CM Oath Ceremony :પશ્ચિમ બંગાળમાં સુવેન્દુ અધિકારીએ લીધા મુખ્યમંત્રી પદના શપથ, પહેલીવાર બની ભાજપની સરકાર
પશ્ચિમ બંગાળની વિધાનસભાની ચૂંટણીમાં ભાજપે પહેલી વખત જીત હાંસિલ કરી, 293 માંથી 207 બેઠકો જીતી, જ્યારે મમતા બેનર્જીની ટીએમસી માત્ર 80 બેઠકો પર સમેટાઈ ગઈ. સુવેન્દુ અધિકારી પશ્ચિમ બંગાળના 9મા મુખ્યમંત્રી બન્યાં છે . આજે તેઓ 11 વાગ્યે તેમણે સીએમ પદના શપથ લીધા.
ભારતીય જનતા પાર્ટી (ભાજપ) એ સુવેન્દુ અધિકારીને પશ્ચિમ બંગાળ વિધાનસભા પક્ષના નેતા તરીકે ચૂંટ્યા છે, તેઓએ આજે મુખ્યમંત્રી તરીકે શપથ લીધા. પ્રધાનમંત્રી નરેન્દ્ર મોદી, ગૃહમંત્રી અમિત શાહ, તમામ મુખ્ય કેન્દ્રીય મંત્રીઓ અને લગભગ 20 રાજ્યોના મુખ્યમંત્રીઓ સુવેન્દુના શપથ ગ્રહણ સમારોહમાં ઉપસ્થિત રહ્યાં .
આજે, 9 મે, 2026, પશ્ચિમ બંગાળના રાજકારણ માટે એક ઐતિહાસિક દિવસ છે. પહેલી વાર, ભારતીય જનતા પાર્ટી રાજ્યમાં સરકાર બનાવી . નંદીગ્રામ અને ભવાનીપુર જેવી હાઇ-પ્રોફાઇલ સ્પર્ધાઓમાં મમતા બેનર્જીને હરાવનારા સુવેન્દુ અધિકારી હવે બંગાળનો કાર્યભાર સંભાળશે. કોલકાતાનું બ્રિગેડ પરેડ ગ્રાઉન્ડ આ ભવ્ય શપથ ગ્રહણ સમારોહનું સાક્ષી બન્યું.
"શ્યામા પ્રસાદ મુખર્જીનું સ્વપ્ન સાકાર થયું છે," દિલીપ ઘોષે બંગાળમાં ભાજપની જીત પર કહ્યું
પશ્ચિમ બંગાળમાં ભાજપ સરકારના શપથ ગ્રહણ સમારોહ દરમિયાન, પાર્ટીના નેતા દિલીપ ઘોષે તેને લાંબા રાજકીય સંઘર્ષની જીત ગણાવી. તેમણે કહ્યું કે ભાજપે રાજ્યમાં પરિવર્તન લાવવા માટે વર્ષો સુધી સંઘર્ષ કર્યો હતો, અને અંતે લોકોએ પરિવર્તનની તરફેણમાં મતદાન કર્યું છે.
દિલીપ ઘોષે કહ્યું કે, આ જનાદેશ ભારતીય જનસંઘના સ્થાપક શ્યામા પ્રસાદ મુખર્જીના સપનાને પૂર્ણ કરશે. તેમણે દાવો કર્યો કે લોકોએ સત્તાના દુરુપયોગ અને લોકો પર દમન માટે ટીએમસી અને કોંગ્રેસને નકારી કાઢ્યા છે. ભાજપના નેતાએ કહ્યું કે રાજ્યના લોકોએ ભાજપને સત્તા સોંપીને બંને પક્ષોને યોગ્ય જવાબ આપ્યો છે.
બંગાળના મુખ્યમંત્રી તરીકે શપથ ગ્રહણ કરતા પહેલા, સુવેન્દુ અધિકારીએ પોસ્ટ કર્યું, "આજે સોનાર બાંગ્લા યુગની શરૂઆત છે."
A historic dawn for West Bengal indeed.
— Suvendu Adhikari (@SuvenduWB) May 9, 2026
It is a moment of profound pride and jubilation to welcome Visionary Leader Hon’ble PM Shri @narendramodi Ji to the City of Joy.
Today, as we witness the Swearing-in-Ceremony of the first-ever BJP Government in West Bengal since… pic.twitter.com/XCuJxwPBw3
ભાજપ વિધાનસભા પક્ષની બેઠક બાદ શુક્રવારે સાંજે સુવેન્દુ અધિકારી રાજ્યપાલ આર.એન. રવિને મળ્યા અને રાજ્યમાં પ્રથમ ભાજપની આગેવાની હેઠળની સરકાર બનાવવાનો દાવો રજૂ કર્યો. કેન્દ્રીય ગૃહમંત્રી અમિત શાહની અધ્યક્ષતામાં મળેલી બેઠકમાં ભાજપ વિધાનસભા પક્ષના નેતા તરીકે ચૂંટાયાના બે કલાક પછી અધિકારી લોકભવન પહોંચ્યા. આ સમારોહ દરમિયાન સુવેન્દુ સાથે ભાજપના ઘણા ટોચના નેતાઓ હાજર રહ્યા હતા, જેમાં કેન્દ્રીય મંત્રીઓ ભૂપેન્દ્ર યાદવ, સુકાંત મજુમદાર અને શાંતનુ ઠાકુર, ઓડિશાના મુખ્યમંત્રી અને ભાજપ વિધાનસભા પક્ષની બેઠકના સહ-નિરીક્ષક મોહન ચરણ માઝી, ભાજપ બંગાળ એકમના પ્રમુખ સમિક ભટ્ટાચાર્ય અને દિલીપ ઘોષ, લોકેટ ચેટર્જી અને તાપસ રોય જેવા અન્ય વરિષ્ઠ રાજ્ય પક્ષના નેતાઓનો સમાવેશ થાય છે.
આ પણ વાંચો:West Bengal: સુવેન્દુ અધિકારીના પીએને મારવા પાછળ શું હતુ કારણ ? બીજેપી નેતાનો મોટો ખુલાસો
ભારતની આઝાદી પછી પહેલી વાર વિધાનસભા ચૂંટણીમાં ભાજપે બહુમતી મેળવી, 293 માંથી 207 બેઠકો જીતી, જ્યારે મમતા બેનર્જીની તૃણમૂલ કોંગ્રેસ માત્ર 80 બેઠકો પર સમેટાઈ ગઈ. સુવેન્દુ અધિકારી પશ્ચિમ બંગાળના નવમા મુખ્યમંત્રી બનશે. તેઓ આજે મુખ્યમંત્રી પદના શપથ ગ્રહણ કર્યાં સમારોહમાં ભાજપના અનેક દિગ્ગજ નેતાઓ ઉપસ્થિત રહ્યાં હતા
ભાજપના નેતા અને ભૂતપૂર્વ કેન્દ્રીય મંત્રી સ્મૃતિ ઈરાની સુવેન્દુ અધિકારીના શપથ ગ્રહણ સમારોહમાં હાજરી આપવા માટે કોલકાતા પહોંચ્યા છે.
15 વર્ષના જુલમ પછી સુશાસન આવશે - ભાજપ કાર્યકર્તા
. ભાજપની ઐતિહાસિક જીત બાદ પાર્ટીના કાર્યકરો અને સમર્થકોમાં ભારે ઉત્સાહ છે. ભાજપના એક કાર્યકર્તાએ જણાવ્યું હતું કે 15 વર્ષના જુલમ પછી, રાજ્યમાં હવે સુશાસન આવવાનું શરૂ થયું છે.
ટોપ સ્ટોરી
ટ્રેન્ડિંગ સમાચાર
