પહોંચ્યા હતા. ખેડૂતોના મુદ્દે સરકારને ઘેરવા માટે તેમણે આ અનોખો રસ્તો અપનાવ્યો હતો. તેમણે દલીલ કરી કે બજેટમાં 48% જનતા માટે 33,000 કરોડ અને 52% ગ્રામીણ જનતા માટે માત્ર 14,000 કરોડની ફાળવણી એ અન્યાય છે.

કોંગ્રેસ અને ભાજપની પ્રતિક્રિયા: 'ડબલ સ્ટાન્ડર્ડ' રાજનીતિ?

આ ઘટનાક્રમ પર કોંગ્રેસના ધારાસભ્ય વિમલ ચુડાસમાએ પ્રહાર કરતા કહ્યું કે, "આ બે પ્રકારની રાજનીતિ છે. અંદર જઈને અભિનંદન આપવા અને બહાર આવીને ટીકા કરવી એ યોગ્ય નથી." રાજ્ય મંત્રી પ્રવીણભાઈ માળીએ પણ આ મુદ્દે કહ્યું કે તમામ પક્ષના સભ્યોએ બજેટને આવકાર્યું છે, પરંતુ બહાર આવીને રાજનીતિ કરવી એ તેમની આદત છે.

તસ્વીર કોણે પાડી? સ્માઈલ પ્લીઝનું રહસ્ય

ગૃહની અંદર મોબાઈલ લઈ જવાની મનાઈ હોવા છતાં આ તસ્વીર કેવી રીતે પડી તે મોટો પ્રશ્ન હતો. જાણવા મળ્યું છે કે આ તસ્વીર સરકારી ફોટોગ્રાફરના કેમેરાથી નહીં પણ મંત્રીના મોબાઈલથી પાડવામાં આવી હતી. પૂર્વ મંત્રી જીતુ વાઘાણીએ પોતે મોબાઈલ હાથમાં લઈને 'સ્માઈલ પ્લીઝ' કહીને આ તસ્વીર લીધી હોવાની ચર્ચા પણ ગૃહમાં સાંભળવા મળી હતી.

આ પણ વાંચો

પાવાગઢમાં હોળીકા દહન માટે તારીખ બદલાઈ: ચંદ્રગ્રહણને પગલે ટ્રસ્ટનો મોટો નિર્ણય