વાયરલ વીડિોયમાં આઈપીએસ પુરષોત્તમ શર્મા પોતાની પત્નીને માર મારી રહ્યા છે. બચાવમાં પત્ની પણ તેમના પર કાતરથી હુમલો કરે છે. જ્યારે ઘરના બે કર્મચારી બચાવમાં આવે છે. પરંતુ પુરષોત્તમ શર્મા પત્નીને ગાળો પણ આપતા જોવા મળી રહ્યા છે. પુરષોત્તમ શર્મા હાલમાં રાજ્ય પોલીસમાં સ્પેશિયલ ડીજી તરીકે કાર્યરત છે. દીકરાએ શર્માની કરતૂતનો વીડિયો પ્રદેશા ગૃહમંત્રી નરોત્તમ મિશ્રા, ડીજીપી અને અન્ય પોલીસ અધિકારીઓને મોકલ્યો છે. જોકે વીડિયો સામે આવ્યા બાદ પોલીસ અધિકારીઓએ મૌન ધારણ કરી લીધું છે. પરંતુ હજુ સુધી પુરષોત્તમ શર્મા પર કોઈ કાર્રવાઈ કરવામાં નથી આવી.
વીડિયો વાયરલ થયા બાદ તેમના પર કાર્રવાઈની માગ ઉઠી રહી છે. જોકે સરકાર તરફતી હાલમાં કોઈ કાર્રવાઈ કરવામાં આવી નથી. જ્યારે તેના દીકરા પારથ ગૌતમ શર્માએ તેની ફરિયાદ મુખ્યમંત્રી શિવરાજ સિંહ ચૌહાણ અને ગૃહમંત્રી નરોત્તમ મિશ્રાને પણ કરી છે. એવામાં હવે બધાની નજર સરકાર પર છે કે શિવરાજ સરકાર તેના પર શું નિર્ણય કરે છે.
જાણકારી અનુસાર પુરષોત્તમ શર્માના દીકરા પાર્થ ગૌતમ શર્મા પણ આઈઆરએસ અધિકારી છે. ચર્ચા છે કે દીકરાએ જ આ વાડીયો બહાર પાડ્યો છે. બીજી બાજુ પુરષોત્તમ શર્માએ મીડિયા સાથે વાત કરતાં કહ્યું કે આ મારો પારિવારિક મામલો છે. હું આ સંબંધથી થાકી ગયો છું. આગળની કાર્રવાઈ માટે હું તૈયાર છું. મારા હાથમાં કોઈ હથિયાર ન હતું. પત્નીના હાથમાં કાતર હતી.