Delhi Blast: દિલ્હી વિસ્ફોટનું PAK કનેક્શન!, જૈશ માટે કામ કરતી હતી ફરીદાબાદમાંથી ધરપકડ કરાયેલી ડોક્ટર શાહીના
દિલ્હી વિસ્ફોટના તાર ફરીદાબાદ મોડ્યુલ સાથે જોડાયેલા હોય તેવું લાગે છે, જેનો પર્દાફાશ થોડા દિવસો પહેલા જમ્મુ અને કાશ્મીર પોલીસે હરિયાણાથી લખનઉ સુધી હાથ ધરેલા ઓપરેશનમાં કર્યો હતો.
દિલ્હી વિસ્ફોટના તાર ફરીદાબાદ મોડ્યુલ સાથે જોડાયેલા હોય તેવું લાગે છે, જેનો પર્દાફાશ થોડા દિવસો પહેલા જમ્મુ અને કાશ્મીર પોલીસે હરિયાણાથી લખનઉ સુધી હાથ ધરેલા ઓપરેશનમાં કર્યો હતો. આ ઓપરેશનમાં ફરીદાબાદના ડૉ. મુઝમ્મિલ શકીલ અને લખનઉની એક મહિલા ડૉક્ટર શાહીના શાહિદની ધરપકડ કરવામાં આવી હતી. ટીવી 9ના રિપોર્ટ અનુસાર, . શાહિના શાહિદ માત્ર એક સામાન્ય ડૉક્ટર નહોતી પરંતુ ભારતમાં જૈશ-એ-મોહમ્મદની મહિલા વિંગ જમાત-ઉલ-મોમિનાતની કમાન્ડર હતી. સૂત્રો અનુસાર, પાકિસ્તાનમાં આ સંગઠનની વડા સાદિયા અઝહર છે, જે મસૂદ અઝહરની બહેન અને કંદહાર હાઇજેકિંગ કેસના માસ્ટરમાઇન્ડ યુસુફ અઝહરની પત્ની છે. આનો અર્થ એ થયો કે ફરીદાબાદથી ધરપકડ કરાયેલ ડૉક્ટર સીધા જૈશ આતંકવાદી પરિવાર સાથે જોડાયેલા હતા.
દિલ્હી વિસ્ફોટનું ફરીદાબાદ કનેક્શન
સોમવારે સાંજે 6:52 વાગ્યે દિલ્હીના લાલ કિલ્લા મેટ્રો સ્ટેશનના ગેટ નંબર 1 પાસે એક ચાલતી કારમાં વિસ્ફોટ થયો હતો, જેમાં બે મહિલાઓ સહિત નવ લોકો માર્યા ગયા હતા. વિસ્ફોટ પહેલાના સીસીટીવી ફૂટેજમાં પાર્કિંગમાંથી સફેદ રંગની I-20 કાર નીકળતી દેખાઈ રહી છે. આ કાર આતંકવાદી ડૉ. મોહમ્મદ ઉમરની હોવાની શંકા છે. પોલીસનું કહેવું છે કે ઉમર ફરીદાબાદ મોડ્યુલનો ભાગ હોઈ શકે છે. તાજેતરમાં જ જમ્મુ અને કાશ્મીર પોલીસે હરિયાણાના ફરીદાબાદથી લખનઉ સુધી એક ઓપરેશન હાથ ધર્યું હતું અને 2900 કિલો વિસ્ફોટકો (શંકાસ્પદ એમોનિયમ નાઈટ્રેટ) જપ્ત કર્યા હતા. આ ઓપરેશનમાં ફરીદાબાદના ડૉ. મુઝમ્મિલ શકીલ અને લખનઉની ડૉ. શાહીન શાહિદની ધરપકડ કરવામાં આવી હતી.
લખનઉ કનેક્શન ચિંતા ઉભી કરે છે
તપાસમાં એ પણ બહાર આવ્યું છે કે શાહીનાના લખનઉ સાથે લાંબા સમયથી કૌટુંબિક સંબંધો છે. તેના દાદા-દાદી લાલબાગ વિસ્તારમાં રહેતા હતા અને તે બાળપણમાં ઘણી વખત લખનઉ ગઈ હતી. જોકે આ લિંકની સત્તાવાર પુષ્ટી થઈ નથી, ઉત્તર પ્રદેશ પોલીસને હાઇ એલર્ટ પર રાખવામાં આવી છે.
સ્પેશિયલ ટાસ્ક ફોર્સ (STF) એ 30 ઓક્ટોબરના રોજ ફરીદાબાદના ધૌજ વિસ્તારમાંથી અલ-ફલાહ યુનિવર્સિટીના MBBS વિદ્યાર્થી ડૉ. મુઝમ્મિલ અહેમદની ધરપકડ કરી ત્યારે સમગ્ર ષડયંત્રનો ખુલાસો થયો હતો. તેના ઘરમાંથી મોટી માત્રામાં વિસ્ફોટકો મળી આવ્યા હતા. પૂછપરછ દરમિયાન, મુઝામિલે શાહિના શાહિદનું નામ જણાવ્યું. તેની લક્ઝરી કારમાંથી એક AK-47 રાઇફલ અને અનેક મેગેઝિન મળી આવતા પોલીસ આશ્ચર્યચકિત થઈ ગઈ, કારણ કે કારની લાયસન્સ પ્લેટ ડૉ. શાહિનાના નામે હતી. શાહિના એક પ્રતિષ્ઠિત હોસ્પિટલમાં પ્રેક્ટિસ કરતી હતી જેના કારણે તે શંકાસ્પદ નહોતી. એજન્સીઓ હવે તેની કોલ ડિટેલ્સ, બેંક ટ્રાન્જેક્શન અને સોશિયલ મીડિયા ચેટ્સની સંપૂર્ણ તપાસ કરી રહી છે.
ટોપ સ્ટોરી
ટ્રેન્ડિંગ સમાચાર
