Coronavirus Pandemic: કોરોના રોકવા હવે એક નહીં પણ બે માસ્ક પહેરો પણ આ માસ્ક કેવા હોવા જોઈએ ? માત્ર સર્જિકલ કે ફક્ત કોટન માસ્ક નહીં રોકી શકે કોરોના..

Mask Wearing: જ્યારે કોઈ વ્યક્તિ ભીડભાડવાળી જગ્યા પર જાય ત્યારે સોશિયલ ડિસ્ટેંસિંગનું પાલન કરવું શક્ય નથી. તેથી ડબલ માસ્ક પહેરવાની સલાહ આપવામાં આવે છે. નિષ્ણાતોના કહેવના મુજબ સંક્રમિત વ્યક્તિ પાસેથી પસાર થવા છતાં ડબલ માસ્ક પહેર્યા હોવાથી ડ્રોપલેટ્સ તમારી નજીક પહોંચવાની શક્યતા ઘટી જાય છે.

નવી દિલ્હીઃ દેશમાં કોરોના વાયરસની બીજી લહેર કહેર (Coronavirus Second Wave) બનીને તૂટી છે. જે સ્પીડ સાથે દેશમાં કોરોનાના આંકડા વધી રહ્યા છે તેના પરથી લાગે છે કે થોડા જ દિવસોમાં કોરોનાના દૈનિક કેસની (Corona Cases in India) સંખ્યા બે લાખને પાર થઈ જશે. છેલ્લા 24 કલાકના આંકડાના વાત કરીએ તો 1.61 લાખથી વધારે નવા કેસ આવ્યા છે અને 879 લોકોના મોત થયા છે. કોવિડ-19થી બચવા માટે માસ્ક (Mask) પહેરવું ખૂબ જરૂરી છે. એક્સપર્ટના કહેવા મુજબ, ટ્રાન્સમિશન રોકવા માટે ડબલ માસ્ક શ્રેષ્ઠ વિકલ્પ (Double Mask) છે.

દિલ્હીની મેક્સ હોસ્પિટલના ડો. રોમેલે ટિકૂ અનુસારા કોરોના ટ્રાન્સમિશનથી બચવા માટે એક સર્જિકલ માસ્ક (Surgical Mask) અને એક કપડાંનું માસ્ક અથવા કપડાંના બે માસ્ક પહેરી શકાય છે. જો એન-95 (N95 Mask) હોય તો ડબલ માસ્ક પહેરવાની જરૂર નથી.

ટાઈમ્સ ઓફ ઈન્ડિયાના રિપોર્ટ મુજબ, ડો. રોમેલ ટિકૂએ કહ્યું, જ્યારે કોઈ વ્યક્તિ ભીડભાડવાળી જગ્યા પર જાય ત્યારે સોશિયલ ડિસ્ટેંસિંગનું પાલન કરવું શક્ય નથી. તેથી ડબલ માસ્ક પહેરવાની સલાહ આપવામાં આવે છે. નિષ્ણાતોના કહેવના મુજબ સંક્રમિત વ્યક્તિ પાસેથી પસાર થવા છતાં ડબલ માસ્ક પહેર્યા હોવાથી ડ્રોપલેટ્સ તમારી નજીક પહોંચવાની શક્યતા ઘટી જાય છે.

અમેરિકન સેન્ટર ઓફ ડિસીઝ એન્ડ પ્રિવેંશન મુજબ કોરોના વાયરસથી બચવા માટે ડબલ માસ્ક પહેરેવું શ્રેષ્ઠ વિકલ્પ હોઇ શકે છે. સીડીસી દ્વારા તાજેતરમાં કરવામાં આવેલા સ્ટડી મુજબ, કોવિડ-19થી બચવા ડબલ માસ્ક વધારે સુરક્ષિત છે. સ્ટડીમાં જોવા મળ્યું કે ડબલ માસ્ક વધારે સુરક્ષા આપે છે અને કોરોનાને ફેલાવાથી રોકે છે.

એક સાથે બે સર્જિકલ માસ્ક પહેરવા જોઈએ કે નહીં ?

અમેરિકન સીડીસીના કહેવા મુજબ એક સાથે બે ડિસ્પોઝેબલ સર્જિકલ માસ્ક ન પહેરવા જોઈએ. સર્જિકલ માસ્ક વાયરસ આવતાં અટકાવે છે પણ બે માસ્કથી ક્યારેક શ્વાસ લેવામાં મુશ્કેલી થાય છે. તેના બદલે એક સર્જિકલ માસ્ક અને એક કપડાંના માસ્કનું કોમ્બિનેશન શ્રેષ્ઠ છે.

જો N95 માસ્ક હોય તો

એક્સપર્ટના કહેવા મુજબ જો તમે એન 95 અથવા કેએન95 માસ્ક પહેર્યુ હોય તો તમારે ડબલ માસ્ક પહેરવાની જરૂર નથી.

સર્જિકલ માસ્કને આ રીતે પહેરો

સર્જિકલ માસ્કની દોરીને કાન પાછળથી કડક રીતે બાંધી દેવી જોઈએ. જેના કારણે ચહેરાનો સાઇડનો ભાગ ઢંકાઈ જાય છે અને તેથી ફિલ્ટરની ક્ષમતામાં 20 ટકા જેટલો વધારો થાય છે.

માસ્ક બરાબર બંધાયો છે કે નહીં આ રીતે કરો ચેક

તમારા માસ્કની બહારની કિનારીમાંથી તમારી આંગળી અંદર નાંખો. જો તેમ કરવાથી તમારી આંખો પાસેથી હવા બહાર નીકળવાનો અનુભવ થાય તો તમારે માસ્કને ઠીક કરીને જ્યાંથી ગેપ હોય તે બંધ કરવો જોઈએ.