Rain: ગુજરાતમાં વરસાદના બીજા રાઉન્ડને લઇ અંબાલાલ પટેલની મોટી આગાહી, ક્યારે-ક્યાં તૂટી પડશે વરસાદ ?

Ambalal Patel Rain Forecast: અંબાલાલ પટેલે જણાવ્યું છે કે જુલાઈ મહિનાના મધ્યથી રાજ્યમાં ચોમાસાનો બીજો મજબૂત રાઉન્ડ શરૂ થવા જઈ રહ્યો છે

તસવીરઃ એબીપી અસ્મિતા

Source : તસવીરઃ એબીપી અસ્મિતા

Show Quick Read

Key points generated by AI, verified by newsroom

• અંબાલાલ પટેલે ૧૩ જુલાઈથી ગુજરાતમાં બીજા રાઉન્ડની આગાહી કરી.
• ૧૭ થી ૨૦ જુલાઈએ પૂર્વ-દક્ષિણ ગુજરાતમાં ભારે વરસાદ સંભાવના.
• જુલાઈના અંતે અને ઓગસ્ટમાં સાર્વત્રિક સારો વરસાદ સંભાવના.

Ambalal Patel Rain Forecast: ગુજરાતમાં ચોમાસાના વરસાદના પ્રથમ રાઉન્ડથી હાહાકાર મચ્યો છે. સૌરાષ્ટ્ર અને દક્ષિણ ગુજારતમાં વરસાદે તબાહી મચાવી છે. સુરત, નવસારી, જૂનાગઢ, અમરેલી સહિતના વિસ્તારો જળબંબાકાર થયા છે, અને લોકોને પૂરની સ્થિતિનો સામનો કરવો પડ્યો છે. ત્યારે હવે આ બધાની વચ્ચે જાણીતા આગાહીકાર અંબાલાલ પટેલે વધુ એક નવા વરસાદના બીજા રાઉન્ડની શરૂઆત કરી દીધી છે. જાણો ક્યારથી શરૂ થશે બીજા રાઉન્ડનો વરસાદ. 

ગુજરાતમાં ચોમાસાના આગમન બાદ હવે આગામી દિવસોમાં વરસાદ કેવો રહેશે તે અંગે જાણીતા હવામાન નિષ્ણાંત અંબાલાલ પટેલે આગામી 13 જુલાઈથી ઓગસ્ટ માસ દરમિયાન સમગ્ર ગુજરાત રાજ્યમાં વાતાવરણમાં મોટા પલટા સાથે ધોધમાર અને અણધાર્યા વરસાદના વિવિધ રાઉન્ડ આવવાની મહત્વની આગાહી કરી છે. બંગાળની ખાડી અને પશ્ચિમ બંગાળ તરફથી આવતા સાયક્લોનિક વહનના સક્રિય થવાના કારણે આ મોનસૂન સિસ્ટમ મજબૂત બનશે અને તેના લીધે ગુજરાતના અલગ-અલગ વિસ્તારોમાં ગાજવીજ અને તેજ પવન સાથે તબક્કાવાર વરસાદી માહોલ જામશે. 

વિગતવાર સમાચાર મુજબ, ગુજરાતના ખેડૂતો અને સામાન્ય જનતા માટે રાહતના સમાચાર સામે આવ્યા છે. અંબાલાલ પટેલે જણાવ્યું છે કે જુલાઈ મહિનાના મધ્યથી રાજ્યમાં ચોમાસાનો બીજો મજબૂત રાઉન્ડ શરૂ થવા જઈ રહ્યો છે. ખાસ કરીને 13 થી 16 જુલાઈ દરમિયાન ગુજરાતના મોટાભાગના વિસ્તારોમાં વરસાદનો બીજો રાઉન્ડ વિધિવત રીતે ધમાકેદાર એન્ટ્રી કરશે, જે સુકાઈ રહેલા કૃષિ પાક માટે સંજીવની સમાન સાબિત થઈ શકે છે.

આ ઉપરાંત, અંબાલાલ પટેલે સિસ્ટમની દિશા સ્પષ્ટ કરતા ઉમેર્યું કે, 17 થી 20 જુલાઈ દરમિયાન પશ્ચિમ બંગાળ તરફથી આવતું મજબૂત વરસાદી વહન સિસ્ટમ તરીકે આગળ વધીને ગુજરાત તરફ ફંટાશે. આ સિસ્ટમ સક્રિય થવાના કારણે ગુજરાતના પૂર્વ અને દક્ષિણ ભાગો સહિત અનેક જિલ્લાઓમાં ભારેથી અતિભારે વરસાદ વરસી શકે છે. જ્યારે જુલાઈના અંતમાં એટલે કે 27 થી 30 જુલાઈ દરમિયાન સમગ્ર ગુજરાતમાં સાર્વત્રિક અને ખૂબ જ સારો વરસાદ થવાની પૂરેપૂરી શક્યતા છે.

આગામી ઓગસ્ટ મહિનાની શરૂઆત પણ મેઘમય રહેશે. 1 થી 8 ઓગસ્ટ દરમિયાન રાજ્યમાં અણધાર્યો અને ગાજવીજ સાથેનો તોફાની વરસાદ તૂટી પડવાની આશંકા વ્યક્ત કરવામાં આવી છે. એકંદરે જોતા, ચાલુ વર્ષે ઓગસ્ટ મહિનામાં ચોમાસું અત્યંત સક્રિય રહેશે અને સારો વરસાદ થવાની પ્રબળ સંભાવના હોવાથી જળાશયોમાં પાણીની આવક વધશે. તંત્ર દ્વારા પણ આ આગાહીને પગલે સાવચેતીના પગલાં લેવાની તૈયારીઓ શરૂ કરી દેવામાં આવી છે.

આ પણ વાંચો

Gujarat Rain: ગુજરાતમાં આગામી સાત દિવસ કેવું રહેશે હવામાન, ક્યાં વરસશે વરસાદ, જાણો અપડેટ

Gujarat rain live updates: સુરતના માંગરોળમાં જળબંબાકાર, અનેક ગામો સંપર્ક વિહોણા થયા