Assembly Election Results 2026: પશ્ચિમ બંગાળ, કેરળ અને આસામ સહિત પાંચેય રાજ્યોની વિધાનસભા ચૂંટણી બાદ મતોની ગણતરી શરૂ થઈ ગઈ છે. બંગાળના શરૂઆતના વલણોમાં ભારતીય જનતા પાર્ટી અને તૃણમૂલ કોંગ્રેસ વચ્ચે જોરદાર ટક્કર જોવા મળી રહી છે. ભાજપ અને TMC 5-5 બેઠકો પર આગળ છે. જ્યારે આસામમાં ભાજપનું વર્ચસ્વ જોવા મળી રહ્યું છે. કેરળ અને તમિલનાડુના વલણો પણ સામે આવી ગયા છે.
બંગાળની ભવાનીપુર બેઠક ઘણી ચર્ચામાં રહી છે. મમતા બેનર્જીએ આ બેઠક પરથી ચૂંટણી લડી છે. તેઓ શરૂઆતના વલણોમાં આગળ ચાલી રહ્યા છે. બીજી તરફ આસામની વાત કરીએ તો, ભાજપ 3 બેઠકો પર આગળ ચાલી રહી છે, જ્યારે કોંગ્રેસ 1 બેઠક પર આગળ છે. જો તમિલનાડુની વાત કરીએ તો, DMK અને તેના સાથી પક્ષો 9 બેઠકો પર આગળ ચાલી રહ્યા છે, જ્યારે AIADMK માત્ર 3 બેઠકો પર આગળ છે.
પુડુચેરીમાં પણ વિધાનસભા ચૂંટણી બાદ મતોની ગણતરી ચાલી રહી છે. શરૂઆતના વલણોમાં ભારતીય જનતા પાર્ટી 13 બેઠકો પર આગળ ચાલી રહી છે, જ્યારે કોંગ્રેસ અને તેના સાથી પક્ષો 4 બેઠકો પર આગળ ચાલી રહ્યા છે.
કેરળમાં બરાબરીની રેસ: કોંગ્રેસ ગઠબંધન આગળકેરળ વિધાનસભા ચૂંટણી માટે મતગણતરી ચાલી રહી છે. હાલમાં તાજા આંકડા મુજબ કોંગ્રેસ ગઠબંધન 64 બેઠકો પર આગળ છે, જ્યારે ડાબેરી ગઠબંધન 61 બેઠકો પર આગળ છે.
TMC અને ભાજપના એજન્ટો વચ્ચે અથડામણ
પશ્ચિમ બંગાળમાં મતગણતરી પહેલાં સવારે 6:30 વાગ્યે ભવાનીપુરની સખાવત મેમોરિયલ સ્કૂલની બહાર TMC અને ભાજપના એજન્ટો વચ્ચે અથડામણ થઈ. ભવાનીપુર બેઠક પર મમતા બેનર્જી અને સુવેન્દુ અધિકારી સામસામે છે.