સમીની 38 વર્ષીય મહિલાને પેટમાં દુ:ખાવો થતો હોઈ એકાદ મહિના પહેલા દવાખાનામાં ડો. મહેન્દ્ર મોદી પાસે સારવાર માટે આવી હતી. તે દરમિયાન દવાખાનામાં અંદરના ભાગે ટેબલ પર સુવડાવી ડોક્ટરે પેટની તપાસ કરી હતી ત્યાર બાદ મહિલાના કપડાં ઉતારી શારીરિક અડપલાં કરવાના શરૂ કર્યા હતા અને મરજી વિરૂદ્ધ દુષ્કર્મ આચર્યું હતું.
ત્યાર બાદ થોડા દિવસ બાદ દવા લેવા ગઈ તે વખતે ડોક્ટરનો પુત્ર કિશન મોદી હતો તેણે તે જ ટેબલ પર મહિલાને સુવડાવી અને કહ્યું કે, અગાઉ તારી સાથેના કૃત્યનો મેં વીડિયો બનાવી દીધો છે જેથી હું કહું તેમ કર નહીં તો તે વીડિયો અન્યના મોબાઈલમાં વાયરલ કરી તને બદનામ કરી દઈશ તેવી ધમકી આપી તેણે પણ મહિલાની મરજી વિરદ્ધ શરીરસુખ માણ્યું હતું.
આમ આ બંને પિતા-પુત્રએ અવાર-નવાર મહિલા સાથે શરીર સુખ માણી વીડિયો વાયરલ કરવાની ધમકી આપી એકબીજાની મદદગારી કરી હોવાની મહિલાએ સમી પોલીસ મથકે ફરિયાદ નોંધાવી હતી.