PM Narendra Modi in BJP National Executive : વડાપ્રધાન નરેન્દ્ર મોદીએ ભારતીય જનતા પાર્ટીની રાષ્ટ્રીય કાર્યકારિણી બેઠકના બીજા દિવસે સંબોધન કર્યું હતું. આ દરમિયાન પીએમએ ભાજપના નેતાઓને મુસ્લીમ વિરોધી નિવેદનબાજીથી બચવા કહ્યું હતું. આ ઉપરાંત પીએમ મોદીએ એમ પણ કહ્યું હતું કે, હવે લોકસભાની ચૂંટણીને માત્ર 400 દિવસ આડા છે. સાથે જ તેમણે નેતાઓ-કાર્યકર્તાઓને કેટલાક કડવા ડોઝ પણ આપ્યા હતાં.
પીએમ મોદીએ ભાજપના નેતાઓ-કાર્યકર્તાઓને સલાહ આપતા કહ્યું હતું કે, મુસ્લિમ સમાજ વિશે ખોટા નિવેદનો ન કરો. પસમંદા અને બોરા સમાજને મળવું જોઈએ. કામદારો સાથે સંવાદ યથાવત રીતે જાળવી રાખવો પડશે. સમાજના તમામ વર્ગોને મળો. મત આપે કે ન આપે પણ તેમને મળતા રહો. પાર્ટીના ઘણા લોકોને હજુ પણ લાગે છે કે તેઓ વિપક્ષમાં છે. પાર્ટીમાં ઘણા લોકોએ શિષ્ટ ભાષા બોલવી જોઈએ તેવી ટકોર પણ પીએમ મોદીએ કરી હતી.
સૂત્રોના જણાવ્યા અનુસાર, પીએમે રાજસ્થાન અને છત્તીસગઢના કાર્યકર્તાઓને કહ્યું હતું કે, વધુ પડતા આત્મવિશ્વાસના કારણે ચૂંટણી હાર્યા છીએ. માટે દરેક વ્યક્તિએ વધુ પડતા આત્મવિશ્વાસથી બચવું જોઈએ. દરેક વ્યક્તિએ સખત મહેનત કરવાની જરૂર છે. 'મોદી આવશે, જીતશે' તેનાથી કામ નહીં થાય. દરેક વ્યક્તિએ સંવેદનશીલ બનવાની જરૂર છે. સત્તા પર બેઠેલા લોકોએ એવું ન વિચારવું જોઈએ કે તેઓ કાયમી છે.
'મહેનત કરવામાં પીછેહઠ કરશો નહીં'
પીએમએ કાર્યકરોને કામ સોંપ્યું છે. તેમણે કહ્યું હતું કે, સરહદ નજીકના ગામડાઓમાં સંગઠનને મજબૂત બનાવવું જોઈએ. વડાપ્રધાને સરહદી રાજ્યોમાં સરહદ નજીકના ગામડાઓમાં સંગઠનને મજબૂત કરવા અને નવા કાર્યકરોને બૂથ મજબૂત કરવાના નિર્દેશ આપ્યા હતા. સખત મહેનતમાં પાછળ ન રહેશો. ચૂંટણીમાં 400 દિવસ જ બાકી છે. તમામ શક્તિ લગાવી વ્યસ્ત રહેવા ટકોર કરી હતી.
'વ્યક્તિએ જુદી જુદી જગ્યાએ જવું જોઈએ અને લોકોને મળવું જોઈએ'
મોદીએ કહ્યું હતું કે, ભારતના જીવનનો શ્રેષ્ઠ સમયગાળો આવી રહ્યો છે. આવી સ્થિતિમાં મહેનત કરવામાં પાછળ ન રહો. પ્રયત્નોની પરાકાષ્ઠા કરો. તમારે અલગ-અલગ જગ્યાએ જવું પડશે અને લોકોને મળવું પડશે. રાષ્ટ્રવાદની જ્યોત સર્વત્ર સળગવી જોઈએ.
તેમણે કહ્યું હતું કે, ચૂંટણીમાં પુરી તાકાત લગાવો. આપણે સખત મહેનતમાં પીછે હટ નથી કરવાની. ભાજપ હવે માત્ર રાજકીય આંદોલન નથી રહ્યું. તેને સામાજિક ચળવળમાં ફેરવવી જોઈએ. તેમણે ભાજપ મોરચાના કાર્યક્રમ અંગે જણાવ્યું હતું. પીએમએ કહ્યું હતું કે, અમૃત કાળને કર્તવ્યકાળમાં રૂપાંતરિત કરવું પડશે. હવે સામાજિક રીતે મહત્વની ભૂમિકા ભજવવાની છે.
'સંદેશ યુવાનો સુધી પહોંચવાનો'
ભાજપ કાર્યકારિણીની બેઠક બાદ દેવેન્દ્ર ફડણવીસે પત્રકાર પરિષદ યોજી હતી. તેમણે કહ્યું હતું કે, પીએમ મોદીનું ભાષણ એક રાજનેતા જેવું હતું નહીં કે એક નેતા જેવું. તેમણે દેશને પક્ષથી ઉપર રાખ્યો. વડાપ્રધાને કહ્યું હતું કે, આપણે કેવી રીતે ખરાબ શાસનમાંથી સુશાસન તરફ આવ્યા છીએ એ સંદેહને આપણે યુવાનો સુધી પહોંચાડવાનો છે. આપણે સમાજના તમામ ભાગો સાથે સંવેદનશીલતા સાથે જોડવાનું છે. ભાજપે મતની ચિંતા કર્યા વિના દેશ અને સમાજને બદલવાનું કામ કરવાનું છે.
18-25 વર્ષથી નીચેના લોકોએ ભારતનો રાજકીય ઇતિહાસ જોયો નથી. અગાઉની સરકારોએ કરેલા ભ્રષ્ટાચાર અને ગેરરીતિઓથી તેઓ વાકેફ નથી. તેથી તેમને જાગૃત કરવાની અને ભાજપના સુશાસન વિશે જણાવવાની જરૂર છે. વડાપ્રધાને કહ્યું હતું કે, જે રીતે આપણે બેટી બચાવો અભિયાનને સફળ બનાવ્યું છે, તે જ રીતે આપણે 'પૃથ્વી બચાવો અભિયાન' ચલાવવાનું રહેશે. ખાતરોના વધુ પડતા ઉપયોગને કારણે આબોહવા પરિવર્તન અને માતા પૃથ્વી પરના પરિણામોને ઘટાડવાની જરૂર છે.