ગુજરાતમાં 3 મેથી લોકડાઉન હટશે કે નહીં તેની અટકળો વચ્ચે મુખ્યમંત્રી વિજય રૂપાણીએ પહેલા જ લોકડાઉન સંપૂર્ણપણે નહીં હટે તેવી જાહેરાત કરી છે. રૂપાણીએ રવિવારે વડાપ્રધાન નરેન્દ્ર મોદી સાથેની બેઠકમાં સ્પષ્ટ કર્યું હતું કે, આગામી 3 મેથી ગુજરાતમાંથી એક ઝાટકે લોકડાઉન ઊઠાવી લેવાની કોઈ જ શક્યતા નથી. આ સંજોગોમાં કેબિનેટની બેઠકમાં ક્યાં ક્યાંથી લોકડાઉન હટાવવું તેની ચર્ચા થશે.
રૂપાણી મંત્રીમંડળના સભ્યો પોતાના વિસ્તારમાંથી વિડિઓ કોંફરન્સ મારફતે કેબિનેટ બેઠકમાં જોડાશે. આ બેઠકમાં કોરોના વાયરસની મહામારીમાં ચાલી રહેલી દરેક વિસ્તારની કામગીરી અંગે અધિકારીઓને સોંપાયેલી જવાબદારી અંગે ચર્ચા કરાશે.
આ ઉપરાંત પ્રભારી મંત્રીઓના જિલ્લાઓના પ્રભાવિત વિસ્તારમાં ચાલી રહેલી કામગીરી બાબતે પણ સમીક્ષા કરવામાં આવશે. રાજ્યમાં ઔદ્યોગિક એકમો શરૂ થયા બાદ રાજ્યની હાલની સ્થિતિ બાબતે પણ સમીક્ષા કરાશે.