આગામી 3 કલાક ગુજરાતના 7 જિલ્લા માટે ભારે, ગાજવીજ સાથે ભારે વરસાદ પડશે! IMD નું એલર્ટ

ઉત્તર અને પૂર્વ ગુજરાતમાં પવન અને ગાજવીજ સાથે મધ્યમ વરસાદની શક્યતા; જાણો રાત્રે 10 થી 1 વાગ્યા સુધી ક્યાં કેવો રહેશે વરસાદી માહોલ.

gujarat weather nowcast orange alert heavy rain updates ahmedabad imd

Source : ai

Show Quick Read

Key points generated by AI, verified by newsroom

• IMD એ ગુજરાતમાં રાત્રે ગાજવીજ સાથે વરસાદની આગાહી આપી.
• ઉત્તર-પૂર્વના સાત જિલ્લામાં મધ્યમ વરસાદનું ઓરેન્જ એલર્ટ અપાયું.
• રાજ્યના 29 જિલ્લાઓ અને કેન્દ્રશાસિત પ્રદેશમાં હળવો વરસાદ.
• ખરાબ હવામાનમાં મુસાફરી ટાળવા, સુરક્ષિત રહેવાની સલાહ અપાઈ.

Gujarat weather nowcast IMD: ગુજરાતમાં મેઘરાજા હજુ પણ સક્રિય મોડમાં છે. જો તમે અત્યારે રાત્રે ઘરની બહાર છો અથવા ક્યાંય મુસાફરી કરવાનું વિચારી રહ્યા છો, તો થોડા સાવધાન થઈ જજો. અમદાવાદ સ્થિત ભારતીય હવામાન વિભાગ (IMD) દ્વારા 10 ઓગસ્ટ 2026 ના રોજ રાત્રે 10 વાગ્યે એક તાકીદનું 'નાઉકાસ્ટ' (Nowcast) બુલેટિન બહાર પાડવામાં આવ્યું છે. આ નવીનતમ આગાહી મુજબ, રાત્રે 10 વાગ્યાથી લઈને 1 વાગ્યા સુધીના આગામી 3 કલાક દરમિયાન રાજ્યના વિવિધ વિસ્તારોમાં ગાજવીજ અને પવન સાથે વરસાદ પડવાની પૂરી સંભાવના છે.

7 જિલ્લાઓમાં ઓરેન્જ એલર્ટ: અહીં રહેશે મધ્યમ વરસાદ

હવામાન વિભાગના જણાવ્યા અનુસાર, ઉત્તર અને પૂર્વ ગુજરાતના 7 જિલ્લાઓમાં મધ્યમ વરસાદની આગાહી સાથે 'ઓરેન્જ એલર્ટ' (એટલે કે સતર્ક રહો) જારી કરવામાં આવ્યું છે. આ વિસ્તારોમાં કલાકના 5 થી 15 mm સુધીનો વરસાદ પડી શકે છે. સાથે જ કલાકના 40 કિલોમીટરની ઝડપે જોરદાર પવન ફૂંકાવાની અને હળવી ગાજવીજ થવાની શક્યતા છે.

આ 7 જિલ્લાઓમાં બનાસકાંઠા, પાટણ, મહેસાણા, સાબરકાંઠા, અરવલ્લી, મહીસાગર અને દાહોદનો સમાવેશ થાય છે. નોંધનીય છે કે આ વિસ્તારોમાં વાદળથી જમીન પર વીજળી પડવાની શક્યતા 30% થી ઓછી આંકવામાં આવી છે.

29 જિલ્લાઓ અને કેન્દ્રશાસિત પ્રદેશોમાં યલો એલર્ટ

રાજ્યના અન્ય વિસ્તારોમાં મેઘરાજા હળવી બેટિંગ કરી શકે છે. હવામાન વિભાગે બાકીના 29 જેટલા જિલ્લાઓ અને કેન્દ્રશાસિત પ્રદેશો માટે 'યલો વોચ' (એટલે કે ધ્યાન રાખો) જાહેર કર્યું છે, જ્યાં કલાકના 5 mm કરતા ઓછો હળવો વરસાદ નોંધાઈ શકે છે.

આ વિસ્તારોમાં સૌરાષ્ટ્ર અને કચ્છના તમામ જિલ્લાઓ જેવા કે કચ્છ, મોરબી, સુરેન્દ્રનગર, રાજકોટ, જામનગર, દેવભૂમિ દ્વારકા, પોરબંદર, જૂનાગઢ, ગીર સોમનાથ, અમરેલી, ભાવનગર અને બોટાદનો સમાવેશ થાય છે. આ ઉપરાંત, મધ્ય અને દક્ષિણ ગુજરાતના અમદાવાદ, ગાંધીનગર, ખેડા, આણંદ, પંચમહાલ, વડોદરા, છોટાઉદેપુર, ભરૂચ, નર્મદા, સુરત, તાપી, ડાંગ, નવસારી અને વલસાડ સહિત દીવ, દમણ અને દાદરા નગર હવેલીમાં પણ હળવો વરસાદી માહોલ રહેશે.

આ પણ વાંચોઃ આગામી 7 દિવસ દેશના આ રાજ્યોમાં અતિભારે વરસાદ ખાબકશે, હવામાન વિભાગે જાહેર કર્યું મોટું એલર્ટ

ખરાબ હવામાનમાં તંત્ર દ્વારા અપાઈ આ મહત્વની સલાહ

રાત્રિના સમયે ખરાબ હવામાનને જોતા હવામાન વિભાગે નાગરિકોને કેટલીક ખાસ સાવચેતી રાખવા અપીલ કરી છે:

મુસાફરી ટાળવી: નીચાણવાળા અને જ્યાં વારંવાર પાણી ભરાતા હોય તેવા વિસ્તારોમાં જવાનું અત્યારે ટાળો. જો બહાર નીકળવું જ પડે તો પહેલા રૂટ પર ટ્રાફિક વ્યવસ્થાની માહિતી ચોક્કસથી મેળવી લો.

વીજળી અને વાવાઝોડાથી બચાવ: જ્યારે ગાજવીજ થતી હોય ત્યારે ઘરની અંદર જ સુરક્ષિત રહો અને બારી-બારણાં બંધ કરી દો. ભૂલથી પણ ખુલ્લા મેદાનમાં કે ઝાડ નીચે આશ્રય ન લેવો. ઘરમાં રહેલા ઇલેક્ટ્રિક ઉપકરણોના પ્લગ કાઢી નાખો (Unplug). જો તમે નદી, તળાવ કે સ્વિમિંગ પૂલની આસપાસ હોવ, તો તાત્કાલિક ત્યાંથી બહાર નીકળી જવું.

જર્જરિત મકાનોથી અંતર: જે લોકો જૂના અને જર્જરિત મકાનોમાં રહે છે અથવા તેની આસપાસ છે, તેમણે વિશેષ સાવચેતી રાખવી અને તાત્કાલિક કોઈ સુરક્ષિત સ્થળે આશ્રય લેવો.

આ પણ વાંચોઃ દેશમાં ફરી સક્રિય થયું ચોમાસું: આવતીકાલે ગુજરાત સહિત 17 રાજ્યોમાં વાવાઝોડા સાથે ભારે વરસાદનું એલર્ટ