Gujarat Rain: ગુજરાતમાં શ્રાવણ માસ મધ્યમાં છે અને વરસાદી માહોલ ઠેકઠેકાણે જામેલો છે, હવે આ બધાની વચ્ચે હવામાન વિભાગની લેટેસ્ટ આગાહી સામે આવી છે. ગુજરાતમાં સાત દિવસ એટલે કે 12મી ઓગસ્ટ સુધીમાં ગાજવીજ સાથે હળવાથી મધ્યમ વરસાદની આગાહી છે. 12મી ઓગસ્ટ સુધીમાં કોઈપણ સ્થળે ભારે વરસાદની આગાહી આપવામાં આવી નથી. અમદાવાદનું તાપમાન બેથી ત્રણ ડિગ્રી વધી શકે છે.
હવે શ્રાવણ મહિનામાં આગામી દિવસોમાં ભારે વરસાદની કોઇ આગાહી છે, મેઘરાજાએ અત્યારે વિરામ લીધો છે. હવામાન વિભાગ અનુસાર, આજથી (છઠ્ઠી ઓગસ્ટ) ગુજરાતમાં સાત દિવસ એટલે કે 12મી ઓગસ્ટ સુધીમાં ગાજવીજ સાથે હળવાથી મધ્યમ વરસાદની આગાહી છે. આ ઉપરાંત માછીમારો માટે કોઈ પણ ચેતવણી આપવામાં આવી નથી. આ સાથે આગામી સાત દિવસ એટલે કે, 12મી ઓગસ્ટ સુધીમાં કોઈપણ સ્થળે ભારે વરસાદની આગાહી આપવામાં આવી નથી. અમદાવાદનું તાપમાન બેથી ત્રણ ડિગ્રી વધી શકે છે. છેલ્લા 24 કલાકમાં કચ્છ, સૌરાષ્ટ્ર, ઉત્તર, મધ્ય અને દક્ષિણ ગુજરાતના કેટલાક વિસ્તારોમાં વરસાદ નોંધાયો હતો.જેમાં વલસાડમાં સૌથી વધુ 9 એમએમ વરસાદ નોંધાયો છે.
હવામાન વિભાગની આગાહી પ્રમાણે, આજથી આઠમી તારીખ સુધીમાં સૌરાષ્ટ્ર-કચ્છના તમામ જિલ્લાઓમાં અમુક સ્થળોએ એટલે કે સુરેન્દ્રનગર, રાજકોટ, જામનગર, પોરબંદર, જૂનાગઢ, અમરેલી, ભાવનગર, મોરબી, દ્વારકા, ગીર સોમનાથ, બોટાદ, કચ્છ અને દીવમાં અને દમણ, દાદરામાં નગર હવેલી; ઉત્તર અને દક્ષિણ ગુજરાત ક્ષેત્રના તમામ જિલ્લાઓ જેમ કે બનાસકાંઠા, પાટણ, મહેસાણા, સાબરકાંઠા, ગાંધીનગર, અરવલ્લી, ખેડા, અમદાવાદ, આણંદ, પંચમહાલ, દાહોદ અને મહિસાગરમાં તથા વડોદરા, છોટા ઉદેપુર, નર્મદા, ભરૂચ, સુરત, ડાંગ, તાપી, નવસારી, વલસાડમાં ઘણા સ્થળોએ ગાજવીજ સાથે હળવાથી મધ્યમ વરસાદ પડવાની શક્યતા છે. હવામાન વિભાગે આપેલા વેધર મેપ પ્રમાણે, નવમીથી 12મી ઓગસ્ટ સુધીમાં આખા ગુજરાતના તમામ જિલ્લામાં અમુક સ્થળોએ ગાજવીજ સાથે હળવાથી મધ્યમ વરસાદની આગાહી આપવામાં આવી છે.