Mahakumbh: મહાકુંભમાં વધુ એક દુર્ઘટના, હિલિયમ ગેસથી ભરેલું એર બલૂન ફાટ્યું, 6 દાઝ્યાં, એકની હાલત ગંભીર

Mahakumbh Tragedy: આ દુર્ઘટના ત્યારે થઈ જ્યારે હિલિયમ ગેસથી ભરેલો બલૂન અચાનક ઉડતાં ઉડતાં જમીન પર પટકાયો હતો અને જોરથી બલૂન ફાટ્યું હતુ. જેના કારણે બાસ્કેટમાં સવાર તમામ શ્રદ્ધાળુઓ ગંભીર રીતે દાઝી ગયા હતા.

પ્રયાગરાજમાં મહાકુંભમાં વઘુ એક દુર્ઘટના

Source : PTI

Mahakumbh Tragedy Prayagraj: પ્રયાગરાજ મહાકુંભમાં વધુ એક મોટો અકસ્માત થયો છે. સોમવારે, હિલિયમ ગેસથી ભરેલો એર બલૂન ફાટ્યું હતું જેના કારણે વિસ્ફોટ થયો હતો, જેનાથી તેની બાસ્કેટમાં બેઠેલા  છ શ્રદ્ધાળુઓ ગંભીર રીતે ઘાયલ થયા હતા. આમાંથી એક ભક્તની હાલત નાજુક હોવાનું કહેવાય છે. ઘાયલોને તાત્કાલિક મેડિકલ કોલેજ દ્વારા સંચાલિત સ્વરૂપ રાની નેહરુ હોસ્પિટલમાં રિફર કરવામાં આવ્યા હતા. જ્યાં તેની સારવાર ચાલી રહી છે.

આ અકસ્માત મહાકુંભ મેળા વિસ્તારમાં સેક્ટર 20ના અખાડા માર્ગ પાસે થયો હતો, જ્યાં સોમવારે બપોરે વસંત પંચમીના સ્નાન પર્વ દરમિયાન હિલિયમ ગેસથી ભરેલો હોટ એર બલૂન ફાટ્યું હતો. આ દુર્ઘટના ત્યારે થઈ જ્યારે બલૂન હિલીયમ ગેસ ભર્યા બાદ જમીન પરથી ઉડી રહ્યો હતો ત્યારે જોરથી બલૂન ફાટ્યો. જેના કારણે ટોપલીમાં સવાર તમામ શ્રદ્ધાળુઓ ગંભીર રીતે દાઝી ગયા હતા.

હિલિયમ ગેસથી ભરેલો  એર બલૂન ફાટ્યો હતો

સદ્ભાગ્યની વાત એ હતી કે, હોટ એર બલૂન ઉડતા પહેલા જ ફાટી ગયો હતો. જો આ દુર્ઘટના વધુ ઉંચાઈએ થઈ હોત તો ઘટના વધુ ગંભીર બની શકી હોત. ઘટના બાદ તમામ ઘાયલોને તાત્કાલિક એમ્બ્યુલન્સ દ્વારા મહાકુંભની સબ-સેન્ટ્રલ હોસ્પિટલમાં દાખલ કરવામાં આવ્યા હતા. જ્યાં તેમની ગંભીર હાલતને જોતા તમામને મેડિકલ કોલેજ સંચાલિત સ્વરૂપ રાની નેહરુ હોસ્પિટલમાં રિફર કરવામાં આવ્યા છે. જ્યાં તેની સારવાર ચાલી રહી છે. ઘાયલો પૈકી એકની હાલત ગંભીર હોવાનું કહેવાય છે.               

આ અકસ્માતમાં બાસ્કેટમાં સવાર 27 વર્ષનો પ્રદીપ, 13 વર્ષનો અમન, 16 વર્ષનો નિખિલ, 50 વર્ષનો મયંક, 32 વર્ષનો લલિત અને 25 વર્ષનો શુભમ ઘાયલ થયા છે. જેમાંથી પ્રદીપ અને નિખિલ ઋષિકેશના રહેવાસી છે, જ્યારે અમન હરિદ્વારનો છે, લલિત મધ્યપ્રદેશના ખરગોનનો છે, શુભમ ઈન્દોરનો છે અને મયંક પ્રયાગરાજનો છે. અગાઉ મૌની અમાવસ્યાના દિવસે મહાકુંભમાં નાસભાગ થતાં 30 લોકોએ જીવ ગુમાવ્યા હતા.