Ram temple biggest donor: અયોધ્યામાં ભગવાન શ્રી રામના ભવ્ય મંદિર પર આજે એક ઐતિહાસિક ક્ષણ સર્જાવા જઈ રહી છે. પ્રધાનમંત્રી નરેન્દ્ર મોદી વિવાહ પંચમીના પાવન અવસરે રામ મંદિરના શિખર પર ભગવો ધ્વજ લહેરાવશે. આ ભવ્ય મંદિરના નિર્માણમાં દેશ-વિદેશના લાખો ભક્તોએ યથાશક્તિ યોગદાન આપ્યું છે. શ્રી રામ જન્મભૂમિ તીર્થ ક્ષેત્ર ટ્રસ્ટના ડેટા મુજબ, જાણીતા કથાકાર અને આધ્યાત્મિક ગુરુ મોરારી બાપુએ મંદિર નિર્માણ માટે સૌથી વધુ રોકડ દાન આપ્યું છે. આ ઉપરાંત, સુરતના હીરા ઉદ્યોગકારો અને અંબાણી પરિવારે પણ કરોડો રૂપિયાનું સમર્પણ કર્યું છે. આવો જાણીએ રામ લલાના ચરણોમાં કોણે કેટલી સંપત્તિ અર્પણ કરી છે.
PM મોદીના હસ્તે શિખર પર ધ્વજવંદન
આજે અયોધ્યામાં ભગવાન રામ અને માતા સીતાના વિવાહ પંચમી મહોત્સવની ઉજવણી થઈ રહી છે. આ અવસરે પ્રધાનમંત્રી નરેન્દ્ર મોદી અભિજીત મુહૂર્ત દરમિયાન (સવારે 11:58 થી બપોરે 12:30 વચ્ચે) મંદિરના શિખર પર ધ્વજારોહણ કરશે. આ ધ્વજનું કદ ભવ્ય છે, જે 22 ફૂટ લંબાઈ અને 11 ફૂટ પહોળાઈ ધરાવે છે. આ પ્રસંગે RSS વડા મોહન ભાગવત, યુપીના રાજ્યપાલ આનંદીબેન પટેલ અને મુખ્યમંત્રી યોગી આદિત્યનાથ સહિત હજારો લોકો સાક્ષી બનશે. આ ધ્વજવંદન મંદિર નિર્માણ કાર્યની પૂર્ણતાનું પ્રતીક માનવામાં આવે છે.
સૌથી મોટા દાતા: મોરારી બાપુ
રામ મંદિર માટે આર્થિક સહયોગ આપવામાં ગુજરાત અને ગુજરાતીઓ મોખરે રહ્યા છે. ટ્રસ્ટની વેબસાઈટ પર ઉપલબ્ધ માહિતી મુજબ, પૂજ્ય મોરારી બાપુએ રામ મંદિર માટે વ્યક્તિગત રીતે સૌથી મોટું એટલે કે ₹11.3 કરોડનું દાન આપ્યું છે. આ ઉપરાંત, અમેરિકા (US), કેનેડા અને યુકેમાં વસતા તેમના અનુયાયીઓએ વધારાના ₹8 કરોડનું યોગદાન આપ્યું છે. આમ, મોરારી બાપુના માધ્યમથી રામ મંદિરને કુલ ₹18.6 કરોડનું માતબર દાન પ્રાપ્ત થયું છે. અત્યાર સુધીમાં ટ્રસ્ટને કુલ ₹5,500 કરોડથી વધુનું ભંડોળ મળ્યું છે.
101 કિલો સોનું અર્પણ કરનાર સુરતી વેપારી
રોકડ રકમ ઉપરાંત સુવર્ણ દાનમાં સુરતનો દબદબો રહ્યો છે. સુરતના અગ્રણી હીરા ઉદ્યોગપતિ દિલીપ કુમાર વી. લાખી અને તેમના પરિવારે રામ લલા માટે 101 કિલો સોનું દાનમાં આપ્યું હતું. બજાર કિંમત પ્રમાણે આ સોનાની કિંમત આશરે ₹68 કરોડ થાય છે. આ સોનાનો ઉપયોગ મંદિરના મુખ્ય દરવાજા, ગર્ભગૃહ, ત્રિશૂળ, ડમરુ અને સ્તંભોને સુવર્ણજડિત કરવા માટે કરવામાં આવ્યો છે.
અંબાણી પરિવાર અને અન્ય દિગ્ગજોનું યોગદાનદેશના સૌથી ધનિક ઉદ્યોગપતિ મુકેશ અંબાણીએ પણ રામ મંદિરના પ્રાણ પ્રતિષ્ઠા મહોત્સવ સમયે ટ્રસ્ટને ₹2.51 કરોડનું દાન આપ્યું હતું. તેમના પરિવારે અન્ય સેવાકીય પ્રવૃત્તિઓમાં પણ મોટું યોગદાન આપ્યું છે.
અન્ય પ્રમુખ દાતાઓ:
ગોવિંદ ધોળકિયા (સુરત): જાણીતા ડાયમંડ ટાયકૂન ગોવિંદભાઈએ ₹11 કરોડનું દાન આપ્યું છે.
મુકેશ પટેલ (ગ્રીન લેબ ડાયમંડ): તેમણે ભગવાન માટે ₹11 કરોડની કિંમતનો અત્યંત કિંમતી હીરાનો મુગટ અર્પણ કર્યો છે.
મહાવીર મંદિર (પટના): પટનાના પ્રસિદ્ધ મહાવીર મંદિર ટ્રસ્ટ દ્વારા ₹10 કરોડનું અનુદાન આપવામાં આવ્યું છે.
મહેશ કબૂતરવાલા: તેમણે મંદિર નિર્માણ માટે ₹5 કરોડનું યોગદાન આપ્યું છે.
વર્ષ 2022 માં જ્યારે નિધિ સમર્પણ અભિયાન શરૂ થયું હતું, ત્યારે પહેલા જ દિવસે ભક્તોએ ₹3 કરોડથી વધુનું દાન આપીને પોતાની શ્રદ્ધા પ્રગટ કરી હતી.