Dwarka: ખેડૂતોના સમર્થનમાં આવ્યા ભાજપ સાંસદ પૂનમ માડમ, સરકારી પ્રોજેક્ટમાં જમીન વળતર મુદ્દે અધિકારીઓને ખખડાવ્યા
Devbhumi Dwarka News: ખેડૂતોની આ રજૂઆતોને ગંભીરતાથી લઈને જામખંભાળિયા કલેક્ટર કચેરીમાં જિલ્લાના ઉચ્ચ અધિકારીઓ અને સત્તાધીશો સાથે એક મહત્વપૂર્ણ બેઠકનું આયોજન કરવામાં આવ્યું હતું
- સાંસદ પૂનમ માડમે ખેડૂતોના વળતર મુદ્દે અવાજ ઉઠાવ્યો.
- GSPCL પ્રોજેક્ટ માટે સંપાદિત જમીનનું ઓછું વળતર મુદ્દો હતો.
- તેમણે અધિકારીઓને વિકાસના નામે ખેડૂતોને ન્યાય આપવા કહ્યું.
- માડમે ખેડૂતોના પ્રશ્નો ઉકેલવા ખાસ સમિતિ માંગી.
Devbhumi Dwarka News: દેવભૂમિ દ્વારકાના જામખંભાળિયા સ્થિત કલેક્ટર કચેરી ખાતે યોજાયેલી ઉચ્ચસ્તરીય બેઠકમાં ભાજપના સાંસદ પૂનમ માડમે સરકારી પ્રોજેક્ટ માટે ખેતીની જમીન સંપાદિત કરવા સામે ખેડૂતોને વાજબી વળતર આપવા મુદ્દે અધિકારીઓ સમક્ષ મક્કમતાથી અવાજ ઉઠાવ્યો હતો. તેમણે અન્નદાતાઓના હિતોનું રક્ષણ કરવા અને યોગ્ય નિવેડા લાવવાના આશયથી વહીવટી સત્તાધીશો સાથે સીધી ચર્ચા કરી હતી.
ગુજરાત સ્ટેટ પેટ્રોલિયમ કોર્પોરેશન લિમિટેડ (GSPCL) દ્વારા વિસ્તારમાં ગેસ પાઈપલાઈન નાંખવાના પ્રોજેક્ટ માટે ખેડૂતોની કિંમતી ખેતીની જમીનનો ઉપયોગ કરવામાં આવી રહ્યો છે. આ સંપાદન સામે સ્થાનિક ખેડૂતોને અપેક્ષા મુજબનું યોગ્ય અને પૂરતું વળતર ન મળતું હોવાની વ્યાપક ફરિયાદો ઊઠી હતી. ખેડૂતોની આ રજૂઆતોને ગંભીરતાથી લઈને જામખંભાળિયા કલેક્ટર કચેરીમાં જિલ્લાના ઉચ્ચ અધિકારીઓ અને સત્તાધીશો સાથે એક મહત્વપૂર્ણ બેઠકનું આયોજન કરવામાં આવ્યું હતું. આ બેઠક દરમિયાન સાંસદ પૂનમ માડમે આક્રમક વલણ અપનાવતા અધિકારીઓને સ્પષ્ટ સંભળાવ્યું હતું કે, જ્યારે ખેડૂત પોતાની ફળદ્રુપ જમીન જાહેર હિત કે પ્રોજેક્ટ માટે આપતો હોય, ત્યારે તેને પોતાની જ જમીનનો ભાવ કે વળતર નક્કી કરવાનો અધિકાર કેમ ન હોવો જોઈએ? અધિકારીઓની મનસ્વી નીતિઓ સામે સવાલ ઉઠાવી તેમણે ભારપૂર્વક જણાવ્યું કે વિકાસના નામે ખેડૂતોના આર્થિક હિતોનો બલિ ભોગ લેવાવો જોઈએ નહીં. આ બેઠક પૂર્ણ થયા બાદ તેમણે સોશિયલ મીડિયા પર પણ પોસ્ટ મૂકીને ખેડૂતોની સમસ્યાઓના યોગ્ય અને કાયમી ઉકેલ માટે ખાસ સમિતિ (કમિટી) રચવાની માગણી કરી હતી.
Smart Meter: વીજગ્રાહકો માટે મોટા સમાચાર, હવે ગુજરાતમાં 1.20 કરોડ ઘરોમાં ફરજિયાત લાગશે સ્માર્ટ મીટર
સાંસદ પૂનમ માડમના આ કડક વલણથી ખેડૂતોમાં ભારે ઉત્સાહ જોવા મળી રહ્યો છે અને તેમને વ્યાજબી ન્યાય મળવાની આશા જાગી છે. વહીવટી તંત્ર પણ હવે જમીન સંપાદન અને વળતર નીતિ અંગે ફેરવિચારણા કરવા મજબૂર બન્યું છે. જો તંત્ર દ્વારા ખેડૂતોના પ્રશ્નોના ઉકેલ માટે ખાસ કમિટીની રચના કરવામાં આવશે, તો ભવિષ્યમાં સરકારી પ્રોજેક્ટ્સ અને જમીનમાલિકો વચ્ચે થતા વિવાદો ટાળી શકાશે અને અન્નદાતાઓને તેમનો ન્યાયી હક મળી શકશે.
Before You Go
Kutch Rain: કચ્છમાં મેઘરાજાની ધમાકેદાર એન્ટ્રી! વરસાદથી કૃષિ પાકોને જીવતદાનની આશા
ટોપ સ્ટોરી
ટ્રેન્ડિંગ સમાચાર
