કચ્છ: હવામાન વિભાગે આજે રાજ્યના 15થી વધારે જિલ્લાઓમાં વરસાદની આગાહી કરી હતી. હવામાન વિભાગની આગાહી વચ્ચે કચ્છ જિલ્લાના વાતાવરણમાં પણ પલટો આવ્યો છે. હવામાન વિભાગની આગાહી વચ્ચે કચ્છમાં વાતાવરણમાં પલટો આવ્યો હતો. રાપર તાલુકામાં ભારે પવન અને કરા સાથે કમોસમી વરસાદ વરસ્યો છે. રાપર તાલુકામાં વરસાદ
આજે સવારથી ગરમી અને બફાર વચ્ચે વાતાવરણમાં પલટો આવ્યો છે. સવારથી જ અનેક વિસ્તારોમાં વાદળછાયું વાતાવરણ જોવા મળી રહ્યું હતું. રાપર તાલુકાના જાટાવાડામાં કરા સાથે વરસાદ વરસ્યો છે. આ વિસ્તારમાં ઝરમર વરસાદની સાથે કરા પડ્યા છે. જિલ્લામાં આજે ભારે ઉકળાટ અને ગરમી પડી રહી છે.
સૌરાષ્ટ્રના અનેક જિલ્લામાં આજે કમોસમી વરસાદ વરસ્યો છે. કમોસમી વરસાદના કારણે ખેડૂતોને મોટું નુકસાન થઈ શકે છે. રાજકોટ, ભાવનગર, બોટાદ અને ખેડા જિલ્લામાં આજે કમોસમી વરસાદ વરસ્યો છે.
બોટાદ જિલ્લામાં કરા સાથે વરસાદ વરસ્યો
બોટાદ તાલુકાના પાળીયાદ ગામ સહિત રાણપુર તાલુકાના રાણપુર સહિત મોટી વાવડી ગામે કમોસમી વરસાદ શરૂ થયો છે. કમોસમી વરસાદ પડતાં ખેડૂતોના જુવાર, બાજરી, તલ સહિતના ઉનાળુ પાકને મોટાપાયે નુકશાન થવાની શક્યતા છે.
ભાવનગર જિલ્લાના વાતાવરણમાં પલટો
ભાવનગર જિલ્લાના વાતાવરણમાં પલટો આવ્યો છે. ભાવનગર જિલ્લામાં વાતાવરણ અચાનક પલટો આવ્યો હતો. વાદળછાયા વાતાવરણ વચ્ચે કમોસમી વરસાદ શરૂ થયો છે. ભાવનગર-રાજકોટ હાઇવે રોડ પર સિહોર, સોનગઢ, સણોસરા સહિતના વિસ્તારના ગામોમાં હળવો વરસાદ શરૂ થયો છે.
આજે આ જિલ્લાઓમાં કરાઈ છે વરસાદની આગાહી
આજે સોમવાર 5મેના દિવસે પણ રાજ્યના અનેક જિલ્લાઓમાં વરસાદની આગાહી કરવામાં આવી છે. જેમાં કચ્છ, બનાસકાંઠા, અમરેલી, ભાવનગર અને બોટાદ સહિતના જિલ્લાઓનો સમાવેશ થાય છે. સુરત, તાપી, નવસારી, ડાંગ અને વલસાડમાં છૂટાછવાયા સ્થળો પર વરસાદની આગાહી કરાઈ છે.
આગામી પાંચ દિવસ તાપમાનમાં 2 થી 3 ડિગ્રી ઘટશે. હાલ સાયકલોનિક સર્ક્યુલેશન સક્રિય થતા વરસાદની આગાહી કરાઈ છે. રાજ્યમાં અચાનક હવામાનમાં પલટો આવ્યો છે. ગુજરાતના અનેક જિલ્લાઓમાં વરસાદ પડ્યો છે. હવામાન વિભાગ દ્વારા વરસાદને લઈ આગાહી પણ કરવામાં આવી છે. આજે પણ વરસાદને લઇ ઓરેન્જ એલર્ટ જાહેર કરવામાં આવ્યું છે. 8મે સુધી રાજ્યમાં વરસાદની આગાહી કરવામાં આવી છે.