ચોમાસુ સત્ર શરૂ થાય તે પહેલાં, વડા પ્રધાન મોદીએ કહ્યું, "આ ચોમાસુ સત્ર વિજય ઉજવણી છે. આખી દુનિયાએ ભારતની લશ્કરી શક્તિનું સ્વરૂપ જોયું. ઓપરેશન સિંદૂરમાં, ભારતીય સેના દ્વારા નિર્ધારિત લક્ષ્ય 100 ટકા પ્રાપ્ત થયું. ઓપરેશન સિંદૂર હેઠળ, આતંકવાદીઓના આકાઓના ઘરો 22 મિનિટમાં જમીનદોસ્ત કરી દેવામાં આવ્યા.
સંસદનું ચોમાસુ સત્ર આજથી સોમવારથી શરૂ થઈ રહ્યું છે. સંસદ સત્રમાં વિપક્ષ ઘણા મુદ્દાઓ પર સંપૂર્ણપણે આક્રમક બને તેવી અપેક્ષા છે. સત્ર શરૂ થાય તે પહેલાં, વડા પ્રધાન નરેન્દ્ર મોદીએ સંસદ પરિસરમાં કહ્યું કે ,ચોમાસુ નવીનતા અને પુનર્નિર્માણનું પ્રતીક છે. તે કૃષિ માટે ફાયદાકારક ઋતુ છે. ચોમાસુ સત્ર દેશ માટે ખૂબ જ ગર્વનું સત્ર છે.
પીએમ મોદીએ કહ્યું, "સેનાએ આતંકવાદીઓના ઘરોમાં ઘૂસીને ઓપરેશન સિંદૂરમાં નિર્ધારિત લક્ષ્ય પ્રાપ્ત કર્યું. તેમને જમીનદોસ્ત કરી દેવામાં આવ્યા."
સંસદ સત્ર શરૂ થતાં પહેલાં પીએમ મોદીએ કહ્યું, "ચોમાસું નવીનતા અને નવીનીકરણનું પ્રતીક છે. અત્યાર સુધીના સમાચારો અનુસાર,દેશમાં મોનસૂન ખૂબ જ સારી રીતે આગળ વધી રહ્યું છે. ખેતી માટે ફાયદાકારક હવામાનના અહેવાલો છે. ખેડૂતોના અર્થતંત્રમાં, દેશના અર્થતંત્રમાં, ગ્રામીણ અર્થતંત્રમાં અને દરેક પરિવારના અર્થતંત્રમાં વરસાદ ખૂબ જ મહત્વપૂર્ણ છે. આ વખતે છેલ્લા 10 વર્ષમાં પાણીના ભંડારમાં 3 ગણો વધારો થયો છે. જેનો આગામી દિવસોમાં દેશના અર્થતંત્રને પણ ફાયદો થશે."
વિપક્ષે સરકારને ઘેરવાની તૈયારી કરી
ચોમાસુ સત્રના પહેલા દિવસે પીએમ મોદીના પરંપરાગત ભાષણ પહેલાં, કોંગ્રેસે સોમવારે કહ્યું હતું કે, જ્યારે વિપક્ષ પહેલગામમાં આતંકવાદી હુમલો, પછી ઓપરેશન સિંદૂર અને પછી યુએસ રાષ્ટ્રપતિ ડોનાલ્ડ ટ્રમ્પના મધ્યસ્થીનો દાવો ઉઠાવશે, ત્યારે પીએમએ ગૃહમાં હાજર રહેવું જોઈએ.
સંસદનું ચોમાસુ સત્ર આજથી (21 જુલાઈ) શરૂ થઈ રહ્યું છે અને 21 ઓગસ્ટ સુધી કુલ 21 બેઠકોનું આયોજન કરવામાં આવ્યું છે. કોંગ્રેસના નેતા જયરામ રમેશે સોશિયલ મીડિયા પ્લેટફોર્મ X પર જણાવ્યું હતું કે,
પીએમ મોદી સંસદમાં ભાગ્યે જ જોવા મળે છે: રમેશ
તેમણે કહ્યું, 'પીએમ મોદી સંસદમાં ખૂબ જ ભાગ્યે જ જોવા મળે છે. તેઓ રાષ્ટ્રપતિના ભાષણ પર આભાર પ્રસ્તાવ દરમિયાન વર્ષમાં ફક્ત એક જ વાર બોલે છે, પરંતુ આ વખતે જ્યારે પહેલગામ આતંકવાદી હુમલો, ઓપરેશન સિંદૂર અને રાષ્ટ્રપતિ ટ્રમ્પ સંબંધિત મુદ્દાઓ સંસદમાં ચર્ચા માટે આવશે, ત્યારે તેમણે દેશ પ્રત્યેની પોતાની જવાબદારી નિભાવવી જોઈએ.'