ડ્રગ્સ સામે જંગ: ગુજરાત પોલીસે જાહેર કર્યો WhatsApp નંબર, બાતમી આપનારનું નામ રહેશે ગુપ્ત

ANTF Gujarat Contact: રાજ્યને નશામુક્ત બનાવવા ANTF ની મોટી પહેલ; હવે 99040 01908 પર મેસેજ કરીને આપી શકાશે માહિતી, નાયબ મુખ્યમંત્રી હર્ષ સંઘવીના માર્ગદર્શન હેઠળ એક્શન પ્લાન તૈયાર.

ડ્રગ્સ વિરૂદ્ધ ગુજરાત પોલીસનું અભિયાન

Source : abp asmita

Show Quick Read

Key points generated by AI, verified by newsroom

• ગુજરાત પોલીસની ANTF ટીમે ડ્રગ્સ સંબંધી બાતમી આપવા માટે 99040 01908 નંબર જાહેર કર્યો છે.
• માહિતી આપનાર નાગરિકની ઓળખ અને વિગતો સંપૂર્ણપણે ગુપ્ત રાખવાની પોલીસે ખાતરી આપી છે.
• વોટ્સએપ દ્વારા મેસેજ, ફોટો કે લોકેશન મોકલી શકાશે, આ ઉપરાંત 1908 હેલ્પલાઈન નંબર પણ કાર્યરત રહેશે.
• નાયબ મુખ્યમંત્રી (ગૃહ) હર્ષ સંઘવીના માર્ગદર્શન હેઠળ 'ડ્રગ્સ મુક્ત ગુજરાત' માટે આ એક્શન પ્લાન અમલમાં મુકાયો છે.
• પોતાની આસપાસ થતી શંકાસ્પદ હિલચાલની જાણ કરી, યુવાધનને બચાવવા અને રાજ્યને નશામુક્ત બનાવવા લોકોએ આગળ આવવું પડશે.

Gujarat Police Drug Helpline WhatsApp Number: ગુજરાતને 'ડ્રગ્સ મુક્ત' (Drugs Free Gujarat) બનાવવા માટે રાજ્ય સરકાર અને પોલીસ તંત્ર હવે આરપારની લડાઈ લડવા તૈયાર છે. મુખ્યમંત્રી ભૂપેન્દ્ર પટેલના નેતૃત્વ અને નાયબ મુખ્યમંત્રી (ગૃહ) હર્ષ સંઘવી (Harsh Sanghvi) ના સીધા માર્ગદર્શન હેઠળ, ગુજરાત પોલીસની 'એન્ટી નાર્કોટિક્સ ટાસ્ક ફોર્સ' (ANTF) દ્વારા એક મહત્વપૂર્ણ લોન્ચિંગ કરવામાં આવ્યું છે. ડ્રગ્સના કાળા કારોબારને ડામવા માટે હવે સામાન્ય જનતાને પણ જોડવામાં આવી છે. પોલીસે ડ્રગ્સ સંબંધિત બાતમી આપવા માટે એક વિશેષ WhatsApp Number જાહેર કર્યો છે.

બાતમી માટે આ નંબર સેવ કરી લો

ડ્રગ્સ માફિયાઓ વિરુદ્ધની લડાઈને વધુ વેગવંતી બનાવવા માટે ANTF એ સત્તાવાર વોટ્સએપ નંબર જાહેર કર્યો છે.

WhatsApp Number: 99040 01908

Helpline Number: 1908

હવે રાજ્યનો કોઈપણ જાગૃત નાગરિક પોતાની આસપાસ થતી ડ્રગ્સની હેરાફેરી, વેચાણ કે અન્ય કોઈ પણ શંકાસ્પદ પ્રવૃત્તિ (Suspicious Activity) વિશે આ નંબર પર સીધો સંપર્ક કરી શકે છે. તમે વોટ્સએપ મેસેજ દ્વારા ફોટા કે લોકેશન પણ શેર કરી શકો છો.

તમારી ઓળખ રહેશે સંપૂર્ણ ગુપ્ત

ઘણીવાર લોકો ડરના કારણે પોલીસને માહિતી આપતા અચકાય છે. પરંતુ ગુજરાત પોલીસે (Gujarat Police) નાગરિકોને ખાતરી આપી છે કે, આ નંબર પર માહિતી આપનાર વ્યક્તિની ઓળખ અને વિગતો સંપૂર્ણપણે ગુપ્ત (Identity Confidential) રાખવામાં આવશે. તમારી એક નાનકડી બાતમી ગુજરાતના યુવાધનને બરબાદીના રસ્તે જતા અટકાવી શકે છે અને રાજ્યને નશામુક્ત બનાવવામાં મોટું યોગદાન આપી શકે છે.

ANTF મિશન મોડ પર

ઉલ્લેખનીય છે કે, ડ્રગ્સ પેડલર્સ સામે કડક કાર્યવાહી કરવા માટે ખાસ ANTF ની રચના કરવામાં આવી છે. આ ફોર્સ માત્ર ડ્રગ્સ ટ્રાફિકિંગ રોકવા જ નહીં, પરંતુ શૈક્ષણિક સંસ્થાઓમાં જાગૃતિ લાવવા અને યુવાનોને નશાની લતમાંથી મુક્ત કરવા માટે પણ સતત કાર્યરત છે.

પોલીસે નાગરિકોને અપીલ કરી છે કે તેઓ સોશિયલ મીડિયાના માધ્યમથી પણ આ અભિયાનમાં જોડાય. જેના માટે તમે ફેસબુક પર 'antfgujarat', X (Twitter) પર '@antfgujarat' અને ઇન્સ્ટાગ્રામ પર '@antf_gujarat' ને ફોલો કરી શકો છો.

આ પણ વાંચો

ગુજરાત પર કુદરતી આફત? માવઠાને લઈ અંબાલાલ પટેલની મોટી આગાહી, આ તારીખે વરસાદ ભુક્કા બોલાવશે