સુનિતા યાદવના સમર્થનમાં લોકો 40 હજારથી વધુ ટ્વિટ કરી ચૂક્યા છે. ત્યારે ગુજરાતના પૂર્વ પોલીસ અધિકારી ડીજી વણઝાર પણ સુનિતા યાદવના સમર્થનમાં આવ્યા છે. પૂર્વ આઈપીએસ ડીજી વણઝારએ ટ્વિટ કરીને સુનિતાની હિંમત અને પ્રતિબદ્ધતાને બિરદાવી છે.
ગુરુવારે રાત્રે હીરાબજારમાં ફરજ દરમિયાન કારમાં માસ્ક વગર આવેલા પાંચ જણાએ કર્ફ્યુનો ભંગ કરતા સુનિતાએ તેમને અટકાવ્યા હતા. બાદમાં મંત્રી કુમાર કાનાણીનો દીકરો પ્રકાશ કાનાણી ત્યાં પહોંચ્યો હતો અને બંન્ને વચ્ચે બબાલ થઇ હતી. MLAના બોર્ડ વાળીગાડી લઈને કાનાણીના પુત્ર પ્રકાશને કર્ફ્યુનો નિયમ સમજાવવાના નામે સુનિતાએ તતડાવ્યો. જેના વીડિયો સોશિયલ મીડિયા પર વાયરલ થઈ રહ્યાં છે. લોકો સુનિતા યાદવને સમર્થન પણ આપી રહ્યાં છે.
કર્ફ્યુનો નિયમ તોડીને મિત્રને બચાવવા જનાર પ્રકાશ કાનાણીને મંત્રી કુમાર કાનાણીએ ટેલિફોન પર બચાવ કર્યો હોય તેવા ટેલિફોનિક વાતચીતમાં જોવા મળી રહ્યું છે. જેને લઈ નેતાજીના પ્રયાસની પણ ચારેકોર ટીકા થઈ રહી છે તો વર્દીનો રૌફ જમાવવાને લઈ સુનિતા યાદવની ટીકા થઈ રહી છે.