Transfer in Police Department: મંગળવારે સાંજે કલેક્ટરો અને DDO સહિત 50 IAS અધિકારીઓની સામૂહિક બદલી બાદ હવે ગૃહ વિભાગ એટલે કે પોલીસ વિભાગમાં સામૂહિક બદલીઓના ઓર્ડરની તૈયારી થઈ ચૂકી છે. આગામી બે દિવસમાં પોલીસ વિભાગમાં બદલીઓના સામૂહિક આદેશની શક્યતા છે. લોકસભા ચૂંટણી પહેલા એકસાથે IAS બાદ IPSની બદલીઓ નિશ્ચિત છે.
ખાસ કરીને મહેસાણા, આણંદ અને અમદાવાદ ગ્રામ્યના એસપીની ખાલી પડેલી જગ્યાએ નિયુક્તિઓની સાથે સાથે સુરત રેન્જ આઈજી ચંદ્રશેખરના CBIમાં ડેપ્યુટેશન બાદ પણ ખાલી પડેલી જગ્યાઓને લઈને નિયુક્તિઓ થશે. ફેબ્રુઆરી મહિનામાં જ સુરત પોલીસ કમિશ્નર અજય તોમર નિવૃત થવાના છે ત્યારે સુરત કમિશ્નરને લઈને પણ અનેક ચર્ચાઓ છે. કુલ મળીને કમિશ્નરેટ, જિલ્લા એસપી અને રેન્જમાં પણ મોટા ફેરફારની શક્યતા જણાઈ રહી છે સૂત્રોની જાણકારી પ્રમાણે બદલીના આદેશની સંપૂર્ણ તૈયારી થઈ ચૂકી છે. ગૃહ રાજ્યમંત્રી અને મુખ્યમંત્રીના કાર્યાલયની લીલીઝંડી મળતા જ બદલીના ઓર્ડર કરાશે.
નોંધનીય છે કે, લોકસભા ચૂંટણી પહેલા રાજ્યમાં મોટા પાટે આઈએએસ અધિકારીઓની બદલી કરવામાં આવી છે. રાજ્યના 50 IAS અધિકારીઓની બદલી કરવામાં આવી છે. મોટાભાગના DDO અને કલેકટરનો બદલીમાં સમાવેશ કરવામાં આવ્યો છે. રાજ્યના સામાન્ય વહીવટ વિભાગ દ્વારા બદલી કરાઈ છે. લોકસભાની આગામી ચૂંટણી સંદર્ભે બદલી કરાઈ છે.
રાજ્યના 50 IAS અધિકારીઓની બદલી
- અમદાવાદના DDO એમ.કે.દવેને ગાંધીનગર કલેક્ટર બનાવાયા
- મોરબીના કલેક્ટર જીટી પંડ્યાને દ્વારકાના કલેક્ટર તરીકે બદલી
- જામનગર કલેક્ટર બીએ શાહની વડોદરા કલેક્ટર તરીકે બદલી
- નવસારી કલેક્ટર અમિત પ્રકાશ યાદવની ખેડા કલેક્ટર તરીકે બદલી
- સૌરભ પારધીને બનાવાયા સુરત કલેક્ટર
- રાજકોટ કોર્પોરેશનના ડે.કમિશ્નરની છોટાઉદેપુર કલેક્ટર તરીકે બદલી
- ગૃહ વિભાગના સેક્રેટરીની દાહોદ કલેક્ટર તરીકે બદલી
- કિરણ ઝવેરીની મોરબી કલેક્ટર તરીકે બદલી
- AMC ડે.કમિશ્નર નેહાકુમારીની મહીસાગર કલેક્ટર તરીકે બદલી
- મોરબીના ડીડીઓની ગીર સોમનાથના કલેક્ટર તરીકે બદલી
- નવસારીના કલેક્ટરની ખેડા કલેક્ટર તરીકે બદલી
- ટુરીઝમના એમડી આયુષ સંજીવને સુરતના કલેક્ટર બનાવાયા
- રાજકોટના ડેપ્યુટી કમિશ્નરને છોટાઉદેપુરના કલેક્ટર બનાવાયા
- વડોદરાના કલેક્ટર એબી ગોરની પણ બદલી
- જામનગરના કલેક્ટરને વડોદરા કલેક્ટર તરીકે બદલી
- કિરણ ઝવેરીને મોરબીના કલેક્ટર બનાવાયા
- AMCના ડેપ્યુટી કમિશ્નરને મહીસાગરના કલેક્ટર બનાવાયા
- મોરબીના ડીડીઓને ગીર સોમનાથના કલેક્ટર બનાવાયા
- વલસાડના કલેક્ટરની નવસારી કલેક્ટર તરીકે બદલી
- બનાસકાંઠા ડીડીઓની રાજકોટ ડેપ્યુટી કમિશ્નર તરીકે બદલી
- અમદાવાદ ડીડીઓની ગાંધીનગર કલેક્ટર તરીકે બદલી
- વડોદરા કલેક્ટર એબી ગોરને CMOમાં OSD તરીકે બદલી
- અમરેલીના ડીડીઓની શિક્ષણ વિભાગના ડાયરેક્ટર તરીકે બદલી
- જૂનાગઢના કોર્પોરેશન કમિશ્નરને સુરેંદ્રનગરના ડીડીઓ બનાવાયા