Ideas of India Summit: 'માતા-પિતાની પરવાનગી વિના લગ્ન નહીં...' મેરેજ રજિસ્ટ્રેશન કાયદા પર હર્ષ સંઘવીનું મોટું નિવેદન
Ideas of India Summit 2026: ગુજરાતના નાયબ મુખ્યમંત્રી હર્ષ સંઘવીએ એબીપી નેટવર્કના કાર્યક્રમમાં ભાગ લીધો હતો. તેમણે કહ્યું હતું કે દેશનું રાજકારણ બદલાઈ ગયું છે
Ideas of India Summit 2026: ભારતના સૌથી મોટા અને સૌથી વિશ્વસનીય મીડિયા જૂથોમાંનું એક ABP Network, આજે તેનું પાંચમું Ideas of India સમિટ શરૂ થયું છે. આ સમિટમાં આજે ગુજરાતના નાયબ મુખ્યમંત્રી હર્ષ સંઘવીએ ઉપસ્થિત રહ્યાં હતા, આ દરમિયાન તેમને ગુજરાત, પૉલિટિક્સ અને સામાજિક પ્રશ્નોના જવાબો આપ્યા હતા. સમિટમાં હર્ષ સંઘવી સામે ગુજરાતમાં ડ્રગ્સ, પોલીસ કાર્યવાહી, ડિમૉલિશન અને મેરેજ એક્ટને લઇને ચર્ચા થઇ હતી. આ Ideas of India સમિટ 27 અને 28 ફેબ્રુઆરી, 2026 ના રોજ મુંબઈની ગ્રાન્ડ હયાત હોટેલમાં યોજાઈ રહી છે. આ વર્ષની થીમ 'ધ ન્યૂ વર્લ્ડ ઓર્ડર' છે.
ગુજરાતના નાયબ મુખ્યમંત્રી હર્ષ સંઘવીએ એબીપી નેટવર્કના કાર્યક્રમમાં ભાગ લીધો હતો. તેમણે કહ્યું હતું કે દેશનું રાજકારણ બદલાઈ ગયું છે. વડા પ્રધાન નરેન્દ્ર મોદીએ રાજકીય પરિદ્દશ્ય બદલી નાખ્યું છે. હવે, રાજકારણમાં પ્રવેશવા માટે રાજકીય પૃષ્ઠભૂમિ હોવી જરૂરી નથી. કોઈપણ રાજકારણમાં પ્રવેશી શકે છે. હું મુખ્યમંત્રી સાથે નજીકથી કામ કરું છું. હું દાવોસ ગયો તેનું કારણ એ હતું કે મુખ્યમંત્રીએ મને જવાનો આદેશ આપ્યો હતો.
જાહેર સલામતી માટે બુલડોઝર
હર્ષ સંઘવીએ કહ્યું, "ગુજરાતમાં જાહેર સલામતી માટે બુલડોઝર તૈનાત કરવામાં આવ્યા છે. પાકિસ્તાનથી ડ્રગ્સ ગુજરાતમાં પ્રવેશ કરે છે. કેટલાક લોકો ગુજરાતનો નાશ કરવા માંગે છે. આવા લોકોને પાઠ ભણાવવા માટે બુલડોઝર નીતિ અપનાવવામાં આવી હતી. જો કોઈ ગુનેગાર ભાગવાનો પ્રયાસ કરશે તો પોલીસ ચૂપ નહીં બેસે."
હર્ષે લગ્ન નોંધણી કાયદા પર વાત કરી
લગ્ન નોંધણી કાયદા હેઠળ, જો કોઈ છોકરો કે છોકરી લગ્ન યોગ્ય ઉંમરનો હોય, તો પણ તેઓ તેમના માતાપિતાની ઇચ્છા વિરુદ્ધ લગ્ન કરી શકતા નથી. ગુજરાતમાં, લગ્ન નોંધણી માટે માતાપિતાની સંમતિ જરૂરી છે. આના પર હર્ષે કહ્યું, "લોકો અલગ અલગ નામોથી લગ્ન કરે છે અને છેતરપિંડી કરે છે. જો કોઈ સલીમ કે સુરેશ તરીકે લગ્ન કરે છે, તો હું તેમને બક્ષીશ નહીં."
ટોપ સ્ટોરી
ટ્રેન્ડિંગ સમાચાર
