ગુજરાત ATS ને મોટી સફળતા, રામ મંદિર પર હુમલાનું કાવતરું રચનારાને દબચ્યો, બે હેન્ડ ગ્રેન્ડ પણ જપ્ત
Ram Mandir Attack News: અબ્દુલ રહેમાન યુપીનો રહેવાસી છે, જેની રવિવારે (02 માર્ચ, 2025) ધરપકડ કરવામાં આવી હતી. ગુજરાત ATS શંકાસ્પદ વ્યક્તિને ગુજરાત લઈ ગઈ અને તેની પૂછપરછ ચાલુ છે
Ram Mandir Attack News: ગુજરાત એટીએસને મોટી સફળતા મળી છે. ગુજરાત એટીએસે ફરીદાબાદ એસટીએફની મદદથી એક શંકાસ્પદ વ્યક્તિની ધરપકડ કરી છે જેના પર આતંકવાદી સંગઠનો સાથે જોડાણ હોવાની શંકા છે. શંકાસ્પદ પાસેથી 2 હેન્ડ ગ્રેનેડ મળી આવ્યા હતા, સુરક્ષા એજન્સીઓએ ફરીદાબાદમાં હેન્ડ ગ્રેનેડને ડિફ્યૂઝ કર્યા હતા. તપાસમાં રામ મંદિરને નિશાન બનાવવાનું કાવતરું બહાર આવ્યું છે.
ગુજરાત લઇ જવામાં આવ્યો સંદિગ્ધ
અબ્દુલ રહેમાન યુપીનો રહેવાસી છે, જેની રવિવારે (02 માર્ચ, 2025) ધરપકડ કરવામાં આવી હતી. ગુજરાત ATS શંકાસ્પદ વ્યક્તિને ગુજરાત લઈ ગઈ અને તેની પૂછપરછ ચાલુ છે. રેડિકલ સામગ્રી પણ મળી આવી છે, જે આતંકવાદી પ્રવૃત્તિઓની પુષ્ટિ કરી શકે છે.
અબ્દુલ રહેમાનની ગતિવિધિઓ
સૂત્રોના જણાવ્યા અનુસાર, અબ્દુલ રહેમાન ISI ના સંપર્કમાં હતો અને અનેક જમાતો સાથે સંકળાયેલો હતો. તે ફૈઝાબાદમાં મટનની દુકાન ચલાવતો હતો અને ઓટો ડ્રાઇવર તરીકે પણ કામ કરતો હતો. ષડયંત્રના ભાગ રૂપે તેણે અયોધ્યામાં રામ મંદિરની ઘણી વખત રેકી કરી અને બધી માહિતી પાકિસ્તાનની ISI સાથે શેર કરી. અબ્દુલ ફૈઝાબાદથી ટ્રેન દ્વારા ફરીદાબાદ પહોંચ્યો અને એક હેન્ડલર પાસેથી હેન્ડ ગ્રેનેડ લીધા, જેની સાથે તે અયોધ્યા પાછો જવાનો હતો.
કાવતરા પહેલા જ પકડાઇ સંદિગ્ધ
કેન્દ્રીય એજન્સીઓ પાસેથી મળેલા ઇનપુટ્સના આધારે ગુજરાત એટીએસ અને ફરીદાબાદ એસટીએફએ તેની ધરપકડ કરી હતી. પૂછપરછ દરમિયાન ફરીદાબાદમાં છુપાયેલા હથિયારો વિશે પણ માહિતી સામે આવી હતી. ટીમે પાલી વિસ્તારમાં ખંડેર થયેલા ઘરની ચાર કલાક સુધી સઘન તપાસ કરી અને બે જીવતા હેન્ડ ગ્રેનેડ મળી આવ્યા. આ સમય દરમિયાન વિસ્તારમાં કડક સુરક્ષા વ્યવસ્થા હતી અને કોઈપણ નાગરિકને આવવા-જવાની મંજૂરી નહોતી.
ગુજરાત ATS અને સુરક્ષા એજન્સીઓની ગુપ્તચર એજન્સીઓએ રામ મંદિર પર હુમલો કરવાના કાવતરાને નિષ્ફળ બનાવ્યું હતું. અબ્દુલ રહેમાનની ધરપકડથી ISI ના મોટા ષડયંત્રનો પર્દાફાશ થયો અને તેથી ભારતમાં આતંકવાદી હુમલો અટકાવી શકાયો. હાલમાં, તપાસ ચાલુ છે અને આ નેટવર્ક સાથે સંકળાયેલા અન્ય લોકો સામે કાર્યવાહી શક્ય છે.
આ પણ વાંચો
ટોપ સ્ટોરી
ટ્રેન્ડિંગ સમાચાર
