શુક્રવારે દિવસ દરમિયાન ભારે ઉકળાટ બાદ મોડી સાંજે ગુજરાતના અનેક શહેરોમાં વરસાદ તુટી પડ્યો હતો. ભારે વરસાદના કારણે વાતાવરણમાં ઠંડક પ્રસરી ગઈ હતી જ્યારે ખેડૂતોમાં ખુશી જોવા મળી હતી. ગુજરાતમાં સૌથી વધુ વરસાદ મહેસાણાના વિજાપુરમાં જોવા મળ્યો હતો.
ગઈકાલ મોડી સાંજે ઉત્તર ગુજરાત અને મધ્ય ગુજરાતના મોટા ભાગના વિસ્તારોમાં ધોધમાર વરસાદ ખાબક્યો હતો. જેના કારણે નીચાણવાળા વિસ્તારોમાં પાણી ભરાતાં લોકોને ભારે મુશ્કેલીનો સામનો કરવો પડ્યો હતો. ભારે વરસાદના કારણે રસ્તાઓ અને ખેતરોમાં પાણી ભરાયા હતાં.
મહેસાણાના વિજાપુરમાં 5.5 ઈંચ
અમદાવાદના દેત્રોજમાં 3.7 ઈંચ
વડોદરાના કરજણમાં 3.6 ઈંચ
ખેડના માતરમાં 3.1 ઈંચ
મહેસાણાના બેચરાજીમાં 2.7ઈંચ
સાબરકાંઠાના પ્રાંતિજ 2.7 ઈંચ
પાટણના રાધનપુરમાં 2.4 ઈંચ
ખેડાના વસોમાં 2.4 ઈંચ
ભરૂચના વાગરામાં 2.4 ઈંચ
પંચમહાલના હાલોલમાં 2.2 ઈંચ
આણંદના તારાપુરમાં 2.1 ઈંચ
મહીસાગરના લુણાવાડમાં 2.1 ઈંચ
નર્મદાના ગરુડેશ્વરમાં 2.1 ઈંચ
સાબરકાંઠાના હિંમતનગરમાં 2 ઈંચ