સ્કૂલને બોંબથી ઉડાવી દેવાની મળતી ધમકીને લઇને રાજ્ય સરકાર એકશનમાં, ડીડીઓ કલેક્ટર સાથે બેઠક

ગુજરાતની 40 સ્કૂલને બોમ્બથી ઉડાવી દેવાની ધમકી   16 ફેબ્રુઆરી સોમવારે મળી હતી.  જેમાં અમદાવાદની 15 સ્કૂલ અને વડોદરા શહેર-જિલ્લાની 25 સ્કૂલોનો સમાવેશ થાય છે. આ સ્કૂલને ધમકીભર્યો મેલ મળ્યા હતા જેમાં લખ્યુ હતું કે  કે, "સ્કૂલને બોંબથી ઉડાવી દેવામાં આવશે. ગુજરાત ખાલિસ્તાન બનશે

સ્કૂલને બોંબથી ઉડાવીની ધમકીના પગલે સરકાર એકશનમાં

Source : abp asmita

તાજેતરમાં છેલ્લા કેટલાક દિવસથી ગુજરાતની વિવિધ સ્કૂલને બોંબથી ઉડાવી દેવાના ધમકીભર્યા મેઇલ મળે છે. આ કારણે વિદ્યાર્થી અને વાલીઓમાં ચિંતા અને અફરાતફરીનો માહોલ સર્જાય છે. નોંધનિય છે કે,ગઈકાલથી CBSEની ધોરણ 10 અને 12ની પરીક્ષાનો પ્રારંભ થયો છે ત્યારે થોડા દિવસ બાદ ગુજરાત બોર્ડની ઘોરણ 10 અને 12ની પરીક્ષાનો પ્રારંભ થશે.આ પરીક્ષાની સિઝનમાં જો ચાલુ પરીક્ષાએ શાળાને બોંબથી ઉડાવી દેવાની ધમકી મળે તો શું કરવું, આ મુદ્દે આજે બેઠક યોજાઇ છે. ગુજરાતના પ્રિન્સિપાલ સેક્રેટરી સંજીવ કુમાર આજે(18 ફેબ્રુઆરી) અમદાવાદ શહેર પોલીસ કમિશ્નર જી.એસ. મલિક, કલેક્ટર સુજીત કુમાર, ડીઈઓ રોહિત ચૌધરી સહિત રાજ્યના તમામ પોલીસ કમિશ્નર, કલેક્ટર, ડીઈઓ, એસપી સાથે વીડિયો કોન્ફરન્સથી વાત કરશે. કાયદો અને સુરક્ષાની વ્યવસ્થા જળવાઈ રહે તે હેતુસર વીડિયો કોન્ફરન્સ યોજાવાની છે જેમાં આવનારી બોર્ડની પરીક્ષાને લઈને મહત્વની ચર્ચા થાય તેવી શક્યતાઓ છે.

કઇ કઇ સ્કૂલોને મળી ધમકી?
ગુજરાતની 40 સ્કૂલને બોમ્બથી ઉડાવી દેવાની ધમકી   16 ફેબ્રુઆરી સોમવારે મળી હતી.  જેમાં અમદાવાદની 15 સ્કૂલ અને વડોદરા શહેર-જિલ્લાની 25 સ્કૂલોનો સમાવેશ થાય છે. આ સ્કૂલને ધમકીભર્યો મેલ મળ્યા હતા જેમાં લખ્યુ હતું કે  કે, "સ્કૂલને બોંબથી ઉડાવી દેવામાં આવશે. ગુજરાત ખાલિસ્તાન બનશે, હિન્દુસ્તાનનાં ટુકડા થશે" આ ધમકી મળતાંની સાથે જ ચિંતાતૂર વાલીઓ શાળા પહોંચ્યા હતા બાળકોને રજા અપાઇ હતી. બોમ્બ-ડોગ સ્ક્વોડ અને પોલીસે તમામ સ્કૂલોમાં સર્ચ કર્યું હતું, જો કે કોઇ વાંધાજનક વસ્તુ ન મળતા રાહતનો શ્વાસ લીધો હતો. આ પહેલા ગત વર્ષે ડિસેમ્બરમાં પણ શાળાને આ પ્રકારના જ ધમકીભર્યા મેલ મળ્યાં હતા. 17 ડિસેમ્બર, 2025એ અમદાવાદ, ગાંધીનગર, કલોલ શહેરની અલગ અલગ સ્કૂલોને બોમ્બથી ઉડાવી દેવાની ધમકી મળી હતી. ઝેબર ,ઝાયડસ, અગ્રસેન અને DAV ઇન્ટરનેશનલ સ્કૂલ સહિત 26 જેટલી સ્કૂલોને ધમકીભર્યા ઈ-મેલ મળ્યા હતા. હવે પરીક્ષાની સિઝન શરૂ થઇ ગઇ છે. આ સમયે આવા મેલ આવે તો કેવા એકશન લઇ  શકાય તે અંગે આજે બેઠક યોજાઇ રહી છે. 

નોંધનિય છે કે, સાયબર અપરાધીઓ આવા ધમકીભર્યા ઈમેઈલ મોકલવા માટે અનેક તરકીબો અપનાવે છે. તેઓ સામાન્ય રીતે ગુપ્ત ઈમેઈલ સેવાઓનો ઉપયોગ કરે છે, જેમ કે પ્રોટોનમેઈલ અથવા ટેમ્પરરી ઈમેઈલ સર્વિસ. આ સેવાઓમાં તેઓ ખોટા નામ અને વિગતો વાપરીને એકાઉન્ટ બનાવે છે, જેથી તેમની ઓળખ છુપાઈ રહે.