Gujarat Politics: ચૂંટણી પહેલા ગરમાવો, 10% EWS અનામત માટે બિન અનામત વર્ગના નેતાઓ એક મંચ પર, સરકાર ચિંતામાં!
Gujarat Local Body Election 2026: ગાંધીનગરમાં રચાશે રણનીતિ: પાટીદાર, બ્રાહ્મણ, ક્ષત્રિય અને સોની સમાજ સાથે મળીને કરશે શક્તિ પ્રદર્શન; જ્યાં OBC વસ્તી નથી ત્યાં અનામત નાબૂદ કરવાની ઉઠશે માંગ.
- સ્થાનિક સ્વરાજ્યની ચૂંટણીઓમાં (પંચાયત, પાલિકા અને કોર્પોરેશનમાં) 10% EWS અનામત તાત્કાલિક લાગુ કરવાની મુખ્ય માંગ ઉઠાવવામાં આવી છે.
- પાટીદાર, બ્રાહ્મણ, ક્ષત્રિય, સોની અને વાણિયા જેવા વિવિધ સમાજના આગેવાનો એક મંચ પર આવીને ગાંધીનગરમાં શક્તિ પ્રદર્શન કરશે.
- જે વિસ્તારોમાં OBC ની વસ્તી નથી કે નહિવત છે, ત્યાં OBC અનામત નાબૂદ કરવાની પણ માંગણી કરવામાં આવશે.
- આગામી સ્થાનિક સ્વરાજ્યની ચૂંટણી પહેલાં જ આ મુદ્દો ઉછળતા રાજ્ય સરકારની ચિંતામાં વધારો થયો છે.
- આગામી સપ્તાહે મળનારી સંયુક્ત બેઠકમાં સરકાર સામે માંગણીઓ મૂકવા અને આંદોલન અંગેની આગળની રણનીતિ નક્કી કરવામાં આવશે.
Gujarat Local Body Election 2026: ગુજરાતમાં ભલે અત્યારે હાડ થીજવતી ઠંડી પડી રહી હોય, પરંતુ રાજ્યનું રાજકીય તાપમાન (Political Temperature) અચાનક ઊંચકાઈ ગયું છે. આગામી સમયમાં આવી રહેલી સ્થાનિક સ્વરાજ્યની ચૂંટણી (Local Body Elections) પહેલા રાજ્યમાં અનામતનું જિન્ન ફરી બોટલમાંથી બહાર આવ્યું છે. ગાંધીનગરમાં બિન અનામત વર્ગ (Unreserved Category) ના વિવિધ સમાજના આગેવાનો એક મંચ પર આવવાની તૈયારી કરી રહ્યા છે, જે સરકાર માટે પડકારરૂપ બની શકે છે.
શું છે મુખ્ય માંગ?
લાંબા સમયથી ચાલતી ચર્ચા હવે આંદોલનનું સ્વરૂપ લઈ રહી હોય તેમ લાગે છે. આ આગેવાનોની મુખ્ય માંગણી છે કે સ્થાનિક સ્વરાજ્યની સંસ્થાઓમાં (પંચાયત, પાલિકા અને કોર્પોરેશનમાં) 10% EWS અનામત (Economically Weaker Section Reservation) નો અમલ કરવામાં આવે. આ માંગણીની શરૂઆત પાટીદાર યુવાનો દ્વારા કરવામાં આવી હતી, પરંતુ હવે તેમાં બિન અનામત વર્ગના અન્ય તમામ સમાજો પણ જોડાયા છે. આગામી સપ્તાહે ગાંધીનગરમાં યોજાનારી એક મહત્વપૂર્ણ બેઠકમાં પાટીદાર, બ્રાહ્મણ, વાણિયા, ક્ષત્રિય અને સોની જ્ઞાતિના આગેવાનો એકઠા થશે.
OBC અનામત સામે મોટો મોરચો?
આ બેઠકમાં માત્ર EWS અનામત જ નહીં, પરંતુ અન્ય એક સંવેદનશીલ મુદ્દા પર પણ રજૂઆત કરવામાં આવશે. બિન અનામત વર્ગના આગેવાનો દ્વારા એવી માંગણી કરવામાં આવશે કે જે વિસ્તારોમાં ઓબીસી (OBC Population) ની વસ્તી નથી અથવા નહિવત છે, ત્યાં ઓબીસી અનામત આપવામાં ન આવે. આ મુદ્દો આગામી દિવસોમાં મોટા વિવાદનું કારણ બની શકે છે.
આગામી સપ્તાહે ઘડાશે રણનીતિ
ગાંધીનગર ખાતે મળનારી આ સંયુક્ત બેઠકમાં આગામી રણનીતિ (Future Strategy) નક્કી કરવામાં આવશે. તમામ સમાજના અગ્રણીઓ સરકાર સામે પોતાની માંગણીઓ કઈ રીતે મૂકવી અને જો માંગણીઓ ન સંતોષાય તો કેવા કાર્યક્રમો આપવા તે અંગે વિચારણા કરશે. ચૂંટણી પહેલા વિવિધ જ્ઞાતિઓના આ સમીકરણો રાજ્ય સરકારની ચિંતામાં વધારો કરી શકે છે.
ટોપ સ્ટોરી
ટ્રેન્ડિંગ સમાચાર
