નવી દિલ્હી: કોરોનાની મહામારીના કારણે લૉકડાઉનમાં ફસાયેલા મજૂરોની ઘર વાપસી શરુ થઈ ગઈ છે. લૉકડાઉનન વચ્ચે તેલંગણાથી ઝારખંડ માટે પ્રથમ સ્પેશિયલ ટ્રેન દોડાવામાં આવી છે. આ ટ્રેનમાં 1200 પ્રવાસીઓને રવાના કરવામાં આવ્યા છે. આરપીએફના ડીજી અરુણ કુમારે જણાવ્યું કે, “24 ડબ્બાવાળી આ ટ્રેન શુક્રવારે સવારે 4 વાગીને 50 મિનિટે રવાના થઈ.” તેઓએ જણાવ્યું કે, પ્રવાસીઓ લોકડાઉમાં શરૂ કરવામાં આવેલી આ પ્રથમ ટ્રેન છે. સંયોગથી શુક્રવારે આંતરરાષ્ટ્રીય મજૂર દિવસ પણ છે.

તેલંગણા સરકારની વિનંતી બાદ કેન્દ્રીય રેલ મંત્રાલયના નિર્દેશાનુસાર હૈદરાબાદ અને ઝારખંડ વચ્ચે એક સ્પેશિયલ ટ્રેન દોડાવવામાં આવી. આ ટ્રેનથી ઝારખંડના મજૂરોને પરત ઘરે મોકલવામાં આવ્યા છે. આ ટ્રેન હૈદરાબાદના લિંગમપલ્લી અને ઝારખંડના હટિયા વચ્ચે ચલાવવામાં આવી છે.



ઝારખંડના મુખ્યમંત્રી હેમંત સોરેને ટ્વીટ કરીને કહ્યું કે, “મજૂર દિવસ પર તમામ શ્રમિક ભાઈઓ -બહેનોને આ ઝારખંડી ભાઈ-પુત્રના જોહાર. હું જાણું છું કે આ લોકડાઉનમાં તમને મુશ્કેલીનો સામનો કરવો પડ્યો છે. અમે તમારી જલ્દીજ સકુશળ વાપસી માટે કામ કરી રહ્યાં છે.”