'રેલીઓ-સભાઓમાં ભીડ ભેગી ના કરો અને ચૂંટણી સ્થગિત કરાવો' - પીએમ મોદી અને ચૂંટણી પંચને હાઇકોર્ટની ટકોર

હાઇકોર્ટે કહ્યું કે, પીએમ અને ચૂંટણી પંચ રાજ્યમાં રેલીઓ અને સભાઓ પર રોક લગાવવામાં માટે કડક પગલા ભરે. 

નવી દિલ્હીઃ દેશમાં કોરોના વાયરસ સંક્રમણના નવા વેરિએન્ટ ઓમિક્રૉનનુ સંકટ સતત વધી રહ્યું છે. આવામાં આગામી વર્ષે ઉત્તરપ્રદેશ સહિત પાંચ રાજ્યોમાં ચૂંટણી પણ યોજાવવાની છે, અને ચૂંટણી રેલીઓ દરમિયાન ભીડ પણ વધતી જાય છે. આને લઇને હવે અલ્હાબાદ હાઇકોર્ટે વડાપ્રધાન મંત્રી મોદી અને ચૂંટણી પંચને ખખડાવ્યા છે. તેમને અનુરોધ કર્યો છે કે, ચૂંટણી રેલીઓ અને સભાઓમા ભીડ ભેગી કરવાનુ બંધ કરો, અને ચૂંટણી બંધ રાખવા પર વિચાર કરવાનુ કહ્યું છે. હાઇકોર્ટે કહ્યું કે, પીએમ અને ચૂંટણી પંચ રાજ્યમાં રેલીઓ અને સભાઓ પર રોક લગાવવામાં માટે કડક પગલા ભરે. 

અલ્હાબાદ કોર્ટે ટિપ્પણી કરતા કહ્યું કે, આપણા દેશના માનનીય વડાપ્રધાન, જેમણે ભારત જેવા વિશાળ વસ્તીવાળા દેશમાં મફત કોરોના રસીકરણ માટે અભિયાન ચલાવ્યું, તે પ્રશંસનીય છે. કોર્ટે કહ્યું હવે કોરોનાની આ ભયંકર મહામારીની પરિસ્થિતિને ધ્યાનમાં રાખીને કડક પગલાં લે અને રેલીઓ, સભાઓ અને આગામી ચૂંટણીઓને રોકવા અને મુલતવી રાખવા વિશે વિચારે કારણ કે ‘જાન હૈ તો જ્હાન હૈ.’ હાઇકોર્ટની જસ્ટિસ શેખર યાદવની ડિવિઝન બેંચ જામીનના આદેશ પર સુનાવણી કરી રહી હતી. તે દરમિયાન ખંડપીઠે ચૂંટણી પંચને રાજકીય રેલીઓ રોકવા માટે તાત્કાલિક નિર્દેશ જારી કરવાની પણ અપીલ કરી હતી. 

આ પણ વાંચો.........