Gujarat Rain: હવામાન વિભાગની મોટો આગાહી, આજે અમદાવાદ-વડોદરા, સુરત સહિત 16 જિલ્લાઓમાં વરસી શકે છે વરસાદ
Rain Forecast News: યલો એલર્ટ અંતર્ગત મધ્ય ગુજરાત, ઉત્તર ગુજરાત અને દક્ષિણ ગુજરાતના વિવિધ વિસ્તારોને સાંકળી લેવામાં આવ્યા છે
- હવામાન વિભાગે 16 જિલ્લા, 2 સંઘપ્રદેશોમાં હળવા વરસાદની આગાહી કરી.
- સવારે ગાજવીજ સાથે હળવા વરસાદનું યલો એલર્ટ જાહેર કરાયું.
- વાતાવરણ બદલાતા ગરમીથી રાહત, નાગરિકોને સાવચેતી રાખવા સલાહ.
Rain Forecast News: હવામાન વિભાગ દ્વારા આજે સવારે ગુજરાતના અમદાવાદ, વડોદરા, સુરત સહિત 16 જિલ્લાઓ અને બે સંઘપ્રદેશોમાં ગાજવીજ સાથે હળવા વરસાદની સત્તાવાર આગાહી સાથે યલો એલર્ટ જાહેર કરવામાં આવ્યું છે. વાતાવરણમાં સવારે 10 વાગ્યા સુધીમાં ભેજ અને પવનના ફેરફારને કારણે છૂટ્ટાછવાયા સ્થળોએ વરસાદી ઝાપટાં પડે તેવું અનુમાન વ્યક્ત કરાયું છે.
વિગતવાર માહિતી અનુસાર, હવામાન વિભાગ દ્વારા જાહેર કરાયેલા યલો એલર્ટ અંતર્ગત મધ્ય ગુજરાત, ઉત્તર ગુજરાત અને દક્ષિણ ગુજરાતના વિવિધ વિસ્તારોને સાંકળી લેવામાં આવ્યા છે. જેમાં મુખ્યત્વે અમદાવાદ, ખેડા, અરવલ્લી, મહિસાગર, આણંદ, વડોદરા, પંચમહાલ અને દાહોદ જિલ્લાનો સમાવેશ થાય છે. આ ઉપરાંત દક્ષિણ ગુજરાતના છોટાઉદેપુર, ભરૂચ, નર્મદા, સુરત, તાપી, ડાંગ અને વલસાડ જિલ્લાઓમાં પણ મેઘગર્જના સાથે હળવો વરસાદ પડવાની શક્યતા દર્શાવવામાં આવી છે. રાજ્યના તટીય વિસ્તારો અને સંઘપ્રદેશ દમણ તેમજ દાદરા અને નાગર હવેલીમાં પણ સવારના સમયે છૂટ્ટાછવાયા સ્થળો પર હળવા વરસાદનું અનુમાન છે. વાતાવરણમાં સર્જાયેલા સ્થાનિક ભેજ અને પવનના નીચા દબાણને કારણે રાજ્યના હવામાનમાં એકાએક ફેરફાર નોંધાયો છે, જેનાથી ગરમી અને બફારામાંથી લોકોને મોટી રાહત મળી શકે છે.
Rain Forecast: ગુજરાતમાં આગામી બે દિવસ ભારે વરસાદની આગાહી, 4 સિસ્ટમ સક્રિય થતા રાજ્યભરમાં મેઘમહેર
હવામાન વિભાગ અને સ્થાનિક તંત્ર દ્વારા નાગરિકોને વરસાદી આગાહી વચ્ચે જરૂરી સાવચેતી રાખવાની સલાહ આપવામાં આવી છે. ગાજવીજ દરમિયાન ખુલ્લા ખેતરો, વૃક્ષો કે વીજળીના થાંભલાઓથી દૂર રહેવા અને સલામત સ્થળે આશ્રય લેવા અપીલ કરાઈ છે. આ વરસાદી ઝાપટાંથી ખેતીના પાકને ફાયદો થવાની સંભાવના છે, પરંતુ નીચાણવાળા વિસ્તારો અને રસ્તાઓ પર વાહનચાલકોએ સાવધાનીપૂર્વક મુસાફરી કરવી જરૂરી બનશે.
Before You Go
Hun To Bolish | હું તો બોલીશ | શટલિયાનો ખૂની ખેલ!
ટોપ સ્ટોરી
ટ્રેન્ડિંગ સમાચાર
