Weather Forecast: આકાશમાંથી વરસશે અગનવર્ષા, અંબાલાલની હિટવેવની ચેતવણી

Weather Forecast: દેશના મોટાભાગના રાજ્યોમાં હાલ કાળઝાળ ગરમી પડી રહી છે. હવામાન વિભાગે યૂપી, ગુજરાત મધ્યપ્રદેશમાં આગામી 5 દિવસ હજુ પણ ભીષણ ગરમીનું એલર્ટ આપ્યું છે. અંબાલાલે પણ હિટવેવનું એલર્ટ આપ્યું છે.

અંબાલાલે હિટવેવનું આપ્યું એલર્ટ

Source : તસવીર- ABP અસ્મિતા

 

હવામાન નિષ્ણાંત અંબાલાલ પટેલના અનુમાન મુજબ આગામી દિવસોમાં રાજ્યના તમામ ઝોનમાં આકરી ગરમી પડી શકે છે.. રાજ્યના મોટાભાગના જિલ્લાઓમાં તાપમાનનો પારો 44 ડિગ્રી સુધી પહોંચી શકે છે.. 12 મે સુધી રાજ્યના નાગરિકોને તાપનું ટોર્ચર સહન કરવાનો વારો આવશે.. જો કે અંબાલાલ પટેલનું એવુ પણ અનુમાન છે કે 15 મે બાદ પ્રિ-મોનસૂન એક્ટિવિટી સક્રિય થવાની શક્યતા છે.. 12 મેથી બંગાળના ઉપસાગરમાં હલચલ જોવા મળશે.. અને 15 મેથી 23 મે વચ્ચે બંગાળના ઉપસાગરમાં ચક્રવાતની શક્યતા છે.. જેનાથી રાજ્યના કેટલાક ભાગોમાં પ્રિ-મોનસૂન એક્ટિવિટીનો વરસાદ પણ વરસી શકે છે.. 

આ પણ વાંચો:Weather: રાજ્યમાં પાંચ દિવસ માટે કાળઝાળ ગરમીનું એલર્ટ, 43.2 ડિગ્રી તાપમાન સાથે અમદાવાદ બન્યું હોટેસ્ટ સિટી

હવામાન વિભાગની આગાહી 

હવામાન વિભાગે રાજ્યમાં 15 મે સુધી આકરી ગરમી પડવાની  આગાહી વ્યક્ત કરી છે.  10 મેથી એટલે કે કાલથી રાજ્યના મોટાભાગના શહેરોમાં હીટવેવની શક્યતાને પગલે યલો એલર્ટ પણ જાહેર કરવામાં આવ્યું છે. આજે કચ્છ, સુરેન્દ્રનગર, રાજકોટ અને પોરબંદરમાં ગરમીનું યલો એલર્ટ જાહેર કરાયું છે. હવામાન વિભાગ મુજબ આગામી ચાર દિવસમાં મહત્તમ તાપમાનમાં બેથી ત્રણ ડિગ્રીનો વધારો થઈ શકે છે.. કચ્છ-સૌરાષ્ટ્રમાં 15 મે સુધી હીટવેવની અસર રહી શકે છે.. આવતીકાલે કચ્છની સાથે સૌરાષ્ટ્રના દ્વારકા, પોરબંદર, રાજકોટ, ગીર સોમનાથ, અમરેલી, ભાવનગર અને સુરેન્દ્રનગરમાં ગરમીનું યલો એલર્ટ જાહેર કરાયુ છે તો ઉત્તર ગુજરાતના પાટણ,બનાસકાંઠા, મધ્ય ગુજરાતના વડોદરા અને દક્ષિણ ગુજરાતના સુરતમાં ગરમીનું યલો એલર્ટ જાહેર કરાયું છે. સંઘ પ્રદેશ દીવમાં પણ ગરમીનું યલો એલર્ટ જાહેર કરાયું છે.  આકરી ગરમીને પગલે હવામાન વિભાગે બપોરના સમયે નાગરિકોને કામ વગર બહાર ન નીકળવાની સલાહ આપી છે.. 

 અન્ય રાજ્યોની વાત કરીએ છે તો રાજસ્થાનમાં વેસ્ટર્ન ડિસ્ટર્બન્સની અસર નબળી પડતાં, ગરમી ફરી એકવાર તીવ્ર બની રહી છે. હવામાન વિભાગના જણાવ્યા અનુસાર, આગામી દિવસોમાં રાજ્યના મોટાભાગના વિસ્તારોમાં તાપમાન વધુ વધશે, જ્યારે પશ્ચિમ રાજસ્થાનમાં ગરમીનું મોજું તીવ્ર રહેવાની શક્યતા છે.હવામાન વિભાગે શનિવારે જેસલમેર, જોધપુર અને બાડમેર જિલ્લાઓ માટે હીટવેવ એલર્ટ જારી કર્યું છે, જ્યારે ભરતપુર, ધોલપુર, કરૌલી અને અલવરના આસપાસના વિસ્તારો માટે વાવાઝોડા અને હળવા વરસાદ માટે પીળો એલર્ટ જારી કરવામાં આવ્યો છે.

હવામાન વિભાગે દિલ્હી માટે આગાહી જાહેર કરી છે કે હાલ વરસાદની કોઈ શક્યતા નથી અને લૂ જેવી ગરમ પવનો ફૂંકાવાની સંભાવના છે. શુક્રવાર (8 મે)ના દિવસે દિલ્હીમાં લઘુત્તમ તાપમાન 22.6 ડિગ્રી સેલ્સિયસ અને મહત્તમ તાપમાન 36.4 ડિગ્રી સેલ્સિયસ નોંધાયું હતું.

ભારતીય હવામાન વિભાગ (IMD) મુજબ શનિવાર (9 મે)ના રોજ દિલ્હી-એનસીઆરમાં લઘુત્તમ તાપમાન 23 થી 25 ડિગ્રી વચ્ચે અને મહત્તમ તાપમાન 35 થી 37 ડિગ્રી સેલ્સિયસ વચ્ચે રહેવાની શક્યતા છે. આ દરમિયાન આકાશ સ્વચ્છ રહેશે અને પવનની ગતિ 10 થી 15 કિમી પ્રતિ કલાક રહી શકે છે

 

આ પણ વાંચો

Weather: રાજ્યમાં પાંચ દિવસ માટે કાળઝાળ ગરમીનું એલર્ટ, 43.2 ડિગ્રી તાપમાન સાથે અમદાવાદ બન્યું હોટેસ્ટ સિટી

Weather: રાજ્યમાં પાંચ દિવસ માટે કાળઝાળ ગરમીનું એલર્ટ, 43.2 ડિગ્રી તાપમાન સાથે અમદાવાદ બન્યું હોટેસ્ટ સિટી