Gujarat local body elections Live: વડોદરામાં સરકારી કચેરી બની રાજકીય અખાડો, પોલીસ અને કોંગ્રેસના કાર્યકરો વચ્ચે ઘર્ષણ
Gujarat local body elections Live: સ્થાનિક સ્વરાજ્યની ચૂંટણીમાં કેટલા ઉમેદવારો મેદાને તેનું ચિત્ર આજે બપોર સુધીમાં સ્પષ્ટ થઈ જશે.
LIVE
Background
Gujarat local body elections Live: સ્થાનિક સ્વરાજ્યની ચૂંટણીમાં કેટલા ઉમેદવારો મેદાને તેનું ચિત્ર આજે બપોર સુધીમાં સ્પષ્ટ થઈ જશે. આજે ઉમેદવારી ફોર્મ પરત ખેંચવાનો અંતિમ દિવસ છે. બપોરે 3 વાગ્યા સુધી ઉમેદવારો ફોર્મ પરત ખેંચી શકશે. ત્યારે કોર્પોરેશનોથી માંડી તાલુકા, જિલ્લા પંચાયત અને નગરપાલિકાઓમાં દરેક વોર્ડ-બેઠક દીઠ કેટલા ઉમેદવારો ચૂંટણી લડશે તે સ્પષ્ટ થઈ જશે. ઉમેદવારો તૂટવાના ડરે કોંગ્રેસે અગાઉથી જ પોતાના ઉમેદવારોને અજ્ઞાત સ્થળે ખસેડી દીધા છે.
સુરત, રાજકોટ, પોરબંદર, નડિયાદ, કલોલ, નવસારી, ડભોઈ, સુરેંદ્રનગર અને મોરબી કોંગ્રેસના ઉમેદવારો પર સૌની નજર રહેશે. ભાજપ ધાક ધમકી, લોભ લાલચ અને પ્રલોભન આપી ઉમેદવારોને તોડવાનો પ્રયાસ કરતો હોવાનો કોંગ્રેસે આરોપ લગાવ્યો છે. સાથે જ ગઈકાલે કોંગ્રેસનું પ્રતિનિધિ મંડળ પણ ચૂંટણી આયોગમાં ફરિયાદ કરવા પહોંચ્યું હતું. આ વખતની ચૂંટણીમાં 39 હજારથી વધુ ફોર્મ ભરાયા હતા. જેમાંથી 10 હજારથી વધુ ફોર્મ અમાન્ય થયા છે. તો ઘણી બેઠકો પર ફોર્મ પરત ખેંચાયા છે. તો 300થી વધુ બેઠકો પર ભાજપના ઉમેદવારો બિનહરીફ જાહેર થઈ ચુક્યા છે. 2021ની ચૂંટણીમાં મહાનગરપાલિકાઓમાં 2 હજાર 273, જિલ્લા પંચાયતોમાં 2 હજાર 655, તાલુકા પંચાયતોમાં 12 હજાર 265 અને નગરપાલિકાઓમાં 7 હજાર 245 સહિત કૂલ 24 હજાર 438 ઉમેદવારો મેદાનમાં હતા.
ડભોઈમાં મારામારી વચ્ચે કોંગ્રેસના ઉમેદવારે ફોર્મ પરત ખેંચ્યું
ડભોઈમાં મારામારી વચ્ચે કોંગ્રેસના ઉમેદવારે ફોર્મ પરત ખેંચ્યું છે. ડભોઈ તાલુકા પંચાયતની લિંગાસ્થડી બેઠક પર ઉમેદવારી પાછી ખેંચી હતી. કોંગ્રેસના ઉમેદવાર અરવિંદ પાટણવાડીયાએ ઉમેદવારી પાછી ખેંચી હતી.
વડોદરામાં હાઈ વોલ્ટેજ ડ્રામા
વડોદરામાં વોર્ડ નંબર બેના કોંગ્રેસના ઉમેદવાર ભૂમિ પ્રજાપતિ ફોર્મ પરત ખેંચવા પહોંચ્યા ત્યારે હાઈ વોલ્ટેજ ડ્રામા જોવા મળ્યો હતો. ગાયબ થયેલા ભૂમિ પ્રજાપતિ કચેરી પહોંચ્યા ત્યારે ભાજપ અને કૉંગ્રેસના કાર્યકરો વચ્ચે ઘર્ષણ થયું હતું.
ટોપ સ્ટોરી
ટ્રેન્ડિંગ સમાચાર
