Gujarat Weather Update:રાજ્યમાં આગામી સપ્તાહ કેવું રહેશે હવામાન, આકરી ગરમીનું આપ્યું એલર્ટ
Gujarat Weather Update: રાજ્યમાંથી ધીરે ધીરે શિયાળો હવે વિદાય લઇ રહ્યો છે. ત્યારે આગામી દિવસોમાં રાજ્યમાં કેવું વાતાવરણ રહેશે, જાણો હવામાન વિભાગે શું કરી આગાહી
Gujarat Weather Update:ગુજરાતના મોટાભાગના જિલ્લામાં ફેબ્રુઆરીના મધ્યથી ગરમીનો પારો ઉંચે જતાં અકળાવતી ગરમીનો અનુભવ થઇ રહ્યો છે. છેલ્લા સપ્તાહથી ગુજરાતના મોટાભાગના જિલ્લામાં તાપમાન 35 ડિગ્રીથી ઊંચે પહોંચી ગયું છે. હવામાન વિભાગના અનુમાન મુજબ 5 માર્ચ પછી ગુજરાતના મોટાભાગના જિલ્લામાં તાપમાન 40 ડિગ્રીથી ઉપર જાય તેવો અનુમાન હવામાન વિભાગે વ્યક્ત કર્યો છે. આગામી 10 દિવસ ગુજરાત રાજ્યમાં વાતાવરણમાં પલટાના કોઇ અનુમાન નથી. જેથી ખેડૂત માટે રાહતના સમાચાર છે કે આગામી દિવસોમાં ગુજરાતમાં માવઠાની કોઇ શકયતા નથી. આગામી 10 દિવસ ઉત્તરોતર ગરમી વધવાનું અનુમાન છે. ગઇ કાલે ગુજરાતમાં સૌથી વધુ તાપમાન અમદાવાદ, રાજકોટ, ભૂજમાં નોંધાયું. અમદાવાદ, રાજકોટ અને ભૂજમાં 36 ડિગ્રી તાપમાન નોંધાયું છે. અન્ય જિલ્લાના તાપમાન પર નજર કરીએ..
અમદાવાદ- 36
રાજકોટ -36
ભૂજ- 36
વડોદરા -35
અમરેલી - 35
દાહોદ -33
ગાંધીનગર - 35
કંડલા - 35
ડીસા - 35
હવામાન વિભાગે આગામી 2 દિવસ આકરી ગરમીનું એલર્ટ આપ્યું છે. 2 દિવસ બાદ ગરમીમાં વધારો થશે.તાપમાનમાં 3થી 5 ડિગ્રીનો વધારો થતા ગરમી વધશે. આગામી 2 દિવસ ગરમીનો પારો 37થી 39 ડિગ્રી સુધી વધીને પહોંચી શકે છે. અમદાવાદનું મહત્તમ 35.7 ડિગ્રી નોંધાયું છે. પવનની દિશા બદલાતા ગરમીનો અનુભવ થશે.
અંબાલાલ પટેલની આગાહી
હવામાન નિષ્ણાત અંબાલાલ પટેલે ગુજરાતમાં આકરી ગરમી પડવાની આગાહી કરી છે.બદલાતા હવામાનને લઇને અંબાબાલ પટેલે જણાવ્યું કે,આજથી 28 ફેબ્રુઆરી અને પહેલી માર્ચે હવામાનમાં પલટો આવશે., 18 માર્ચ બાદ રાજ્યમાં આકરી ગરમી પડશે. એપ્રિલ મહિનામાં ખુબ ગરમી પડશે. એપ્રિલમાં રાજ્યમાં તાપમાનનો પારો 45 ડિગ્રી સુધી પહોંચી શકે છે.
અન્ય રાજ્યોના હવામાનની વાત કરીએ તો બે વેસ્ટર્ન ડિસ્ટર્બન્સના પ્રભાવને કારણે, 27-28 ફેબ્રુઆરી અને 2 થી 4 માર્ચ દરમિયાન જમ્મુ અને કાશ્મીર, હિમાચલ પ્રદેશ અને ઉત્તરાખંડના કેટલાક ભાગોમાં હળવો વરસાદ અને હિમવર્ષા થવાની સંભાવના છે. 27-28 ફેબ્રુઆરીએ ઉપ-હિમાલયન પશ્ચિમ બંગાળ અને સિક્કિમમાં વાવાઝોડા સાથે હળવાથી મધ્યમ વરસાદની સંભાવના છે.
દિલ્હીમાં ગરમી વધશે
રાજધાની દિલ્હીની વાત કરીએ તો આજ, શુક્રવાર (27 ફેબ્રુઆરી) થી માર્ચની શરૂઆત સુધી આકાશ સ્વચ્છ રહેવાની ધારણા છે. આ સમયગાળા દરમિયાન તાપમાન વધશે, જે 29 થી 32 ડિગ્રી સેલ્સિયસ સુધી પહોંચશે. જોકે, સવારે હળવું ધુમ્મસ પણ દેખાઈ શકે છે.
ટોપ સ્ટોરી
ટ્રેન્ડિંગ સમાચાર
