માંગરોળમાં ટોક ઓફ ધ ટાઉન બનેલા આ કિસ્સાની વિગતો પ્રમાણે, માંગરોળમાં રહેતા યુવકે મોબાઇલમાં પત્ની સાથે અંગતપળોનો વીડિયો બનાવ્યો હતો. ત્રણ મહિના પહેલા તેના મિત્રે મોબાઇલમાં એપ્લિકેશન નાંખવાના બહાને ઝેન્ડરથી આ વીડિયો મેળવી લીધો હતો.
આ પછી યુવકને વીડિયો વાયરલ કરી દેવાની ધમકી આપી બ્લેકમેલ કરવાનું શરૂ કરી દીધું હતું. તેમજ વીડિયો ડિલિટ કરવા માટે 10 લાખ રૂપિયાની માંગણી કરી હતી. અંતે પતિ-પત્ની પોલીસ પાસે પહોંચતા પોલીસે છટકું ગોઠવી બ્લેકમેલ કરનાર બંને ભાઈઓની ધરપકડ કરી લીધી હતી.