Kutch Accident: ઓવર સ્પીડ આવતી કારે 2 લોકોનો લીધો જીવ, કારમાં સવાર ત્રણ લોકો ફરાર

Accident: કચ્છના ગાંધીધામ રોડ પર બેફામ રીતે કાર ચલાવતા શખ્સે અકસ્માત સર્જાયો, જેમાં 2 લોકોના મૃત્યુ નિપજ્યાં છે. ઘટના બાદનો ડ્રાઇવરને મેથીપાક આપતો વીડિયો વાયરલ થયો છે.

કચ્છ અકસ્માતમાં 2નાં મોત

Source : abp asmita

Road Accident: બેફામ રીતે રોડ પર કાર ચલાવતા ડ્રાઇવરે ગાંધીધામ નજીક 2 લોકોનો ભોગ લીધો છે. ઘટના બાદ લોકોએ ડ્રાઇવરને મેથીપાક ચખાડ્યો હતો. આ ઘટનાનો વીડિયો વાયરલ થયો છે. રાત્રિના સમયે કારચાલક નબીરો ઓવરસ્પીડમાં આવતા હોવાથી ચાર લોકોને અ઼ડફેટે લીધા હતા જેમાં 2 લોકોને ગંભીર ઇજા થતાં ઘટનાસ્થળે મૃત્યુ પામ્યા હતા, જ્યારે અન્ય 2 લોકોને ઇજા પહોંચી હતી. ઘટના બાદ રોષે ભરાયેલા લોકોએ ડ્રાઇવરને મેથીપાક ચખાડયો હતો  અને  નબીરાને પકડીને પોલીસના હવાલે કર્યો હતો  તો  અકસ્માત બાદ કારમાં સવાર ત્રણ લોકો ભાગી ગયા હતા. નબીરા કારચાલકને લોકો માર મારતા હોય તે ઘટના મોબાઇલ કેમેરામાં રેકોર્ડ કરાઇ હતી. જેનો  વીડિયો વાયરલ થયો છે. નબીરો દારૂના નશામાં હતો કે નહીં તેને લઈને પોલીસ તપાસ કરી રહી છે. 

વડોદરામાં ભયંકર રોડ અકસ્માત

વડોદરા શહેરમાં  રેન્જરોવર કાર ડિવાઇડર કૂદીને ટ્રાફિક સિગ્નલના પોલ સાથે અથડાઈ હતી, આ ઘટનમાં કારનું ટાયર છૂટું પડી ગયું હતું. ઘટનાના પગલે  કાર ચાલક કાર છોડી ફરાર થઇ ગયો હતો. વડોદરા શહેરમાં એક ભયંકર કાર અકસ્માત સર્જાયો કારની સ્પીડ એટલી જોરદાર હતી કે, ટક્કર એટલી જોરદાર લાગી કે કારના સ્પેરસ્પાર્ટ 100 મીટર દૂર ફંગોળાયા હતા. વડોદરામાં ડિવાઈડર કૂદી કાર ટ્રાફિક સિગ્નલના પોલ સાથે અથડાઈ હતી. અકસ્માતમાં રેન્જ રોવર કારનું ટાયર નીકળી ગયું હતું.અકસ્માત બાદ લક્ઝરી કાર મૂકી તેનો ચાલક ફરાર થઇ ગયો હતો. જ્યુબિલીબાગથી રાવપુરા તરફના રસ્તા પર આ અકસ્માત સર્જાયો હતો. અકસ્માત બાદ કારના સ્પેરપાર્ટ્સ 100 મીટર દૂર ફંગોળાયા હતા. રાવપુરા પોલીસે કારચાલક સામે  ગુનો નોંધીને તપાસ હાથ ધરી છે. અકસ્માત બાદ કારની એયરબેગ પણ ખુલી જતાં ડ્રાઇવરનો બચાવ થયો હતો. ડિવાઈડર કૂદી કાર ટ્રાફિક સિગ્નલના પોલ સાથે અથડાઈ હતી. સમગ્ર ઘટનાને લઇને વડોદરા રાવપુરા પોલીસે તપાસ શરૂ કરી છે. 

વડોદરાના પાદરામાં નાગરિક સહકારી બેંકમાં આગ

વડોદરા શહેરની એક અન્ય દુર્ઘટનાની વાત કરીએ તો વડોદરાના પાદરામાં નાગરિક સહકારી બેંકમાં આગ લાગી હતી. બેંકના મેનેજરની ચેમ્બરમાં આગ લાગતા સ્ટાફમાં નાસભાગ મચી ગઇ હતી. 
વાયરિંગમાં શોર્ટસર્કિટથી આગ લાગી હોવાની શંકા સેવાઇ રહી છે.  ઘટનાની જાણ થતાં ફાયર વિભાગની ટીમ ઘટનાસ્થળે પહોંચી હતી અને આગ  પર મેળવ્યો કાબૂ હતો. આગ લાગ્યાની જાણ થતા મેનેજર સહિતનો સ્ટાફ દોડી આવ્યો હતો.