Railway Rules:ટિકિટ કન્ફર્મ થયા બાદ પરિવારનો અન્ય સભ્ય પણ સાથે આવવાનો કરે પ્લાન તો કેવી રીતે કરશો બુકિંગ, જાણો નિયમ
Railway Rules: ટ્રેન ટિકિટ બુક કરાવ્યા પછી, જો તમારી દીકરી તમારી સાથે જવાનો આગ્રહ રાખે, તો તમે તેને કેવી રીતે સાથે લઈ જઈ શકો છો? આવી પરિસ્થિતિમાં મુસાફર તરીકે તમે શું કરી શકો છો, જાણો.
Railway Rules:ભારતમાં, દરરોજ ઘણા લોકો ટ્રેનમાં મુસાફરી કરે છે. રેલ્વે દ્વારા આ લોકો માટે ઘણી ટ્રેનો ચલાવવામાં આવે છે. ક્યારેક, મુસાફરીના પ્લાનમાં અચાનક ફેરફાર થાય છે. તમે ટ્રેનની ટિકિટ બુક કરાવી છે અને હવે તમારી દીકરીનો પણ તમારી સાથે જવાનો પ્લાન બની રહ્યો છે તો આવી સ્થિતિમાં, મોટાભાગના લોકોના મનમાં એ પ્રશ્ન આવે છે કે હવે શું કરવું.
કારણ કે એકવાર ટિકિટ કન્ફર્મ થઈ જાય, પછી તેને બદલવાની કે બીજા કોઈને ઉમેરવાની સુવિધા મર્યાદિત હોય છે. તેમ છતાં, મુસાફરો પાસે કેટલાક વિકલ્પો છે. જેની મદદથી તેઓ તેમની દીકરીને પણ મુસાફરીમાં સાથે લઈ જઈ શકે છે. આ માટેના નિયમો અને શરતો શું છે, જાણીએ.
ટિકિટ કન્ફર્મ થયા પછી શું કોઈ મુસાફર ઉમેરી શકાય?
જો તમે ક્યાંક જઈ રહ્યા છો અને અચાનક તમારી દીકરી તમારી સાથે જવાનો આગ્રહ રાખે છે, તો શું તમે તેને સાથે લઈ જઈ શકો છો? તો ચાલો તમને જણાવી દઈએ કે રેલવેના નિયમો અનુસાર, ટિકિટ બુક થયા પછી, તમે તે ટિકિટમાં કોઈ ફેરફાર કરી શકતા નથી. એટલે કે તમે તે ટિકિટમાં કોઈ મુસાફર ઉમેરી શકતા નથી. તમે કોઈ મુસાફરને પણ ઉતારી શકતા નથી. પણ તમારે તમારી દીકરીને પણ સાથે લઈ જવી પડશે. તો પછી તમે શું કરશો? આવી પરિસ્થિતિ માટે રેલ્વેમાં કોઈ સીધો નિયમ નથી. પરંતુ તમે કેટલાક રસ્તાઓ અપનાવી શકો છો.
તમે તેને આ રીતે સાથે લઈ જઈ શકો છો
જો તમારી દીકરી ટિકિટ કન્ફર્મ થયા પછી પણ સાથે જવાનો આગ્રહ રાખે છે, તો તમે તેના માટે સામાન્ય ટિકિટ બુક કરાવી શકો છો અને ટ્રેનમાં ચઢ્યા પછી, તમે TTE ને મળી શકો છો અને તેમને રિઝર્વેશન કોચમાં તેની સીટ અપગ્રેડ કરવા વિનંતી કરી શકો છો. TTE તમારી દીકરીની ટિકિટમાં થોડો ચાર્જ લઈને અપડેટ કરી શકે છે અને તેને તમારી સાથે રિઝર્વેશન કોચમાં મુસાફરી કરવાની પરવાનગી આપી શકે છે. જો કે, આ ત્યારે જ શક્ય છે જ્યારે તે કોચમાં સીટ ખાલી હોય. ઘણીવાર એવું જોવા મળે છે કે ટ્રેન રવાના થયા પછી પણ કેટલીક સીટો ખાલી રહે છે.
ટોપ સ્ટોરી
ટ્રેન્ડિંગ સમાચાર
