અમરેલીના દરિયામાં મોટી દુર્ઘટના: 3 બોટ ડૂબી, 17 માછીમારોનું રેસ્ક્યૂ, 11ની શોધખોળ હજુ ચાલુ
અમરેલી જિલ્લાનો દરિયાકિનારો, જે માછીમારી માટે જાણીતો છે, તે આજે ભારે વરસાદ અને પવનના કારણે ભયાનક સ્વરૂપમાં જોવા મળ્યો. આ તોફાની વાતાવરણે 3 બોટને ડુબાડી દીધી છે.
Amreli sea tragedy 2025: ગુજરાતના અમરેલી (Amreli) જિલ્લામાં ભારે પવન (heavy winds) અને વરસાદના કારણે દરિયો તોફાની બન્યો છે. આ વિકટ પરિસ્થિતિમાં જાફરાબાદથી આશરે 18 નોટિકલ માઈલ (nautical miles) દૂર 3 માછીમારી બોટ (fishing boats) દરિયામાં ડૂબી જવાની દુર્ઘટના સામે આવી છે. આ બોટમાં કુલ 28 માછીમારો (fishermen) સવાર હતા, જેમાંથી 17 ને બચાવી (rescued) લેવામાં આવ્યા છે, જ્યારે બાકીના 11 માછીમારો હજુ પણ લાપતા (missing) છે. ખરાબ હવામાનને (bad weather) કારણે બચાવ કામગીરીમાં (rescue operation) અવરોધ આવી રહ્યો છે.
અમરેલી જિલ્લાના જાફરાબાદ અને રાજપરા વિસ્તારની 3 માછીમારી બોટ દરિયામાં ભારે પવન અને વરસાદને કારણે ડૂબી ગઈ છે. આ દુર્ઘટનામાં 28 માછીમારોમાંથી 17 ને અન્ય બોટ ધારકો દ્વારા બચાવી લેવાયા છે, જ્યારે 11 માછીમારોની શોધખોળ ચાલી રહી છે. ખરાબ વાતાવરણ અને મધદરિયામાં ઉંચા મોજાને કારણે કોસ્ટગાર્ડનું હેલિકોપ્ટર રેસ્ક્યૂ માટે જઈ શક્યું નથી. સ્થાનિક માછીમાર એસોસિએશન અને વહીવટી તંત્ર દ્વારા લાપતા માછીમારોને શોધવાના પ્રયાસો ચાલી રહ્યા છે.
જાફરાબાદની 'જયશ્રી તાત્કાલિક' અને ગીર સોમનાથના રાજપરાની 'મુરલીધર' નામની બે બોટ સૌપ્રથમ ડૂબી. આ બંને બોટમાં 9-9 માછીમારો સવાર હતા. અન્ય બોટ ધારકોએ સમયસૂચકતા વાપરીને તેમાંથી 10 માછીમારોને બચાવી લીધા. દુર્ભાગ્યે, આ ઘટનામાં જાફરાબાદની બોટમાંથી બચાવેલા 5 માછીમારોમાંથી 2 ઈજાગ્રસ્ત થયા છે.
આ ઉપરાંત, 'દેવકી' નામની ત્રીજી બોટ પણ દરિયાના તોફાનનો શિકાર બની. આ બોટમાં સવાર 10 ખલાસીઓમાંથી 7 નું અન્ય બોટ 'દરિયા દોલત' દ્વારા રેસ્ક્યૂ કરવામાં આવ્યું, જ્યારે 3 ખલાસીઓ હજુ પણ લાપતા છે.
કુલ 28 માછીમારોમાંથી 17 ને બચાવી લેવામાં આવ્યા છે, પરંતુ બાકીના 11 માછીમારોની શોધખોળ હજુ ચાલુ છે. સ્થાનિક માછીમારો દ્વારા તાત્કાલિક ફિશરીઝ વિભાગ અને વહીવટી તંત્રને આ અંગે જાણ કરવામાં આવી હતી. તંત્રએ પીપાવાવ કોસ્ટગાર્ડને પણ આ દુર્ઘટના વિશે માહિતી આપી છે.
રાજુલા પ્રાંત અધિકારી મેહુલ બરાસરાએ મીડિયાને જણાવ્યું કે, ખરાબ હવામાનના કારણે કોસ્ટગાર્ડનું હેલિકોપ્ટર ઘટનાસ્થળે પહોંચી શકે તેમ નથી, તેથી હાલ બોટ દ્વારા જ રેસ્ક્યૂ કામગીરી હાથ ધરવામાં આવી છે. જાફરાબાદ કોળી સમાજ બોટ એસોસિએશનના પ્રમુખ હમીર સોલંકીએ અને ખારવા સમાજ બોટ એસોસિએશનના પ્રમુખ કનૈયાલાલ સોલંકીએ પણ જણાવ્યું કે તેમની બોટના સભ્યો દ્વારા લાપતા માછીમારોની શોધખોળ કરવામાં આવી રહી છે.
ટોપ સ્ટોરી
ટ્રેન્ડિંગ સમાચાર
